Umfjöllun og viðtöl: Stjarnan - Grindavík 78-96 | Grindvíkingar gáfu engin grið Ingvi Þór Sæmundsson í Ásgarði skrifar 31. mars 2017 21:30 Grindavíkurinn Lewis Clinch Jr. sækir að körfu Stjörnunnar í kvöld. Vísir/Ernir Grindavík tók forystuna í einvíginu við Stjörnuna í undanúrslitum Domino's deildar karla með 78-96 sigri í fyrsta leik liðanna í kvöld.Ernir Eyjólfsson, ljósmyndari Vísis og Fréttablaðsins, var á leiknum í kvöld og náði þessum myndum hér fyrir ofan. Grindvíkingar voru mun sterkari aðilinn og verðskulduðu sigurinn gegn slökum Stjörnumönnum. Stjarnan var þremur stigum yfir, 21-18, eftir 1. leikhluta en Grindavík tók völdin í 2. leikhluta sem þeir unnu 27-16. Staðan í hálfleik var 37-45, Grindvíkingum í vil. Í 3. leikhluta fóru Dagur Kár Jónsson og Lewis Clinch Jr. á kostum og skoruðu 13 stig hvor. Grindvíkingar leiddu með 17 stigum, 59-76, fyrir fjórða og síðasta leikhlutann. Þar héldu gestirnir sjó og unnu að lokum öruggan sigur, 78-96. Næsti leikur liðanna fer fram í Grindavík á þriðjudaginn.Af hverju vann Grindavík? Grindvíkingar spiluðu stórvel í leiknum í kvöld og höfðu svör við öllu sem Stjörnumenn báru á borð fyrir þá. Gestirnir voru grjótharðir í vörninni og í sókninni léku Dagur og Clinch lausum hala og skoruðu að vild, sérstaklega í 3. leikhluta. Grindvíkingar byrjuðu seinni hálfleikinn af miklum krafti og byggðu upp gott forskot sem þeir héldu svo út leikinn. Gestirnir sýndu styrk og stöðvuðu öll áhlaup heimamanna í fæðingu.Bestu menn vallarins: Dagur sýndi sínum gömlu félögum ekki neina miskunn og raðaði stigum á þá. Dagur skoraði 26 stig, þar af 13 í 3. leikhluta. Clinch hélt einnig uppteknum hætti frá því í oddaleiknum gegn Þór Þ. á sunnudaginn. Hann skoraði 29 stig, tók sex fráköst og gaf sex stoðsendingar. Þá voru bræðurnir Þorleifur og Ólafur Ólafssynir öflugir að vanda en sá fyrrnefndi slökkti nánast einn síns liðs í álitlegu áhlaupi Stjörnunnar um miðjan 4. leikhluta. Tómas Þórður Hilmarsson átti fína innkomu af bekknum hjá Stjörnunni. Hann skilaði 11 stigum og hitti úr fimm af sjö skotum sínum.Tölfræðin sem vakti athygli: Stjarnan tók 22 sóknarfráköst, helmingi fleiri en Grindavík, og fékk 26 stig af bekknum gegn sjö hjá Grindavík. Það dugði samt ekki til sigurs.Hvað gekk illa? Stjörnumenn ollu miklum vonbrigðum í kvöld og voru undir á öllum sviðum. Bekkurinn skilaði ágætis framlagi en byrjunarliðið var slakt. Justin Shouse var fjarri sínu besta með 27,8% skotnýtingu og sex tapaða bolta. Hlynur Bæringsson hefur oft spilað betur og Marvin Valdimarsson skilaði ekki neinu. Anthony Udunsi byrjaði leikinn ágætlega og var kominn með 12 stig í hálfleik. Hann hvarf hins vegar í seinni hálfleik þar sem hann skoraði aðeins tvö stig úr vítum. Sannkallaður köttur í sekknum, Odunsi.Stjarnan-Grindavík 78-96 (21-18, 16-27, 21-31, 20-20)Stjarnan: Anthony Odunsi 14/10 fráköst, Tómas Heiðar Tómasson 13, Justin Shouse 13/5 stoðsendingar, Tómas Þórður Hilmarsson 11, Hlynur Elías Bæringsson 10/14 fráköst, Eysteinn Bjarni Ævarsson 9/6 fráköst, Arnþór Freyr Guðmundsson 3, Ágúst Angantýsson 3, Marvin Valdimarsson 2.Grindavík: Lewis Clinch Jr. 29/6 fráköst/6 stoðsendingar, Dagur Kár Jónsson 26, Þorleifur Ólafsson 16/4 fráköst, Ólafur Ólafsson 11/11 fráköst, Ómar Örn Sævarsson 7/9 fráköst, Þorsteinn Finnbogason 5, Kristófer Breki Gylfason 2.Hrafn: Líkamstjáningin