Styrkleikalisti HBStatz: Einar Rafn bestur

FH-ingurinn Einar Rafn Eiðsson er besti leikmaður Olís-deildar karla samkvæmt einkunnagjöf HBStatz.

FH er „jólameistari“ í Olís-deild karla en Fimleikafélagið er með tveggja stiga forskot á ÍBV þegar öll liðin hafa leikið 14 leiki.

Einar Rafn er efstur á svokölluðum styrkleikalista (e. Power Rankings) HBStatz eftir fyrstu 14 umferðirnar í Olís-deildinni.

Einar Rafn er með 8,03 í meðaleinkunn hjá HBStatz. Hann er fimmti markahæsti leikmaður deildarinnar (83 mörk) og aðeins Arnar Birkir Hálfdánsson hefur gefið fleiri stoðsendingar en Einar Rafn (59).

Fjölnismaðurinn Kristján Örn Kristjánsson er annar á styrkleikalista HBStatz með 7,88 í einkunn. Hann er allt í öllu í sóknarleik Fjölnis og ber hann á herðum sér.

Kristján Örn er næstmarkahæstur í deildinni með 103 mörk og í 6. sæti á listanum yfir þá sem hafa gefið flestar stoðsendingar (49). Hann tapar hins vegar flestum boltum (49) af öllum leikmönnum deildarinnar.

Daníel Ingason, stórskytta Hauka, er í 3. sæti styrkleikalista HBStatz með 7,85 í einkunn og liðsfélagi hans, Björgvin Páll Gústavsson, í 5. sæti með 7,81 í einkunn.

FH-ingurinn Gísli Þorgeir Kristjánsson er fjórði á styrkleikalista HBStatz (7,83). Hann er hins vegar efstur á sóknarstyrkleikalistanum með 8,42 í einkunn. Liðsfélagar hans, Einar Rafn (8,30) og Ásbjörn Friðriksson (8,21), eru í 3. og 4. sæti sóknarstyrkleikalistans.

Selfyssingurinn Haukur Þrastarson er í 2. sæti á sóknarstyrkleikalistanum (8,33), 6. sæti á heildarlistanum (7,79) og 8. sæti á varnarstyrkleikalistanum (7,38).

Stjörnumaðurinn Bjarki Már Gunnarsson trónir á toppi varnarstyrkleikalistans með 7,93 í einkunn. Daníel Ingason kemur næstur með 7,76 í einkunn og FH-ingurinn Ísak Rafnsson er þriðji með 7,60 í einkunn.

Björgvin Páll er besti markvörðurinn, með 8,46 í einkunn. Hans gamli félagi úr íslenska landsliðinu, Hreiðar Levý Guðmundsson, er í 2. sæti með 8,21 og FH-ingurinn Ágúst Elí Björgvinsson með 7,94 í einkunn.

Björgvin Páll ver að meðaltali 13,7 skot í leik, eða 37,8% þeirra skota sem hann fær á sig. Hreiðar er með 14,4 varin skot og 35,4% hlutfallsmarkvörslu og Ágúst Elí með 11,6 varin skot og 36,7% hlutfallsmarkvörslu.

Styrkleikalisti HBStatz (heildareinkunn):

1. Einar Rafn Eiðsson, FH - 8,03

2. Kristján Örn Kristjánsson, Fjölnir - 7,88

3. Daníel Ingason, Haukar - 7,85

4. Gísli Þorgeir Kristjánsson, FH - 7,83

5. Björgvin Páll Gústavsson, Haukar - 7,81

6. Haukur Þrastarson, Selfoss - 7,79

7. Anton Rúnarsson, Valur - 7,79

8. Teitur Örn Einarsson, Selfoss - 7,66

9. Ari Magnús Þorgeirsson, Stjarnan - 7,47

10. Ásbjörn Friðriksson, FH - 7,46

Sóknarstyrkleikalisti:

1. Gísli Þorgeir Kristjánsson, FH - 8,42

2. Haukur Þrastarson, Selfoss - 8,33

3. Einar Rafn Eiðsson, FH - 8,30

4. Ásbjörn Friðriksson, FH - 8,21

5. Teitur Örn Einarsson, Selfoss - 8,16

6. Ari Magnús Þorgeirsson, Stjarnan - 8,09

7. Anton Rúnarsson, Valur - 8,08

8. Daníel Ingason, Haukar - 7,88

9. Hákon Daði Styrmisson, Haukar - 7,83

10. Kristján Örn Kristjánsson, Fjölnir - 7,83

Varnarstyrkleikalisti:

1. Bjarki Már Gunnarsson, Stjarnan - 7,93

2. Daníel Ingason, Haukar - 7,76

3. Ísak Rafnsson, FH - 7,60

4. Ýmir Örn Gíslason, Valur - 7,55

5. Alexander Örn Júlíusson, Valur - 7,55

6. Ægir Hrafn Jónsson, Víkingur - 7,51

7. Kristján Orri Jóhannsson, ÍR - 7,49

8. Haukur Þrastarson, Selfoss - 7,38

9. Jón Þorbjörn Jóhannsson, Haukar - 7,34

10. Hergeir Grímsson, Selfoss - 7,22

Markvarðastyrkleikalisti:

1. Björgvin Páll Gústavsson, Haukar - 8,46

2. Hreiðar Levý Guðmundsson, Grótta - 8,21

3. Ágúst Elí Björgvinsson, FH - 7,94

4. Grétar Ari Guðjónsson, ÍR - 7,80

5. Viktor Gísli Hallgrímsson, Fram - 7,33

6. Sigurður Ingiberg Ólafsson, Valur - 7,13

7. Aron Rafn Eðvarðsson, ÍBV - 7,13

8. Davíð Svansson, Víkingi - 7,05

9. Sveinbjörn Pétursson, Stjarnan - 6,96

10. Helgi Hlynsson, Selfoss - 6,93