Er í mínu besta formi Eiríkur Stefán Ásgeirsson skrifar 16. maí 2017 06:00 Sara Björk fær hér gusu yfir sig í fögnuðinum um helgina. vísir/getty Wolfsburg varð um helgina þýskur meistari í knattspyrnu þrátt fyrir að enn væri ein umferð eftir af keppnistímabili í þýsku 1. deild kvenna. Wolfsburg tapaði að vísu fyrir Freiburg, 0-2, um helgina en það kom ekki að sök þar sem meistari síðustu tveggja ára, Bayern München, steinlá á heimavelli fyrir Potsdam, 4-0, á sama tíma. „Tilfinningin var mjög ljúf, þrátt fyrir að við töpuðum leiknum,“ sagði Sara Björk í samtali við Fréttablaðið í gær. „Þegar maður leit í átt að hliðarlínunni og sá að þar var byrjað að fagna þá áttaði maður sig á þessu almennilega. Þetta var frábært.“ Þetta var aðeins annar tapleikur Wolfsburg á tímabilinu en liðið er með fjögurra stiga forystu á Bayern fyrir lokaumferðina. Potsdam og Freiburg koma svo í næstu tveimur sætum á eftir. Sara Björk segir að árangurinn hafi ekki komið á óvart. Wolfsburg sé það stórt félag að það sé gerð krafa um árangur á hverju ári en þetta var þriðji meistaratitill félagsins – hinir komu árin 2013 og 2014. „Þetta gekk betur í síðari umferðinni en þeirri fyrri. Fyrir áramót töpuðu við fyrir Potsdam og gerðum jafntefli við SC Sand og Frankfurt. Það eru allir leikir í þessari deild erfiðir,“ sagði Sara Björk en Wolfsburg hafði unnið alla leiki sína eftir áramót fram að leik helgarinnar.Erfitt og krefjandi Þýska deildin er án nokkurs vafa ein sú allra sterkasta í heimi enda hafa þýsk lið unnið Meistaradeild Evrópu í níu skipti af alls fimmtán. Sara Björk kom til Þýskalands síðastliðið sumar frá Svíþjóð, þar sem hún varð margfaldur meistari með Rosengård. „Ef maður á að bera þetta saman þá gætu 3-4 bestu liðin í Svíþjóð staðið sig vel hér. En mestur er munurinn á líkamlegu formi leikmanna. Það sá ég líka þegar ég var í Svíþjóð og spilaði gegn þýskum liðum – þau voru alltaf í toppstandi,“ segir Sara Björk. „Ég finn því talsverðan mun á deildunum. Þetta er rosalega erfitt og krefjandi en það var líka ástæðan fyrir því að ég vildi skipta og prófa eitthvað nýtt. Sjálf finn ég fyrir því að ég hef aldrei verið í jafn góðu formi og er að toppa sjálfa mig. Á þessu eina tímabili hef ég orðið betri og betri.“ Hún segir að þetta sé ekki bara spurning um að æfa meira en aðrir. „Það skiptir líka máli að æfa rétt,“ bætir Sara Björk við.Samkeppnin ýtir við manni Sara Björk hefur spilað mikið með Wolfsburg og er ánægð með það, ekki síst í ljósi þess hversu mikil samkeppnin er. „Ef maður átti lélegan leik í Svíþjóð var maður nokkuð viss um að halda sætinu sínu. En hér þarf maður alltaf að vera á tánum. En ég er sátt við hversu mikið ég hef spilað og þá trú sem þjálfarinn hefur á mér. Það er ekki létt að halda sætinu sínu í liðinu,“ segir hún. Sara Björk spilar sem varnartengiliður, svokölluð sexa, og segir hún að það séu alls fimm leikmenn í hópnum að berjast um tvær stöður. „Svona lagað ýtir við manni enn lengra og þannig verður maður betri.