okkar var ömurleg Hrafn Kristjánsson, þjálfari Stjörnunnar, var afar ósáttur með frammistöðu sinna manna í tapinu fyrir Grindavík í kvöld og dró hvergi undan eftir leik. „Ég ætla ekki að segja að ég sé sleginn en ofboðslega ósáttur við frammistöðuna og hvernig við bárum okkur í þessum leik,“ sagði Hrafn sem sagði að sínir menn hefðu einfaldlega ekki mætt til leiks, þótt þeir hafi leitt með þremur stigum, 21-18, eftir 1. leikhluta. „Við byrjuðum aldrei og vorum aldrei nokkurn tímann með í þessum leik. Við litum kannski út fyrir að stoppa þá en við gáfum þeim skotin sem þeir vildu fá. Við vorum linir og komum ekki við þá.“ Stjarnan spilaði vel í einvíginu gegn ÍR í síðustu umferð en það var allt annað uppi á teningnum í kvöld. „Við vissum að við vorum að fara að spila við betra lið. Við vissum að við þyrftum að sýna að við vildum þetta jafn mikið og taka vel á þeim. Mér fannst við ekki sýna það af okkur í dag,“ sagði Hrafn. „Mér fannst líkamstjáningin okkar ömurleg. Fljótlega eftir að það var ljóst að þeir ætluðu að gefa okkur leik fannst mér líkamstjáning nokkurra leikmanna minna gefa það til kynna að þeim fyndist þetta vera einn af þessum leikjum. Við erum staddir í undanúrslitum á móti frábæru liði og ef við getum ekki verið sárir og sýnt metnað fyrir þessu erum við ekki að fara að gera neitt.“ Hrafn segist ekki geta tekið neitt jákvætt út úr leiknum í kvöld. „Við sýndum af okkur háðulega frammistöðu sem lið og þjálfarar. Við þurfum að vinna okkur út úr þessu sem lið og ég held að það sé ekkert unnið með því að rífa út einhverja broskalla,“ sagði Hrafn að lokum.Jóhann: Höfum komist að því að það er ekki hægt að skora 2-3 körfur í einni sókn Jóhann Þór Ólafsson, þjálfari Grindavíkur, var að vonum kátur með sigurinn góða á Stjörnunni í kvöld. En var þetta einn besti leikur Grindvíkinga í vetur? „Sóknin var mjög góð og við hittum mjög vel. Þriggja stiga nýtingin var yfir 40%. Ég veit ekki hvort þetta var besti leikurinn. Við spiluðum mjög vel í oddaleiknum gegn Þór Þ. og þetta var jákvætt framhald af því,“ sagði Jóhann. „En það er fullt sem við getum lagað. Þeir tóku yfir 20 sóknarfráköst sem er að öllu jöfnu alltof mikið. Það sem dreif okkur áfram á móti Þór voru litlu hlutirnir og við getum gert betur þar. En það er jákvætt að spila vel og vinna og geta samt bætt eitthvað,“ sagði Jóhann. „Við töluðum um það að leikurinn er í 40 mínútur. Við þurfum að halda okkur inni í augnablikinu hverju sinni. Þetta er ein sókn og vörn í einu. Við höfum lagað það. Við trúðum því í allan vetur að við gætum skorað 2-3 körfur í einni sókn. Við erum búnir að komast að því að það er ekki hægt og höldum okkur í augnablikinu.“ Jóhann segist eiga von á ákveðnum Stjörnumönnum í öðrum leiknum á þriðjudaginn. „Áframhaldandi djöfulgangi og stríði. Þeir þurfa að koma til baka og við þurfum að verja heimavöllinn. Við höfum ekki verið neitt frábærir þar í vetur. Núna er risapróf framundan hjá okkur,“ sagði Jóhann að endingu.Tweets by @Visirkarfa1 vísir/ernir Dominos-deild karla Mest lesið Sjáðu mörkin þegar Real tryggði sér Evrópubikarinn Fótbolti „Við erum allavega ekki að fara að sofa“ Fótbolti Markavélin spennt fyrir skiptum til Arsenal Enski boltinn Slakur árangur og samskiptaleysi ástæðan fyrir brottvikningu Brynjars Björns Fótbolti Tekur við Napoli og verður sá launahæsti í sögunni Fótbolti Real