Glamour

Versace mun ekki sýna Haute Couture línu á árinu

Ritstjórn skrifar
Donatella þarf ekki að hafa áhyggjur af hátískuvikunni í sumar.
Donatella þarf ekki að hafa áhyggjur af hátískuvikunni í sumar. Mynd/Getty

Donatella Versace hefur ákveðið að Atelier Versace muni ekki sýna á Haute Couture tískuvikunni þetta árið. Hátískuvikan fer fram hvert einasta sumar í París. Það eru aðeins örfá tískuhús sem eru með réttindi til þess að sýna á tískuvikunni. Versace hefur hingað til verið með undanþágu á einni reglunni sem segir að saumastofa tískuhúsanna þurfi að vera í París. Saumastofa Versace er staðsett á Ítalíu.

Það verður mikil eftirsjá eftir Atelier Versace en þau opna yfirleitt hátískuvikunna og fjölmargar þekktar fyrirsætur ganga tískupallinn hjá þeim. Talið er að þessi ákvörðun hafi verið tekin í sparnaðarskyni enda ansi dýrt að halda uppi sér saumastofu einungis undir hátísku klæðnað. 

Versace sýnir sex tískusýningar á ári, en þær eru átta talsins ef að Haute Couture eru taldar með. Þær eru allar settar upp undir stjórn Donatellu Versace. Það mun því létta álagið að velja og hafna verkefnum og til verður meiri tími til þess að einbeita sér að öðru. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.