Glamour

SKAM stjarna í tískuþætti í W Magazine

Ritstjórn skrifar
Skjáskot/WMagazine

Norska leikkona Josefine Frida Pettersen, sem við Íslendingar þekkjum betur sem Nooru frá sjónvarpsseríunni vinsælu SKAM, er í stóru viðtali við W Magazine.  

Viðtalið er tekið Osló þar sem Josefine er fengin til að klæðast fatnaði frá frægustu fatahönnuðum Noregs en þar í borg fer núna fram tískuvika. Höfundur viðtalsins talar mikið um hvernig sjónvarpsþættirnir hafi tekið Skandinavíu með stormi og Josefine viðurkennir að þessu nýtilkomna frægð sé furðuleg. Þrátt fyrir að vera ein af stjörnum þáttarins hefur hún ekki komið fram í mörgum viðtölum og þetta er fyrsta tískumyndatakan sem hún gerir. 

„Þetta getur verið skrýtið stundum,“ segir hún aðspurð hvernig hún tæklar frægðina og vinsældir þáttana. „Eins og þegar fólk er að taka myndir af mér sofandi á flugvelli eða þegar ég er að borða. En ef það eru svoleiðis myndir sem þú vilt, þá bara gjörðu svo vel!“

Margar konur, þvert á landamæri á Norðurlöndunum að minnsta kosti leyfum við okkur að fullyrða, hafa byrja að sækja innblástur í fatastíl Nooru sem einkennist af töffaralegum en klassískum fatnaði, stuttu hári og vörum í lit. Heyrst hefur að hárgreiðslustofur í Noregi hafi ekki undan að klippa hina svokölluðu „Nooru klippingu“.

Josefine segir að það hafi verið skrýtið í fyrstu og nú þegar hún er byrjuð að safna hári aftur þá líð henni eins og hún sé að svíkja aðdáendurna. 

Forvitnilegt viðtal við hæfileikaríka stúlku sem hægt er að lesa í heild sinni hér. 



Skjáskót/WMagazine

A photo posted by Noora Sætre (@loglady99) on

<3333333333 dekkan to as

A photo posted by Josefine (@josefinpettersen) on



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.