Madrid Evrópumeistari í fimmtánda sinn Fótbolti „Erum á ákveðinni vegferð” Fótbolti „Besta kvöld lífs míns“ Fótbolti „Menn þurfa að gera sér grein fyrir að við erum í botnbaráttu, engu öðru“ Fótbolti Ronaldinho mætti með stæl á úrslitaleikinn Fótbolti Fleiri fréttir Fotis og Nat-vélin saman undir körfunni hjá Hamri næsta vetur Kane skrifaði undir samning á lokahófi Grindavíkur Martin stoðsendingahæstur í öruggum sigri Benedikt tekinn við Stólunum Birna og Kristinn valin best Verðlaun veitt á lokahófi KKÍ Valsmenn fyrstu kanalausu Íslandsmeistararnir í 24 ár Hnéskel Kristófers fór í tvennt Ofurdúóið sá til þess að Dallas spilar til úrslita um NBA titilinn Sjáðu stikluna fyrir nýju heimildaþættina um Grindavík Rússíbanareið Valsmanna í Íslandsmeistarasyrpunni Þótti vænt um að liðsfélagarnir mættu allir í jarðarförina Átján Íslandsmeistaratitlar á Hlíðarenda á átta árum Myndasyrpa frá oddaleiknum og fögnuði Valsmanna „Síðustu mánuðir ógeðslega erfiðir en maður á samt alltaf að mæta og spila“ „Við erum djöfulsins töffarar og sýndum það í dag“ „Let´s go og vinnum fleiri“ Twitter um oddaleikinn: Finnur Freyr, dómgæslan og ósvikin Valsgleði „Sögðust ætla að klára þetta fyrir mig“ Uppgjör: Valur - Grindavík 80-73 | Valsmenn Íslandsmeistarar í fjórða sinn Kristófer meiddist eftir örfáar sekúndur Leikmennirnir sem hafa skarað fram úr í baráttunni um titilinn Iðkendur með forgang: „Förum ekki að breyta því núna“ Finnur Freyr getur jafnað met Friðriks Inga í kvöld Grindvíkingar gætu tapað fjórða oddaleiknum um titilinn Leikmenn handboltaliðsins heiðursgestir í kvöld „Við skuldum sjálfum okkur alvöru frammistöðu á útivelli“ Grindvíkingar verða áfram í Smáranum „Þetta verður bara stríð“ Úlfarnir foruðust sópinn og Kyrie mistókst í fyrsta sinn að klára Sjá meira
Grindavík tók forystuna í einvíginu við Stjörnuna í undanúrslitum Domino's deildar karla með 78-96 sigri í fyrsta leik liðanna í kvöld.Ernir Eyjólfsson, ljósmyndari Vísis og Fréttablaðsins, var á leiknum í kvöld og náði þessum myndum hér fyrir ofan. Grindvíkingar voru mun sterkari aðilinn og verðskulduðu sigurinn gegn slökum Stjörnumönnum. Stjarnan var þremur stigum yfir, 21-18, eftir 1. leikhluta en Grindavík tók völdin í 2. leikhluta sem þeir unnu 27-16. Staðan í hálfleik var 37-45, Grindvíkingum í vil. Í 3. leikhluta fóru Dagur Kár Jónsson og Lewis Clinch Jr. á kostum og skoruðu 13 stig hvor. Grindvíkingar leiddu með 17 stigum, 59-76, fyrir fjórða og síðasta leikhlutann. Þar héldu gestirnir sjó og unnu að lokum öruggan sigur, 78-96. Næsti leikur liðanna fer fram í Grindavík á þriðjudaginn.Af hverju vann Grindavík? Grindvíkingar spiluðu stórvel í leiknum í kvöld og höfðu svör við öllu sem Stjörnumenn báru á borð fyrir þá. Gestirnir voru grjótharðir í vörninni og í sókninni léku Dagur og Clinch lausum hala og skoruðu að vild, sérstaklega í 3. leikhluta. Grindvíkingar byrjuðu seinni hálfleikinn af miklum krafti og byggðu upp gott forskot sem þeir héldu svo út leikinn. Gestirnir sýndu styrk og stöðvuðu öll áhlaup heimamanna í fæðingu.Bestu menn vallarins: Dagur sýndi sínum gömlu félögum ekki neina miskunn og raðaði stigum á þá. Dagur skoraði 26 stig, þar af 13 í 3. leikhluta. Clinch hélt einnig uppteknum hætti frá því í oddaleiknum gegn Þór Þ. á sunnudaginn. Hann skoraði 29 stig, tók sex fráköst og gaf sex stoðsendingar. Þá voru