Herferð Íslandsbanka vann Áruna

Auglýsingaherferðin Mín áskorun hlaut verðlaun í flokknum ÁRA á ÍMARK deginum í dag. Verðlaunin eru veitt fyrir árangursríkustu herferðina. Auglýsandi er Íslandsbanki og sá ENNEMM auglýsingastofa um verkefnið.

ÍMARK dagurinn fer fram í dag í Hörpu og verðlaunaafhending Lúðursins í öllum öðrum flokkum fer fram í kvöld kl. 18.00 í Eldborgarsal Hörpu.

Herferðin Mín áskorun hófst á „auglýsingu” um minningartónleika til heiðurs Valdimari. Sú auglýsing var upphafið á herferðinni þar sem Valdimar var fylgt í gegnum undirbúning fyrir Reykjavíkurmaraþon Íslandsbanka.