Nánast búnir að Tékka sig út Ingvi Þór Sæmundsson skrifar 15. júní 2017 06:00 Janus Daði Smárason hnoðaði lífi í íslenska liðið í gær. vísir/getty „Við komum hingað til að vinna og ná okkur í tvö stig. Næsta var að ná í eitt stig og að síðustu að tapa í mesta lagi með einu marki og skora 25 mörk þannig að við værum með betri árangur í innbyrðis viðureignunum gegn Tékkum. En ekkert af þessu gekk upp og það eru vonbrigði,“ sagði landsliðsþjálfarinn Geir Sveinsson í samtali við Fréttablaðið eftir tapið fyrir Tékkum í undankeppni EM 2018 í Brno í gær. Íslendingar grófu sína eigin gröf með slökum fyrri hálfleik. Það var ekki heil brú í leik íslenska liðsins fyrstu 30 mínúturnar. Sóknarleikurinn var í molum en eftir 16 mínútur voru aðeins þrjú íslensk mörk komin á töfluna. Sex núll vörnin gekk illa og Björgvin Páll Gústavsson átti erfitt uppdráttar. Aron Rafn Eðvarðsson átti góða innkomu í markið undir lok fyrri hálfleiks en þrátt fyrir það var Ísland fimm mörkum undir í hálfleik, 14-9. Tékkar héldu áfram þar sem frá var horfið í upphafi seinni hálfleiks og náðu mest sex marka forystu. Um miðjan seinni hálfleikinn var Janusi Daða Smárasyni farið að leiðast þófið og hann dró íslenska liðið nánast einn síns liðs inn í leikinn. Selfyssingurinn skoraði þrjú mörk í röð og stal auk þess þremur boltum. „Janus kom frábærlega inn og eftir á að hyggja er það klárt að maður hefði átt að setja hann fyrr inn á. Það er alltaf hægt að vera vitur eftir á,“ sagði Geir um Janus Daða. Varnarleikur Íslands styrktist líka eftir því sem leið á seinni hálfleikinn. Geir breytti yfir í 5-1 vörn undir lok fyrri hálfleiks og líkt og í sigrinum á Makedóníu í maí gaf hún góða raun. „Okkur hefur gengið vel að þróa hana og þeir stóðu sig einstaklega vel í þristunum, Bjarki [Már Gunnarsson] og Ólafur [Guðmundsson],“ sagði Geir um 5-1 vörnina. Ísland breytti stöðunni úr 22-16 í 23-22 en nær komust íslensku strákarnir ekki. Tékkland komst upp með að spila langar sóknir undir lokin og þær enduðu oftast með marki. Að sögn Geirs var sóknarleikur íslenska liðsins í leiknum í gær ekki alslæmur en dauðafærin sem það klúðraði hafi reynst dýrkeypt. „Sóknarleikurinn var kannski ekki svo slæmur. Við vorum ekki með „nema“ 7-8 tæknimistök og það er mjög gott í leik sem þessum. Við sköpuðum okkur færi og skoruðum 24 mörk sem er alveg viðunandi í svona hörðum leik. En það sem er ekki viðunandi eru tækifærin sem við klúðruðum,“ sagði Geir en Martin Galia, hinn síungi markvörður Tékka, varði alltof mörg dauðafæri frá íslensku strákunum í leiknum í gær. Landsliðsfyrirliðinn Guðjón Valur Sigurðsson var markahæstur í íslenska liðinu í gær með níu mörk. Næstir komu Janus Daði og Aron Pálmarsson með þrjú mörk hvor. Sá síðarnefndi átti þó ekki merkilegan leik. Aron er einn besti handboltamaður í heimi en sýndi það ekki í gær. Rúnar Kárason og Ólafur hófu leikinn í skyttustöðunum en fundu engan takt. Rúnar byrjaði illa, bæði í vörn og sókn, spilaði ekkert í seinni hálfleik. Ólafur náði ekki að fylgja eftir frábærum leik gegn Makedóníu og fór aftur inn í skelina sína. Þá getur landslið sem ætlar að láta taka sig alvarlega árið 2017 ekki