bræðurnir Þorleifur og Ólafur Ólafssynir öflugir að vanda en sá fyrrnefndi slökkti nánast einn síns liðs í álitlegu áhlaupi Stjörnunnar um miðjan 4. leikhluta. Tómas Þórður Hilmarsson átti fína innkomu af bekknum hjá Stjörnunni. Hann skilaði 11 stigum og hitti úr fimm af sjö skotum sínum.Tölfræðin sem vakti athygli: Stjarnan tók 22 sóknarfráköst, helmingi fleiri en Grindavík, og fékk 26 stig af bekknum gegn sjö hjá Grindavík. Það dugði samt ekki til sigurs.Hvað gekk illa? Stjörnumenn ollu miklum vonbrigðum í kvöld og voru undir á öllum sviðum. Bekkurinn skilaði ágætis framlagi en byrjunarliðið var slakt. Justin Shouse var fjarri sínu besta með 27,8% skotnýtingu og sex tapaða bolta. Hlynur Bæringsson hefur oft spilað betur og Marvin Valdimarsson skilaði ekki neinu. Anthony Udunsi byrjaði leikinn ágætlega og var kominn með 12 stig í hálfleik. Hann hvarf hins vegar í seinni hálfleik þar sem hann skoraði aðeins tvö stig úr vítum. Sannkallaður köttur í sekknum, Odunsi.Stjarnan-Grindavík 78-96 (21-18, 16-27, 21-31, 20-20)Stjarnan: Anthony Odunsi 14/10 fráköst, Tómas Heiðar Tómasson 13, Justin Shouse 13/5 stoðsendingar, Tómas Þórður Hilmarsson 11, Hlynur Elías Bæringsson 10/14 fráköst, Eysteinn Bjarni Ævarsson 9/6 fráköst, Arnþór Freyr Guðmundsson 3, Ágúst Angantýsson 3, Marvin Valdimarsson 2.Grindavík: Lewis Clinch Jr. 29/6 fráköst/6 stoðsendingar, Dagur Kár Jónsson 26, Þorleifur Ólafsson 16/4 fráköst, Ólafur Ólafsson 11/11 fráköst, Ómar Örn Sævarsson 7/9 fráköst, Þorsteinn Finnbogason 5, Kristófer Breki Gylfason 2.Hrafn: Líkamstjáningin okkar var ömurleg Hrafn Kristjánsson, þjálfari Stjörnunnar, var afar ósáttur með frammistöðu sinna manna í tapinu fyrir Grindavík í kvöld og dró hvergi undan eftir leik. „Ég ætla ekki að segja að ég sé sleginn en ofboðslega ósáttur við frammistöðuna og hvernig við bárum okkur í þessum leik,“ sagði Hrafn sem sagði að sínir menn hefðu einfaldlega ekki mætt til leiks, þótt þeir hafi leitt með þremur stigum, 21-18, eftir 1. leikhluta. „Við byrjuðum aldrei og vorum aldrei nokkurn tímann með í þessum leik. Við litum kannski út fyrir að stoppa þá en við gáfum þeim skotin sem þeir vildu fá. Við vorum linir og komum ekki við þá.“ Stjarnan spilaði vel í einvíginu gegn ÍR í síðustu umferð en það var allt annað uppi á teningnum í kvöld. „Við vissum að við vorum að fara að spila við betra lið. Við vissum að við þyrftum að sýna að við vildum þetta jafn mikið og taka vel á þeim. Mér fannst við ekki sýna það af okkur í dag,“ sagði Hrafn. „Mér fannst líkamstjáningin okkar ömurleg. Fljótlega eftir að það var ljóst að þeir ætluðu að gefa okkur leik fannst mér líkamstjáning nokkurra leikmanna minna gefa það til kynna að þeim fyndist þetta vera einn af þessum leikjum. Við erum staddir í undanúrslitum á móti frábæru liði og ef við getum ekki verið sárir og sýnt metnað fyrir þessu erum við ekki að fara að gera neitt.