Umfjöllun og viðtöl: Snæfell - Keflavík 68-60 | Bikarinn fór ekki á loft í Hólminum Arnór Óskarsson í Stykkishólmi skrifar 23. apríl 2017 22:00 Aaryn Ellenberg átti flottan leik. vísir/sumarliði ásgeirsson Snæfell minnkaði muninn í úrslitaeinvíginu við Keflavík með 68-60 sigri í þriðja leik liðanna í Stykkishólmi í Keflavík leiðir 2-1 í einvíginu en Hólmarar geta haldið í vonina eftir þennan baráttusigur í sveiflukenndum leik þar sem úrslitin réðust ekki fyrr en undir lok fjórða leikhlutans. Leikurinn í kvöld hófst af miklum krafti þar sem bæði lið sýndu strax frá upphafi mikla baráttu í bæði vörn og sókn. Liðin skiptust á að svara áhlaupum mótherjans og endaði fyrsti fjórðungur jafn, 17-17. Í öðrum leikhluta komu heimamenn sterkari til leiks og bygðu hægt og bítandi upp þægilega 13 stiga forystu en hálfleikstölur urðu 40-27. Gestirnir frá Keflavík komu sterkir til baka eftir hálfleik og snéru blaðinu við í þriðja leikhluta en Keflavík skoraði 20 stig á móti aðeins 7 stigum Snæfells. Var nú fyrirsjáanlegt að spennustigið yrði mikið í fjórða leikhlutanum og að hann kæmi til með að ráða úrslitum í kvöld en staðan í lok þriðja leikhlutans var jöfn, 47-47. Fjórði leikhlutinn einkenndist af gríðarlega mikilli baráttu um boltann og virtist leikurinn á heildina litið verða grófari. Leikmenn beggja liða gáfu ekkert eftir en strax í upphaf leikhlutans var Birnu Valgerði Benónýsdóttur, leikmanni Keflavíkur, vísað út úr húsi fyrir að sparka í Gunnhildi Gunnarsdóttur, fyrirliða Snæfells, þegar báðir leikmennirnir lágu í gólfinu. Má færa rök fyrir því að hér hafi orðið ákveðin vendipunktur í leiknum því Snæfell virtist eflast í kjölfar atviksins og nýtti aukið sjálfstraust í að tryggja sér að minnsta kosti einn leik til viðbótar í þessari hörkuseríu. Fjórði leikur liðanna fer fram í Sláturhúsinu í Keflavík á miðvikudaginn kemur.Afhverju vann Snæfell? Leikurinn í kvöld var eins og fyrri viðureignir liðana: hnífjafn. Æsispennandi lokamínútur þar sem Snæfell virtist ráða betur við spennustigið varð til þess að heimamenn gátu klárað leikinn í kvöld. Keflavík gerði heiðarlega tilraun til að stela sigrinum en Snæfelli tókst í þetta skipti að halda einbeitingu til enda leiksins.Bestu menn vallarins: Ellenberg átti enn og aftur stórglæsilegan leik þar sem hún steig upp á hárréttum tíma. Hún skoraði 33 stig, tók 11 fráköst og gaf alls 7 stoðsendingar. Framlag Ellenbergs í fjórða leikhlutanum var afar mikilvægt til að landa sigrinum í kvöld og erfitt að sjá að Snæfell hefði getað klárað þennan leik án hennar frammistöðu undir lok leiksins. Berglind Gunnarsdóttir átti einnig góðan leik þangað til að hún þurfti að yfirgefa völlinn vegna meiðsla. Berglind skoraði 9 stig, tók 9 fráköst og gaf tvær stoðsendingar. Gunnhildur skoraði 12 stig í kvöld og var ásamt Bryndísi Guðmundsdóttir, sem skoraði 9 stig, afar mikilvægur drifkraftur í leik Snæfells. Hjá Keflavík var Ariana Moorer með 17 stig, ótruleg 20 fráköst og 4 stoðsendingar. Moorer tók tæplega helming allra frákasta Keflvíkinga en liðið náði í heild 45 fráköstum. Þá sýndu þær Salbjörg Ragna Sævarsdóttir og Thelma Dís Ágústsdóttir góða frammistöðu í kvöld. Salbjörg skoraði 6 stig, tók 9 fráköst og gaf 2 stoðsendingar. Thelma Dís var með 14 stig, 6 fráköst og 6 stoðsendingar.