Britney Spears söngleikur í vinnslu

Britney Spears hefur seinustu ár verið með sýningar í Las Vegar. Samningurinn hennar þar í bæ rennur út í lok þessa árs. Söngkonan og teymið hennar eru strax farin að huga að framhaldinu en þau vinna nú að því að setja upp söngleik á Broadway í New York. 

Samkvæmt Forbes hafa umboðsmenn Spears nú þegar fundað með leikstjóranum Jerry Mitchell um verkefnið. Í samtali við Forbes sagði Jerry að söngleikurinn muni þó ekki snúast um ævi Britney heldur mundi vera búin til skáldsaga þar sem lög Britney væru notuð. Svipað var gert með Abba lögin í söngleiknum Mamma Mia. 

Ferlið er þó ennþá á frumstigi og því ennþá langt í land. Það er þó hægt að gera ráð fyrir því að aðdáendur Britney séu spenntir yfir þessum fréttum. Hver væri ekki til í að sjá Baby One More Time sungið á Broadway?