Báðar með eitthvað fígúratíft í blóðinu Gunnþóra Gunnarsdóttir skrifar 21. september 2017 11:15 Brynhildur myndhöggvari og Guðrún málari fóru saman í gegnum Myndlistarskólann. Nú ætla þær að sýna saman. „Ég er með trónur og tryllinga. Það eru verur. Sýningin heitir líka Verulegar, við Guðrún erum báðar með eitthvað fígúratíft í blóðinu. Þó erum við líka dálítið veikar fyrir landslagi og steinum – enda eru verurnar þaðan.“ Þetta segir Brynhildur Þorgeirsdóttir myndlistarmaður, spurð út í sýninguna sem hún og Guðrún Tryggvadóttir, kollegi hennar, opna í Listasafni Árnesinga í Hveragerði á laugardaginn klukkan 15. Brynhildur er stödd á vinnustofu sinni í Reykjavík og strax farin að vinna í næsta verkefni. Segir þó verið að stilla sýningunni upp í Hveragerði. „En eitt útiverk eftir mig verður flutt austur í fyrramálið (í dag) með kranabíl. Það er 6,5 tonn. Þá fer ég líka og lít yfir. Annars sér Inga um þetta allt saman. Það er þægilegt.“ Ingan er að sjálfsögðu safnstjórinn, Inga Jónsdóttir, sem Brynhildur segir hafa skýra sýn á það hvernig öllu sé best fyrir komið. „Guðrún er týpískur listmálari og ég týpískur myndhöggvari, við fáum stórt pláss og erum fínar þarna saman.“ Listakonurnar tengjast bæði að fornu og nýju. Brynhildur ólst upp á Hrafnkelsstöðum í Hrunamannahreppi, Guðrún á ættir að rekja í sama hrepp. Þær voru samferða gegnum Myndlista- og handíðaskólann 1974 og hittust aftur níu árum síðar, eftir framhaldsnám hvor í sinni heimsálfu. Þá á Hringbraut 119 þar sem myndlistarmenn og pönkarar höfðust við og einbeittu sér að andstöðu við hefðbundna list þess tíma. Brynhildur segir fáein verk frá þessum umbrotatímum vera á sýningunni, en flest séu þau frá síðustu þremur árum. Listasafn Árnesinga er opið frá 12 til 18 alla daga í september en fimmtudaga til sunnudaga frá og með 1. október. Aðgangur er ókeypis og allir velkomnir. Menning Mest lesið Erna Ómars er borgarlistamaður Reykjavíkur Menning Segir brjóst myndast við mikla bjórdrykkju Lífið Frambjóðendum gekk misvel í hraðaspurningum Lífið Þetta höfðu netverjar að segja um kappræðurnar Lífið Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Kjúklinganaggar hollu stjúpunnar Lífið Hugsar vel um sig til að vera aðlaðandi fyrir Línu Makamál Sigga á Grund er fyrsti heiðursborgari Flóahrepps Lífið „Aldrei verið jafn stolt af mér“ Tónlist Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
„Ég er með trónur og tryllinga. Það eru verur. Sýningin heitir líka Verulegar, við Guðrún erum báðar með eitthvað fígúratíft í blóðinu. Þó erum við líka dálítið veikar fyrir landslagi og steinum – enda eru verurnar þaðan.“ Þetta segir Brynhildur Þorgeirsdóttir myndlistarmaður, spurð út í sýninguna sem hún og Guðrún Tryggvadóttir, kollegi hennar, opna í Listasafni Árnesinga í Hveragerði á laugardaginn klukkan 15. Brynhildur er stödd á vinnustofu sinni í Reykjavík og strax farin að vinna í næsta verkefni. Segir þó verið að stilla sýningunni upp í Hveragerði. „En eitt útiverk eftir mig verður flutt austur í fyrramálið (í dag) með kranabíl. Það er 6,5 tonn. Þá fer ég líka og lít yfir. Annars sér Inga um þetta allt saman. Það er þægilegt.“ Ingan er að sjálfsögðu safnstjórinn, Inga Jónsdóttir, sem Brynhildur segir hafa skýra sýn á það hvernig öllu sé best fyrir komið. „Guðrún er týpískur listmálari og ég týpískur myndhöggvari, við fáum stórt pláss og erum fínar þarna saman.“ Listakonurnar tengjast bæði að fornu og nýju. Brynhildur ólst upp á Hrafnkelsstöðum í Hrunamannahreppi, Guðrún á ættir að rekja í sama hrepp. Þær voru samferða gegnum Myndlista- og handíðaskólann 1974 og hittust aftur níu árum síðar, eftir framhaldsnám hvor í sinni heimsálfu. Þá á Hringbraut 119 þar sem myndlistarmenn og pönkarar höfðust við og einbeittu sér að andstöðu við hefðbundna list þess tíma. Brynhildur segir fáein verk frá þessum umbrotatímum vera á sýningunni, en flest séu þau frá síðustu þremur árum. Listasafn Árnesinga er opið frá 12 til 18 alla daga í september en fimmtudaga til sunnudaga frá og með 1. október. Aðgangur er ókeypis og allir velkomnir.
Menning Mest lesið Erna Ómars er borgarlistamaður Reykjavíkur Menning Segir brjóst myndast við mikla bjórdrykkju Lífið Frambjóðendum gekk misvel í hraðaspurningum Lífið Þetta höfðu netverjar að segja um kappræðurnar Lífið Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Kjúklinganaggar hollu stjúpunnar Lífið Hugsar vel um sig til að vera aðlaðandi fyrir Línu Makamál Sigga á Grund er fyrsti heiðursborgari Flóahrepps Lífið „Aldrei verið jafn stolt af mér“ Tónlist Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira