Við stóðum vaktina í gærkvöldi yfir rauða dreglinum á Golden Globes. Hér fyrir neðan má sjá brot af því besta.
Dregillinn í ár var óvenju flottur sem gerði það einstaklega erfitt að velja allt það besta úr. Það var skrítið að hafa ekki Blake Lively á listanum þar sem hún hefur verið fastagestur þar hingað til en kjóllinn hennar þetta árið hitti einfaldlega ekki í mark.
Þetta árið var mikið um bleikan og gulan sem og hvítan, sem kom skemmtilega á óvart. Það var mikil sumarstemmning hjá mörgum gestunum sem er ekkert nema jákvætt.
Lily Collins bar af í þessum ljósbleika kjól með útvíðu pilsi. Hárið og förðunin var punkturinn yfir i-ið.
Felicity Hoffman var algjör gyðja í þessum fallega samfesting. Sjaldan litið jafn vel út.
Hin 12 ára Millie Bobby Brown á skilið sæti á þessum lista fyrir þennan flotta silfraða kjól. Hún klikkar ekki.
Leikkonan Gina Rodriguez er í fyrsta sinn á þessum lista enda stórglæsileg í þessum hvíta perlukjól. Þvílíkt flott.
Drew Barrymore í Monique Lhuillier á góða endurkomu í hóp þeirra best klæddu. Ómótstæðileg.
Drottningin sjálf veldur engum vonbrigðum. Hún á þennan rauða dregil.
Kerry Washington í þessum skemmtilega Dolce & Gabbana kjól. Skemmtilega öðruvísi við þetta tilefni og við fýlum það.
Sienna Miller var sumarleg og sæt í þessum hvíta Michael Kors kjól. Perlu fylgihlutirnir gerði dressið enn betra.
