Sjáðu mörkin sem komu City svo gott sem í Meistaradeildina

Manchester City er svo gott sem öruggt með sæti í Meistaradeild Evrópu á næstu leiktíð eftir 3-1 sigur á West Brom í gærkvöldi.

Liverpool og Arsenal þurfa bæði að vinna leiki sína í lokaumferðinni og City að tapa með talsverðum mun til að detta niður í fimmta sætið.

Arsenal heldur enn í vonina um að komast í Meistaradeildina eftir 2-0 sigur á Sunderland. Lærisveinar Arsene Wenger eru þó enn stigi á eftir Liverpool, sem er í fjórða sæti deildarinnar.

Liverpool leikur gegn Middlesbrough í lokaumferðinni á sunnudag og Arsenal tekur á móti Everton. Fjögur efstu lið ensku deildarinnar öðlast þátttökurétt í Meistaradeild Evrópu.

Mörkin úr leikjunum má sjá hér fyrir neðan.

Arsenal 2 - 0 Sunderland

Manchester City 3 - 1 West Brom