Áhugaverð tölfræði: Tölfræðin ber vott um hversu jafn leikurinn var. Liðin eru mjög jöfn í helstu tölfræðiþáttum. Til að mynda tók Snæfell 47 fráköst á meðan Keflavík tók 45. Snæfell gaf 15 stoðsendingar en Keflavík 16. Snæfell tapaði 14 boltum en Keflavík 12. Það sem ber af á milli liðana í kvöld er helst léleg vítaskotsnýting Keflavíkur. Keflavík var með 60% nýtingu af vítalínuni á meðan Snæfell skoraði úr 18 af 20 vítaskotum eða 90%. Á heildina litið var skotnýting liðana þó jöfn eða um 36%.Hvað gekk illa? Keflavík átti í erfiðleikum með að stöðva Aaryn Ellenberg í lok leiks. Ellenberg skoraði mjög mikilvægar körfur á tíma þar sem sigurinn gat fallið beggja megin. Snæfell átti slakan þriðja leikhluta þar sem þær hleyptu Keflavík aftur inn í leikinn og töpuðu 13 stiga forystu sem þær voru komnar með í hálfleik.Snæfell-Keflavík 68-60 (17-17, 23-10, 7-20, 21-13)Snæfell: Aaryn Ellenberg 33/11 fráköst/7 stoðsendingar, Gunnhildur Gunnarsdóttir 12/4 fráköst, Berglind Gunnarsdóttir 9/9 fráköst, Bryndís Guðmundsdóttir 9/4 fráköst, Rebekka Rán Karlsdóttir 5, Andrea Björt Ólafsdóttir 0/6 fráköst.Keflavík: Ariana Moorer 17/20 fráköst/5 stolnir, Thelma Dís Ágústsdóttir 14/6 fráköst/6 stoðsendingar, Emelía Ósk Gunnarsdóttir 9/4 fráköst, Salbjörg Ragna Sævarsdóttir 6/9 fráköst/3 varin skot, Erna Hákonardóttir 6, Birna Valgerður Benónýsdóttir 6, Þóranna Kika Hodge-Carr 2.Aaryn: Vissi að ég þyrfti að stíga upp undir lok leiksins „Við komum inn í þennan leik af miklu meiri ákafa heldur en í síðustu tveimur leikjum, það komu allir tilbúnir til að berjast fyrir sigrinum í kvöld,“ sagði Aaryn Ellenberg, leikstjórnandi Snæfells, sátt eftir sigurinn á Keflavík í kvöld. Snæfellskonur vissu að allt annað en sigur í kvöld þýddi að Keflavík myndi hampa Íslandsmeistaratitlinum á heimavelli þeirra. „Við vissum að við gætum ekki farið inn í þennan leik og unnið hann með einstaklings framtaki, það þurftu allir að koma með eitthvað á borðið í þessum leik.“ Aaryn bar sóknarleik Snæfells á herðum sér á lokamínútunum og setti margar mikilvægar körfur en hún endaði með 33 stig, 11 fráköst og 7 stoðsendingar í leiknum. „Ég vissi að þetta yrði leikur sem myndi vinnast með litlum mun og ég vissi að ég þyrfti að vera tilbúin að stíga upp undir lok leiksins. Ég var með það hugarfar allan tímann að ég þyrfti að stíga upp á lokamínútunum,“ sagði Aaryn og hélt áfram: „Ég þarf að vita hvernig ég stýri leiknum sem best, byrja af krafti en á sama tíma koma liðsfélögum mínum vel inn í leikinn. Ég má ekki eyða of miklu bensíni í byrjun og vera búin á því í lokin, ég þarf að vita hvenær ég á að ráðast á körfuna og hvenær ég á