verið með Kára Kristján Kristjánsson inni á línunni. Tankurinn á þeim bænum virðist einfaldlega vera orðinn tómur. Arnar Freyr Arnarsson fékk þungt högg á augað skömmu eftir að hann kom inn á í fyrri hálfleik og gat ekki spilað meira í framhaldinu. Það var skarð fyrir skildi. Eftir úrslitin í gær eru strákarnir okkar ekki lengur með örlögin í eigin hendi. Þeir eiga þó enn möguleika á að komast í lokakeppnina í Króatíu. Ísland þarf að vinna Úkraínu í lokaleik riðlakeppninnar á sunnudaginn og treysta á úrslit í öðrum leikjum. „Sunnudagurinn gengur bara út á að vinna, ná sér í tvö stig og gera það eins vel og mögulegt er. Svo verðum við bara að sjá hvort það skilar okkur einhverju,“ sagði Geir að lokum. EM 2018 í handbolta Mest lesið Gat ekki staðið upp til að taka við bikarnum Sport Ten Hag: Leikmennirnir hefðu átt að halda áfram að berjast líkt og stuðningsfólkið Enski boltinn „Höfum engu að tapa núna“ Fótbolti „Segir þeim að hætta þessu fokking rugli“ Fótbolti „Ótrúlega stoltur að klára mjög sterkt og vel mannað Grindavíkurlið“ Körfubolti „Það er þjálfarinn sem á að stíga upp og finna betri lausnir“ Körfubolti Uppgjör, viðtöl og myndir: Breiðablik - Valur 2-3 | Manni færri héldu gestirnir út Íslenski boltinn Áflogaseggir fá ekki að mæta aftur á völlinn Körfubolti Mari meyr eftir sigurinn Sport Fjórir frá vegna meiðsla: „Dagurinn ekkert frábær á skrifstofunni“ Handbolti Fleiri fréttir Fjórir frá vegna meiðsla: „Dagurinn ekkert frábær á skrifstofunni“ „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Sjá meira
„Við komum hingað til að vinna og ná okkur í tvö stig. Næsta var að ná í eitt stig og að síðustu að tapa í mesta lagi með einu marki og skora 25 mörk þannig að við værum með betri árangur í innbyrðis viðureignunum gegn Tékkum. En ekkert af þessu gekk upp og það eru vonbrigði,“ sagði landsliðsþjálfarinn Geir Sveinsson í samtali við Fréttablaðið eftir tapið fyrir Tékkum í undankeppni EM 2018 í Brno í gær. Íslendingar grófu sína eigin gröf með slökum fyrri hálfleik. Það var ekki heil brú í leik íslenska liðsins fyrstu 30 mínúturnar. Sóknarleikurinn var í molum en eftir 16 mínútur voru aðeins þrjú íslensk mörk komin á töfluna. Sex núll vörnin gekk illa og Björgvin Páll Gústavsson átti erfitt uppdráttar. Aron Rafn Eðvarðsson átti góða innkomu í markið undir lok fyrri hálfleiks en þrátt fyrir það var Ísland fimm mörkum undir í hálfleik, 14-9. Tékkar héldu áfram þar sem frá var horfið í upphafi seinni hálfleiks og náðu mest sex marka forystu. Um miðjan seinni hálfleikinn var Janusi Daða Smárasyni farið að leiðast þófið og hann dró íslenska liðið nánast einn síns liðs inn í leikinn. Selfyssingurinn skoraði þrjú mörk í röð og stal auk þess þremur boltum. „Janus kom frábærlega inn og eftir á að hyggja er það klárt að maður hefði átt að setja hann fyrr inn á. Það er alltaf hægt að vera vitur eftir á,“ sagði Geir um Janus Daða. Varnarleikur Íslands styrktist líka eftir því sem leið á seinni hálfleikinn. Geir breytti yfir í 5-1 vörn undir lok fyrri hálfleiks og líkt og í sigrinum á Makedóníu í maí gaf hún góða raun. „Okkur hefur gengið vel að þróa hana og þeir stóðu sig einstaklega