Golf

Sjáið Tiger Woods reyna að ganga eftir beinni línu þegar hann var handtekinn | Myndband

Óskar Ófeigur Jónsson skrifar
Tiger Woods með lögreglumönnunum þessa örlagaríku nótt.
Tiger Woods með lögreglumönnunum þessa örlagaríku nótt. Vísir/Samsett
Lögreglan í Jupiter í Florída-fylki í Bandaríkjunum hefur sent frá sér myndbandið af því þegar golfarinn Tiger Woods var handtekinn á mánudagskvöldið.

Handtakan varð að heimsfrétt enda á ferðinni einn frægasti íþróttamaður heimsins þótt að illa hafi gengið hjá kappanum síðustu ár.

Það er ljós á öllu í þessu myndbandi að Tiger er í engu ástandi til að aka bíl því hann er óskýr í máli, ringlaður og það reynist honum mjög erfitt að fylgja fyrirmælum lögreglunnar.

Lögreglumaðurinn biður Tiger meðal annars að ganga eftir beinni línu sem gengur mjög illa hjá kappanum.











 



Tiger fannst í Mercedes-Benz AMG 65 bíl sínum við vegakantinn en honum tókst þó ekki að koma bílnum alveg af veginum og lokaði hann því hálfvegis hægri akreininni. Bílinn var líka eitthvað skemmdur og það er því ekkert skrýtið að lögreglan hafi stoppað.

Lögreglumaðurinn gefst síðan á endanum upp á Tiger og handtekur hann vegna grunsemda um að hafa keyrt undir áhrifum.

Ekkert áfengismagn fannst þegar Tiger var látinn blása en hann viðurkenndi strax að hafa verið að taka lyf. Tiger er að glíma við eftirmála aðgerðar á baki sem hefur haldið honum mikið frá keppni á síðustu misserum.

Sjónvarpsstöðvarnar í Bandaríkjunum hafa keppst við að sýna myndbandið eftir að það var gert opinbert í nótt.

Golf

Tengdar fréttir

Benzinn hans Tigers var stórskemmdur

Tiger Woods var handtekinn í Flórída á dögunum og það þarf ekki að koma á óvart að lögreglumenn hafi talið að hann væri ölvaður.

Tiger gripinn ölvaður undir stýri

Vandræðunum í lífi Tiger Woods virðist ekki vera lokið en hann var handtekinn í nótt. Hann var þá ölvaður undir stýri.

Mest lesið


Fleiri fréttir

Sjá meira


×

Mest lesið