að setjast í aftara sætið og leyfa liðsfélögunum að stýra,“ sagði Aaryn að lokum.Sverrir Þór: Hefði verið fáránlega gott að vinna 3-0 „Ég er ánægður hvernig við komum inn í seinni hálfleikinn. Við komum okkur inn í leikinn, jöfnum og erum í hörkuleik. Svo fóru síðustu mínúturnar út í algjört rugl,“ sagði Sverrir Þór Sverrisson, þjálfari Keflavíkur, eftir tapið fyrir Snæfelli í kvöld. „Leikmanni okkar [Birnu Valgerði Benónýsdóttur] var hent út. Ég sá það ekki en efast ekki um að það hafi verið rétt. Það kom smá hikst í þetta en svo fannst okkur vera skref þegar Kaninn þeirra [Aaryn Ellenberg] setti þristinn úr horninu. Ég fékk tæknivillu í kjölfarið. Það var snúningur, þrjú stig og svo eitt skot og boltinn. Þetta var ekki nógu gott hjá okkur.“ Fjórði leikur liðanna fer fram í Sláturhúsinu í Keflavík á miðvikudaginn og með sigri þar tryggja Keflvíkingar sér Íslandsmeistaratitilinn. „Við þurfum að fara yfir þennan leik. Við gerðum margt gott í dag en það er margt sem má betur fara,“ sagði Sverrir. „Ef við hefðum unnið Snæfell 3-0 hefði það verið fáránlega gott en við erum ekki að fara að gera það. Við þurfum enn að ná í þennan þriðja sigur.“Bein lýsing: Snæfell - KeflavíkTweets by @Visirkarfa1 Dominos-deild kvenna Mest lesið Óbein yfirlýsing frá DeAndre Kane Körfubolti McIlroy sækir um skilnað nokkrum dögum fyrir PGA-meistaramótið Golf Jói Kalli hættir hjá landsliðinu og fer til Danmerkur Fótbolti Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Illa orðað samningsákvæði varð KA að falli Íslenski boltinn Rúnar Ingi skiptir um stól í Njarðvík Körfubolti Skaut á Taylor Swift og sagði konum að halda sig í eldhúsinu Sport Segja að Mbappé og forseti PSG hafi öskrað á hvor annan Fótbolti United íhugar að ráða stjóra Ipswich sem eftirmann Ten Hags Enski boltinn Kjósa um hvort notkun VAR verði hætt Fótbolti Fleiri fréttir Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Oddaleikur í opinni dagskrá: Allt undir á Hlíðarenda Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins Oddaleikur Vals og Njarðvíkur: Frákastakóngar liðanna skila mestu Oddaleikur Grindavíkur og Keflavíkur í kvöld: Basile og Kane á toppnum Svona verður oddaleikjaveislan á Stöð 2 Sport í kvöld „Þetta var rosalega heimsk villa hjá mér í endann“ Þruman jafnaði með góðum endaspretti og Boston einum sigri frá úrslitum Austursins „Auðvitað voru einhverjir villtir draumar um að fara í úrslitin“ „Við vorum ekki að fara að fá neitt gefins hérna“ Uppgjörið og viðtöl: Keflavík - Stjarnan 81-76 | Háspennuleikur og Keflavík komið í úrslit Keflavíkurkonur hafa aldrei tapað oddaleik á heimavelli Fyrsta skiptið í úrslitakeppninni eftir „Guð blessi Ísland“ „Ekki nógu illa gefinn til að átta mig ekki á því“ „Vonandi gerir hann aftur eitthvað svona heimskulegt“ Utan vallar: Mótlæti smakkast vel í Keflavík Murray með ótrúlega flautukörfu fyrir aftan miðju er Denver jafnaði ÍR-ingar stoppuðu stutt alveg eins og KR: Komnir upp í Subway Atlanta Hawks fá fyrsta valrétt í nýliðavalinu Sjá meira