“ Wolfsburg mætir SC Sand í bikarúrslitunum þann 27. maí og Wolfsburg vill auðvitað vinna tvöfalt. „Svo tökum við Meistaradeildina á næsta ári,“ sagði hún í léttum dúr. Sara Björk á tvö ár eftir af samningi sínum og það er ekkert fararsnið á henni. „Mér líður vel hér og ég er í toppstandi,“ segir Sara Björk að lokum. Þýski boltinn Mest lesið Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Schauffele heldur forystunni en Tiger langt frá niðurskurðinum Golf Jóhann Berg fer frá Burnley í sumar Enski boltinn Rekinn tveimur dögum eftir bikarmeistaratitilinn Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Klopp myndi kjósa með afnámi VAR Fótbolti Vill komast hjá því að afhenda City bikarinn Enski boltinn Jóhann: Brotnuðum auðveldlega Körfubolti Fleiri fréttir Jóhann Berg fer frá Burnley í sumar Íhuga að reka Xavi sem hætti við að hætta Klopp myndi kjósa með afnámi VAR Rekinn tveimur dögum eftir bikarmeistaratitilinn Valsmenn síðastir inn í átta liða úrslit Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Kristín Dís lék allan leikinn er Brøndby komst í úrslit Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Vill komast hjá því að afhenda City bikarinn „Það eru alltaf einhverjar leiðir sem opnast í pressu“ Nýliðinn í íslenska landsliðinu er markahæst í dönsku úrvalsdeildinni Þorsteinn valdi þrjá nýliða fyrir mikilvæga leiki Svona var blaðamannafundur Þorsteins fyrir mikilvæga leiki Allt í skrúfunni hjá Bæjurum: Tuchel fer eftir allt saman Fjórir af tíu launahæstu íþróttamönnum heims spila í Sádi-Arabíu Fyrsta HM stelpnanna okkar verður vonandi í Brasilíu 2027 Klopp enn fúll út í Maddison eftir að Liverpool missti af titlinum 2019 Barcelona þarf tæplega tuttugu milljarða fyrir lok júnímánaðar Börsungar styrktu stöðu sína í öðru sæti Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Leeds í úrslit um sæti í ensku úrvalsdeildinni Sverrir Ingi á toppinn í Danmörku Kolbeinn lagði upp jöfnunarmark Gautaborgar Viðar Ari skoraði og lagði upp í ótrúlegum sigri Stefán Teitur skoraði þegar Silkeborg lagði AGF annað sinn Sjá meira
Wolfsburg varð um helgina þýskur meistari í knattspyrnu þrátt fyrir að enn væri ein umferð eftir af keppnistímabili í þýsku 1. deild kvenna. Wolfsburg tapaði að vísu fyrir Freiburg, 0-2, um helgina en það kom ekki að sök þar sem meistari síðustu tveggja ára, Bayern München, steinlá á heimavelli fyrir Potsdam, 4-0, á sama tíma. „Tilfinningin var mjög ljúf, þrátt fyrir að við töpuðum leiknum,“ sagði Sara Björk í samtali við Fréttablaðið í gær. „Þegar maður leit í átt að hliðarlínunni og sá að þar var byrjað að fagna þá áttaði maður sig á þessu almennilega. Þetta var frábært.“ Þetta var aðeins annar tapleikur Wolfsburg á tímabilinu en liðið er með fjögurra stiga forystu á Bayern fyrir lokaumferðina. Potsdam og Freiburg koma svo í næstu tveimur sætum á eftir. Sara Björk segir að árangurinn hafi ekki komið á óvart. Wolfsburg sé það stórt félag að það sé gerð krafa um árangur á hverju ári en þetta var þriðji meistaratitill félagsins – hinir komu árin 2013 og 2014. „Þetta gekk betur í síðari umferðinni en þeirri fyrri. Fyrir áramót töpuðu við fyrir Potsdam og gerðum jafntefli við SC Sand og Frankfurt. Það eru allir leikir í þessari deild erfiðir,“ sagði Sara Björk en Wolfsburg hafði unnið alla leiki sína eftir áramót fram að leik helgarinnar.Erfitt og krefjandi Þýska deildin er án nokkurs vafa ein sú allra sterkasta í heimi enda hafa þýsk lið unnið Meistaradeild Evrópu í níu skipti af alls fimmtán. Sara Björk kom til Þýskalands síðastliðið sumar frá Svíþjóð, þar sem hún varð margfaldur meistari með Rosengård. „Ef maður á að bera þetta saman þá gætu 3-4 bestu