vel í þristunum, Bjarki [Már Gunnarsson] og Ólafur [Guðmundsson],“ sagði Geir um 5-1 vörnina. Ísland breytti stöðunni úr 22-16 í 23-22 en nær komust íslensku strákarnir ekki. Tékkland komst upp með að spila langar sóknir undir lokin og þær enduðu oftast með marki. Að sögn Geirs var sóknarleikur íslenska liðsins í leiknum í gær ekki alslæmur en dauðafærin sem það klúðraði hafi reynst dýrkeypt. „Sóknarleikurinn var kannski ekki svo slæmur. Við vorum ekki með „nema“ 7-8 tæknimistök og það er mjög gott í leik sem þessum. Við sköpuðum okkur færi og skoruðum 24 mörk sem er alveg viðunandi í svona hörðum leik. En það sem er ekki viðunandi eru tækifærin sem við klúðruðum,“ sagði Geir en Martin Galia, hinn síungi markvörður Tékka, varði alltof mörg dauðafæri frá íslensku strákunum í leiknum í gær. Landsliðsfyrirliðinn Guðjón Valur Sigurðsson var markahæstur í íslenska liðinu í gær með níu mörk. Næstir komu Janus Daði og Aron Pálmarsson með þrjú mörk hvor. Sá síðarnefndi átti þó ekki merkilegan leik. Aron er einn besti handboltamaður í heimi en sýndi það ekki í gær. Rúnar Kárason og Ólafur hófu leikinn í skyttustöðunum en fundu engan takt. Rúnar byrjaði illa, bæði í vörn og sókn, spilaði ekkert í seinni hálfleik. Ólafur náði ekki að fylgja eftir frábærum leik gegn Makedóníu og fór aftur inn í skelina sína. Þá getur landslið sem ætlar að láta taka sig alvarlega árið 2017 ekki verið með Kára Kristján Kristjánsson inni á línunni. Tankurinn á þeim bænum virðist einfaldlega vera orðinn tómur. Arnar Freyr Arnarsson fékk þungt högg á augað skömmu eftir að hann kom inn á í fyrri hálfleik og gat ekki spilað meira í framhaldinu. Það var skarð fyrir skildi. Eftir úrslitin í gær eru strákarnir okkar ekki lengur með örlögin í eigin hendi. Þeir eiga þó enn möguleika á að komast í lokakeppnina í Króatíu. Ísland þarf að vinna Úkraínu í lokaleik riðlakeppninnar á sunnudaginn og treysta á úrslit í öðrum leikjum. „Sunnudagurinn gengur bara út á að vinna, ná sér í tvö stig og gera það eins vel og mögulegt er. Svo verðum við bara að sjá hvort það skilar okkur einhverju,“ sagði Geir að lokum.
EM 2018 í handbolta Mest lesið Gat ekki staðið upp til að taka við bikarnum Sport Ten Hag: Leikmennirnir hefðu átt að halda áfram að berjast líkt og stuðningsfólkið Enski boltinn „Höfum engu að tapa núna“ Fótbolti „Segir þeim að hætta þessu fokking rugli“ Fótbolti „Ótrúlega stoltur að klára mjög sterkt og vel mannað Grindavíkurlið“ Körfubolti „Það er þjálfarinn sem á að stíga upp og finna betri lausnir“ Körfubolti Uppgjör, viðtöl og myndir: Breiðablik - Valur 2-3 | Manni færri héldu gestirnir út Íslenski boltinn Áflogaseggir fá ekki að mæta aftur á völlinn Körfubolti Mari meyr eftir sigurinn Sport Fjórir frá vegna meiðsla: „Dagurinn ekkert frábær á skrifstofunni“ Handbolti Fleiri fréttir Fjórir frá vegna meiðsla: „Dagurinn ekkert frábær á skrifstofunni“ „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Sjá meira
Uppgjör, viðtöl og myndir: Breiðablik - Valur 2-3 | Manni færri héldu gestirnir út Íslenski boltinn
Uppgjör, viðtöl og myndir: Breiðablik - Valur 2-3 | Manni færri héldu gestirnir út Íslenski boltinn