Snæfell minnkaði muninn í úrslitaeinvíginu við Keflavík með 68-60 sigri í þriðja leik liðanna í Stykkishólmi í Keflavík leiðir 2-1 í einvíginu en Hólmarar geta haldið í vonina eftir þennan baráttusigur í sveiflukenndum leik þar sem úrslitin réðust ekki fyrr en undir lok fjórða leikhlutans. Leikurinn í kvöld hófst af miklum krafti þar sem bæði lið sýndu strax frá upphafi mikla baráttu í bæði vörn og sókn. Liðin skiptust á að svara áhlaupum mótherjans og endaði fyrsti fjórðungur jafn, 17-17. Í öðrum leikhluta komu heimamenn sterkari til leiks og bygðu hægt og bítandi upp þægilega 13 stiga forystu en hálfleikstölur urðu 40-27. Gestirnir frá Keflavík komu sterkir til baka eftir hálfleik og snéru blaðinu við í þriðja leikhluta en Keflavík skoraði 20 stig á móti aðeins 7 stigum Snæfells. Var nú fyrirsjáanlegt að spennustigið yrði mikið í fjórða leikhlutanum og að hann kæmi til með að ráða úrslitum í kvöld en staðan í lok þriðja leikhlutans var jöfn, 47-47. Fjórði leikhlutinn einkenndist af gríðarlega mikilli baráttu um boltann og virtist leikurinn á heildina litið verða grófari. Leikmenn beggja liða gáfu ekkert eftir en strax í upphaf leikhlutans var Birnu Valgerði Benónýsdóttur, leikmanni Keflavíkur, vísað út úr húsi fyrir að sparka í Gunnhildi Gunnarsdóttur, fyrirliða Snæfells, þegar báðir leikmennirnir lágu í gólfinu. Má færa rök fyrir því að hér hafi orðið ákveðin vendipunktur í leiknum því Snæfell virtist eflast í kjölfar atviksins og nýtti aukið sjálfstraust í að tryggja sér að minnsta kosti einn leik til viðbótar í þessari hörkuseríu. Fjórði leikur liðanna fer fram í Sláturhúsinu í Keflavík á miðvikudaginn kemur.Afhverju vann Snæfell? Leikurinn í kvöld var eins og fyrri viðureignir liðana: hnífjafn. Æsispennandi lokamínútur þar sem Snæfell virtist ráða betur við spennustigið varð til þess að heimamenn gátu klárað leikinn í kvöld. Keflavík gerði heiðarlega tilraun til að stela sigrinum en Snæfelli tókst í þetta skipti að halda einbeitingu til enda leiksins.Bestu menn vallarins: Ellenberg átti enn og aftur stórglæsilegan leik þar sem hún steig upp á hárréttum tíma. Hún skoraði 33 stig, tók 11 fráköst og gaf alls 7 stoðsendingar. Framlag Ellenbergs í fjórða leikhlutanum var afar mikilvægt til að landa sigrinum í kvöld og erfitt að sjá að Snæfell hefði getað klárað þennan leik án hennar frammistöðu undir lok leiksins. Berglind Gunnarsdóttir átti einnig góðan leik þangað til að hún þurfti að yfirgefa völlinn vegna meiðsla. Berglind skoraði 9 stig, tók 9 fráköst og gaf tvær stoðsendingar. Gunnhildur skoraði 12 stig í kvöld og var ásamt Bryndísi Guðmundsdóttir, sem skoraði 9 stig, afar mikilvægur drifkraftur í leik Snæfells. Hjá Keflavík var Ariana Moorer með 17 stig, ótruleg 20 fráköst og 4 stoðsendingar. Moorer tók tæplega helming allra frákasta Keflvíkinga en liðið náði í heild 45 fráköstum. Þá sýndu þær Salbjörg Ragna Sævarsdóttir og Thelma Dís Ágústsdóttir góða frammistöðu í kvöld. Salbjörg skoraði 6 stig, tók 9 fráköst og gaf 2 stoðsendingar. Thelma Dís var með 14 stig, 6 fráköst og 6 stoðsendingar.