liðin í Svíþjóð staðið sig vel hér. En mestur er munurinn á líkamlegu formi leikmanna. Það sá ég líka þegar ég var í Svíþjóð og spilaði gegn þýskum liðum – þau voru alltaf í toppstandi,“ segir Sara Björk. „Ég finn því talsverðan mun á deildunum. Þetta er rosalega erfitt og krefjandi en það var líka ástæðan fyrir því að ég vildi skipta og prófa eitthvað nýtt. Sjálf finn ég fyrir því að ég hef aldrei verið í jafn góðu formi og er að toppa sjálfa mig. Á þessu eina tímabili hef ég orðið betri og betri.“ Hún segir að þetta sé ekki bara spurning um að æfa meira en aðrir. „Það skiptir líka máli að æfa rétt,“ bætir Sara Björk við.Samkeppnin ýtir við manni Sara Björk hefur spilað mikið með Wolfsburg og er ánægð með það, ekki síst í ljósi þess hversu mikil samkeppnin er. „Ef maður átti lélegan leik í Svíþjóð var maður nokkuð viss um að halda sætinu sínu. En hér þarf maður alltaf að vera á tánum. En ég er sátt við hversu mikið ég hef spilað og þá trú sem þjálfarinn hefur á mér. Það er ekki létt að halda sætinu sínu í liðinu,“ segir hún. Sara Björk spilar sem varnartengiliður, svokölluð sexa, og segir hún að það séu alls fimm leikmenn í hópnum að berjast um tvær stöður. „Svona lagað ýtir við manni enn lengra og þannig verður maður betri.“ Wolfsburg mætir SC Sand í bikarúrslitunum þann 27. maí og Wolfsburg vill auðvitað vinna tvöfalt. „Svo tökum við Meistaradeildina á næsta ári,“ sagði hún í léttum dúr. Sara Björk á tvö ár eftir af samningi sínum og það er ekkert fararsnið á henni. „Mér líður vel hér og ég er í toppstandi,“ segir Sara Björk að lokum.
Þýski boltinn Mest lesið Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Schauffele heldur forystunni en Tiger langt frá niðurskurðinum Golf Jóhann Berg fer frá Burnley í sumar Enski boltinn Rekinn tveimur dögum eftir bikarmeistaratitilinn Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Klopp myndi kjósa með afnámi VAR Fótbolti Vill komast hjá því að afhenda City bikarinn Enski boltinn Jóhann: Brotnuðum auðveldlega Körfubolti Fleiri fréttir Jóhann Berg fer frá Burnley í sumar Íhuga að reka Xavi sem hætti við að hætta Klopp myndi kjósa með afnámi VAR Rekinn tveimur dögum eftir bikarmeistaratitilinn Valsmenn síðastir inn í átta liða úrslit Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Kristín Dís lék allan leikinn er Brøndby komst í úrslit Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Vill komast hjá því að afhenda City bikarinn „Það eru alltaf einhverjar leiðir sem opnast í pressu“ Nýliðinn í íslenska landsliðinu er markahæst í dönsku úrvalsdeildinni Þorsteinn valdi þrjá nýliða fyrir mikilvæga leiki Svona var blaðamannafundur Þorsteins fyrir mikilvæga leiki Allt í skrúfunni hjá Bæjurum: Tuchel fer eftir allt saman Fjórir af tíu launahæstu íþróttamönnum heims spila í Sádi-Arabíu Fyrsta HM stelpnanna okkar verður vonandi í Brasilíu 2027 Klopp enn fúll út í Maddison eftir að Liverpool missti af titlinum 2019 Barcelona þarf tæplega tuttugu milljarða fyrir lok júnímánaðar Börsungar styrktu stöðu sína í öðru sæti Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Leeds í úrslit um sæti í ensku úrvalsdeildinni Sverrir Ingi á toppinn í Danmörku Kolbeinn lagði upp jöfnunarmark Gautaborgar Viðar Ari skoraði og lagði upp í ótrúlegum sigri Stefán Teitur skoraði þegar Silkeborg lagði AGF annað sinn Sjá meira