Viðskipti innlent

Undirbúningur fyrir jólin hafinn

Kolbeinn Tumi Daðason skrifar
Sissel Kyrkje­bø á jólatónleikum í Hörpu í fyrra. Með henni á sviðinu er Ari Ólafsson.
Sissel Kyrkje­bø á jólatónleikum í Hörpu í fyrra. Með henni á sviðinu er Ari Ólafsson. Vísir/Eyþór
Þótt Íslendingar bíði enn sumars er undirbúningur fyrir jólin hafinn hjá viðburðafyrirtækjum og listamönnum. Þannig er þegar hafin sala á jólatónleika norska sópransins Sissel annars vegar og Sigríðar Beinteinsdóttur hins vegar.

„Ísleifur B. Þórhallsson hjá Senu, sem stendur fyrir tónleikum Sissel, sagði við Fréttablaðið á dögunum að hann teldi ekki of snemmt að hefja sölu á miðunum. Miðasala hófst 18. maí eða rúmum sjö mánuðum fyrir jól.

„Svona er þetta gert í Skandínavíu. Þar er hún farin í sölu og allt uppselt,“ sagði Ísleifur. 

Sigga Beinteins blæs til jólatónleika í ár sem endranær.vísir/GVA
Hann bendir á að fyrir síðustu jól hafi verið áformaðir tvennir tónleikar í upphafi. Þá hafi miðasalan farið af stað á sólríkum júnídegi. Strax hafi selst upp á þá og tvennum verið bætt við. Hann bjóst við að það yrði eins núna. 

„Þetta er Sissel og hún er stjarna,“ segir hann. Tónleikar Sissel verða þann 20. desember. Miðaverð á tónleikana er frá níu þúsund krónum í ódýrustu sætin upp í sextán þúsund krónur í bestu sætin. 

Sigga Beinteins verður með tvenna jólatónleika þá 8. og 9. desember en hún er einn þeirra listamanna sem hægt hefur verið að ganga að sem vísu að bjóði upp á tónleika um jólin.

Í framhaldinu má reikna með því að hverjir jólatónleikarnir á fætur öðrum verði auglýstir enda hefur framboðið af slíkum tónleikum verið mikið undanfarin ár.

Þar hafa þó fáir getað keppt við Baggalútsmenn sem seldu upp á tólf tónleika í Háskólabíó á aðeins einni klukkustund í fyrra. Þá var miðaverð átta þúsund krónur á tónleikana.


Tengdar fréttir

Nýr jólasmellur frá Siggu Beinteins

"Jæja þá er komið að því að kynna nýtt jólalag,“ segir söngkonan Sigríður Beinteinsdóttir, á Facebook-síðu sinni en hún var rétt í þessu að gefa út nýtt jólalag.

Söng með Sissel Kyrkjebø

Ari Ólafsson er 18 ára nemandi á tónlistarbraut Menntaskólans í Hamrahlíð en jafnframt öflugur söngvari og vakti mikla athygli þegar hann söng með norsku stjörnunni Sissel Kyrkjebø í Eldborg.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
VIS
2,78
15
396.033
ICESEA
2,5
11
103.520
LEQ
1,83
1
2.084
SJOVA
1,75
12
89.005
ORIGO
1,46
6
24.106

Mesta lækkun dagsins


Félag
Br.%
Fjöldi
Velta*
ICEAIR
-1,69
41
43.718
SIMINN
-1,63
16
106.493
MAREL
-1,18
13
15.269
FESTI
-0,46
6
187.035
SYN
-0,4
3
4.256
Velkomin á Vísi. Þessi vefur notar vafrakökur. Sjá nánar.