Áhugaverð tölfræði: Tölfræðin ber vott um hversu jafn leikurinn var. Liðin eru mjög jöfn í helstu tölfræðiþáttum. Til að mynda tók Snæfell 47 fráköst á meðan Keflavík tók 45. Snæfell gaf 15 stoðsendingar en Keflavík 16. Snæfell tapaði 14 boltum en Keflavík 12. Það sem ber af á milli liðana í kvöld er helst léleg vítaskotsnýting Keflavíkur. Keflavík var með 60% nýtingu af vítalínuni á meðan Snæfell skoraði úr 18 af 20 vítaskotum eða 90%. Á heildina litið var skotnýting liðana þó jöfn eða um 36%.Hvað gekk illa? Keflavík átti í erfiðleikum með að stöðva Aaryn Ellenberg í lok leiks. Ellenberg skoraði mjög mikilvægar körfur á tíma þar sem sigurinn gat fallið beggja megin. Snæfell átti slakan þriðja leikhluta þar sem þær hleyptu Keflavík aftur inn í leikinn og töpuðu 13 stiga forystu sem þær voru komnar með í hálfleik.Snæfell-Keflavík 68-60 (17-17, 23-10, 7-20, 21-13)Snæfell: Aaryn Ellenberg 33/11 fráköst/7 stoðsendingar, Gunnhildur Gunnarsdóttir 12/4 fráköst, Berglind Gunnarsdóttir 9/9 fráköst, Bryndís Guðmundsdóttir 9/4 fráköst, Rebekka Rán Karlsdóttir 5, Andrea Björt Ólafsdóttir 0/6 fráköst.Keflavík: Ariana Moorer 17/20 fráköst/5 stolnir, Thelma Dís Ágústsdóttir 14/6 fráköst/6 stoðsendingar, Emelía Ósk Gunnarsdóttir 9/4 fráköst, Salbjörg Ragna Sævarsdóttir 6/9 fráköst/3 varin skot, Erna Hákonardóttir 6, Birna Valgerður Benónýsdóttir 6, Þóranna Kika Hodge-Carr 2.Aaryn: Vissi að ég þyrfti að stíga upp undir lok leiksins „Við komum inn í þennan leik af miklu meiri ákafa heldur en í síðustu tveimur leikjum, það komu allir tilbúnir til að berjast fyrir sigrinum í kvöld,“ sagði Aaryn Ellenberg, leikstjórnandi Snæfells, sátt eftir sigurinn á Keflavík í kvöld. Snæfellskonur vissu að allt annað en sigur í kvöld þýddi að Keflavík myndi hampa Íslandsmeistaratitlinum á heimavelli þeirra. „Við vissum að við gætum ekki farið inn í þennan leik og unnið hann með einstaklings framtaki, það þurftu allir að koma með eitthvað á borðið í þessum leik.“ Aaryn bar sóknarleik Snæfells á herðum sér á lokamínútunum og setti margar mikilvægar körfur en hún endaði með 33 stig, 11 fráköst og 7 stoðsendingar í leiknum. „Ég vissi að þetta yrði leikur sem myndi vinnast með litlum mun og ég vissi að ég þyrfti að vera tilbúin að stíga upp undir lok leiksins. Ég var með það hugarfar allan tímann að ég þyrfti að stíga upp á lokamínútunum,“ sagði Aaryn og hélt áfram: „Ég þarf að vita hvernig ég stýri leiknum sem best, byrja af krafti en á sama tíma koma liðsfélögum mínum vel inn í leikinn. Ég má ekki eyða of miklu bensíni í byrjun og vera búin á því í lokin, ég þarf að vita hvenær ég á að ráðast á körfuna og hvenær ég á að setjast í aftara sætið og leyfa liðsfélögunum að stýra,“ sagði Aaryn að lokum.Sverrir Þór: Hefði verið fáránlega gott að vinna 3-0 „Ég er ánægður hvernig við