Alicia Keys svarar Adam Levine fullum hálsi

Adam Levine var mættur í viðtal til Howard Stern til þess að tala um hvað færi fram bakvið tjöldin á raunveruleikaþættinum The Voice. Þar starfar hann ásamt söngkonunni Alicia Keys en þau eru vinir til fjölda ára. 

Hann sagði frá einu atviki þegar honum sýndist Alicia vera að setja á sig farða. Keys gaf það út á seinasta ári að hún sé hætt að mála sig. Hann sagðist hafa spurt hana út í það og þá gaf Keys honum kostulegt svar. „Ég geri það sem mér sýnist,“ eða „I do what the f*ck I want“.

Fullkomið svar hjá okkar konu enda ræður hún því sjálf hvort að hún noti farða eða ekki. Viðtalið við Adam má sjá hér fyrir neðan.