“ Hrafn segist ekki geta tekið neitt jákvætt út úr leiknum í kvöld. „Við sýndum af okkur háðulega frammistöðu sem lið og þjálfarar. Við þurfum að vinna okkur út úr þessu sem lið og ég held að það sé ekkert unnið með því að rífa út einhverja broskalla,“ sagði Hrafn að lokum.Jóhann: Höfum komist að því að það er ekki hægt að skora 2-3 körfur í einni sókn Jóhann Þór Ólafsson, þjálfari Grindavíkur, var að vonum kátur með sigurinn góða á Stjörnunni í kvöld. En var þetta einn besti leikur Grindvíkinga í vetur? „Sóknin var mjög góð og við hittum mjög vel. Þriggja stiga nýtingin var yfir 40%. Ég veit ekki hvort þetta var besti leikurinn. Við spiluðum mjög vel í oddaleiknum gegn Þór Þ. og þetta var jákvætt framhald af því,“ sagði Jóhann. „En það er fullt sem við getum lagað. Þeir tóku yfir 20 sóknarfráköst sem er að öllu jöfnu alltof mikið. Það sem dreif okkur áfram á móti Þór voru litlu hlutirnir og við getum gert betur þar. En það er jákvætt að spila vel og vinna og geta samt bætt eitthvað,“ sagði Jóhann. „Við töluðum um það að leikurinn er í 40 mínútur. Við þurfum að halda okkur inni í augnablikinu hverju sinni. Þetta er ein sókn og vörn í einu. Við höfum lagað það. Við trúðum því í allan vetur að við gætum skorað 2-3 körfur í einni sókn. Við erum búnir að komast að því að það er ekki hægt og höldum okkur í augnablikinu.“ Jóhann segist eiga von á ákveðnum Stjörnumönnum í öðrum leiknum á þriðjudaginn. „Áframhaldandi djöfulgangi og stríði. Þeir þurfa að koma til baka og við þurfum að verja heimavöllinn. Við höfum ekki verið neitt frábærir þar í vetur. Núna er risapróf framundan hjá okkur,“ sagði Jóhann að endingu.Tweets by @Visirkarfa1 vísir/ernir
Dominos-deild karla Mest lesið Sjáðu mörkin þegar Real tryggði sér Evrópubikarinn Fótbolti „Við erum allavega ekki að fara að sofa“ Fótbolti Markavélin spennt fyrir skiptum til Arsenal Enski boltinn Slakur árangur og samskiptaleysi ástæðan fyrir brottvikningu Brynjars Björns Fótbolti Tekur við Napoli og verður sá launahæsti í sögunni Fótbolti Real Madrid Evrópumeistari í fimmtánda sinn Fótbolti „Erum á ákveðinni vegferð” Fótbolti „Besta kvöld lífs míns“ Fótbolti „Menn þurfa að gera sér grein fyrir að við erum í botnbaráttu, engu öðru“ Fótbolti Ronaldinho mætti með stæl á úrslitaleikinn Fótbolti Fleiri fréttir Fotis og Nat-vélin saman undir körfunni hjá Hamri næsta vetur Kane skrifaði undir samning á lokahófi Grindavíkur Martin stoðsendingahæstur í öruggum sigri Benedikt tekinn við Stólunum Birna og Kristinn valin best Verðlaun veitt á lokahófi KKÍ Valsmenn fyrstu kanalausu Íslandsmeistararnir í 24 ár Hnéskel Kristófers fór í tvennt Ofurdúóið sá til þess að Dallas spilar til úrslita um NBA titilinn Sjáðu stikluna fyrir nýju heimildaþættina um Grindavík Rússíbanareið Valsmanna í Íslandsmeistarasyrpunni Þótti vænt um að liðsfélagarnir mættu allir í jarðarförina Átján Íslandsmeistaratitlar á Hlíðarenda á átta árum Myndasyrpa frá oddaleiknum og fögnuði Valsmanna „Síðustu mánuðir ógeðslega erfiðir en maður á samt alltaf að mæta og spila“ „Við erum djöfulsins töffarar og sýndum það í dag“ „Let´s go og vinnum fleiri“ Twitter um oddaleikinn: Finnur Freyr, dómgæslan og ósvikin Valsgleði „Sögðust ætla að klára þetta fyrir mig“ Uppgjör: Valur - Grindavík 80-73 | Valsmenn Íslandsmeistarar í fjórða sinn Kristófer meiddist eftir örfáar sekúndur Leikmennirnir sem hafa skarað fram úr í baráttunni um titilinn Iðkendur með forgang: „Förum ekki að breyta því núna“ Finnur Freyr getur jafnað met Friðriks Inga í kvöld Grindvíkingar gætu tapað fjórða oddaleiknum um titilinn Leikmenn handboltaliðsins heiðursgestir í kvöld „Við skuldum sjálfum okkur alvöru frammistöðu á útivelli“ Grindvíkingar verða áfram í Smáranum „Þetta verður bara stríð“ Úlfarnir foruðust sópinn og Kyrie mistókst í fyrsta sinn að klára Sjá meira