komum inn í seinni hálfleikinn. Við komum okkur inn í leikinn, jöfnum og erum í hörkuleik. Svo fóru síðustu mínúturnar út í algjört rugl,“ sagði Sverrir Þór Sverrisson, þjálfari Keflavíkur, eftir tapið fyrir Snæfelli í kvöld. „Leikmanni okkar [Birnu Valgerði Benónýsdóttur] var hent út. Ég sá það ekki en efast ekki um að það hafi verið rétt. Það kom smá hikst í þetta en svo fannst okkur vera skref þegar Kaninn þeirra [Aaryn Ellenberg] setti þristinn úr horninu. Ég fékk tæknivillu í kjölfarið. Það var snúningur, þrjú stig og svo eitt skot og boltinn. Þetta var ekki nógu gott hjá okkur.“ Fjórði leikur liðanna fer fram í Sláturhúsinu í Keflavík á miðvikudaginn og með sigri þar tryggja Keflvíkingar sér Íslandsmeistaratitilinn. „Við þurfum að fara yfir þennan leik. Við gerðum margt gott í dag en það er margt sem má betur fara,“ sagði Sverrir. „Ef við hefðum unnið Snæfell 3-0 hefði það verið fáránlega gott en við erum ekki að fara að gera það. Við þurfum enn að ná í þennan þriðja sigur.“Bein lýsing: Snæfell - KeflavíkTweets by @Visirkarfa1
Dominos-deild kvenna Mest lesið Óbein yfirlýsing frá DeAndre Kane Körfubolti McIlroy sækir um skilnað nokkrum dögum fyrir PGA-meistaramótið Golf Jói Kalli hættir hjá landsliðinu og fer til Danmerkur Fótbolti Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Illa orðað samningsákvæði varð KA að falli Íslenski boltinn Rúnar Ingi skiptir um stól í Njarðvík Körfubolti Skaut á Taylor Swift og sagði konum að halda sig í eldhúsinu Sport Segja að Mbappé og forseti PSG hafi öskrað á hvor annan Fótbolti United íhugar að ráða stjóra Ipswich sem eftirmann Ten Hags Enski boltinn Kjósa um hvort notkun VAR verði hætt Fótbolti Fleiri fréttir Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Oddaleikur í opinni dagskrá: Allt undir á Hlíðarenda Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins Oddaleikur Vals og Njarðvíkur: Frákastakóngar liðanna skila mestu Oddaleikur Grindavíkur og Keflavíkur í kvöld: Basile og Kane á toppnum Svona verður oddaleikjaveislan á Stöð 2 Sport í kvöld „Þetta var rosalega heimsk villa hjá mér í endann“ Þruman jafnaði með góðum endaspretti og Boston einum sigri frá úrslitum Austursins „Auðvitað voru einhverjir villtir draumar um að fara í úrslitin“ „Við vorum ekki að fara að fá neitt gefins hérna“ Uppgjörið og viðtöl: Keflavík - Stjarnan 81-76 | Háspennuleikur og Keflavík komið í úrslit Keflavíkurkonur hafa aldrei tapað oddaleik á heimavelli Fyrsta skiptið í úrslitakeppninni eftir „Guð blessi Ísland“ „Ekki nógu illa gefinn til að átta mig ekki á því“ „Vonandi gerir hann aftur eitthvað svona heimskulegt“ Utan vallar: Mótlæti smakkast vel í Keflavík Murray með ótrúlega flautukörfu fyrir aftan miðju er Denver jafnaði ÍR-ingar stoppuðu stutt alveg eins og KR: Komnir upp í Subway Atlanta Hawks fá fyrsta valrétt í nýliðavalinu Sjá meira
Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik
Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins