109 sm stórlax úr Hofsá Karl Lúðvíksson skrifar 5. ágúst 2017 10:36 Guðlaugur með stórlaxinn úr Hofsá sem mældist 109 sm Draumur hvers veiðimanns hlýtur að vera að setja í og landa alvöru stórlaxi en það ná ekki allir að fá þennan draum fylltan á sínum veiðiferli. Svo eru það hinir sem ná að setja í draumalaxinn og sumir jafnvel gott betur en það. Guðlaugur P. Frímannsson er veiðimaður og matreiðslumaður fram í fingurgóma og var í gær einn af þeim sem setur í alvöru lax á alla mælikvarða. Hann setti í og landaði 109 sm lax í Skógarhvammshyl í Hofsá á fluguna Skugga sem er afbrigði af hinni þekktu flugu Sunray Shadow. Viðureignin tók um 45 mínútur og að henni lokinni var laxinn vigtaður og mældur. Það hafa nokkrir laxar yfir 100 sm veiðst í sumar og hafa stórlaxatölur undanfarinna ára farið hækkandi hvað fjölda laxa varðar í flestum ánum. Sleppiskylda hefur verið við lýði í flestum ám landsins á löxum yfir 70 sm og er það álit sérfræðinga að þessir stóru laxar geti af sér afkvæmi sem hafi sömu hvöt að taka tvö ár í sjó og komi því til baka sem tveggja ára lax. Það hlýtur því að vera hvetjandi fyrir alla veiðimenn að sleppa laxi yfir 70 sm til að eiga séns á stórlaxi seinna meir. Mest lesið 25 urriðar veiddust opnunardaginn í Laxárdal Veiði Köld en ágæt byrjun í Veiðivötnum Veiði Fínn morgun við opnun Stóru Laxár 1-2 Veiði Sniðug jólagjöf fyrir veiðimenn, göngufólk og golfara Veiði Ellefu laxar á fyrri vaktinni í Norðurá Veiði 99 laxar á einum degi í Miðfjarðará Veiði Góður gangur í Þverá/Kjarrá Veiði Helgarspáin vond fyrir rjúpnaskyttur Veiði Helgarviðtalið: Landaði laxinum með hægri og bóndanum með vinstri Veiði Besti tíminn fyrir sjóbirting framundan Veiði
Draumur hvers veiðimanns hlýtur að vera að setja í og landa alvöru stórlaxi en það ná ekki allir að fá þennan draum fylltan á sínum veiðiferli. Svo eru það hinir sem ná að setja í draumalaxinn og sumir jafnvel gott betur en það. Guðlaugur P. Frímannsson er veiðimaður og matreiðslumaður fram í fingurgóma og var í gær einn af þeim sem setur í alvöru lax á alla mælikvarða. Hann setti í og landaði 109 sm lax í Skógarhvammshyl í Hofsá á fluguna Skugga sem er afbrigði af hinni þekktu flugu Sunray Shadow. Viðureignin tók um 45 mínútur og að henni lokinni var laxinn vigtaður og mældur. Það hafa nokkrir laxar yfir 100 sm veiðst í sumar og hafa stórlaxatölur undanfarinna ára farið hækkandi hvað fjölda laxa varðar í flestum ánum. Sleppiskylda hefur verið við lýði í flestum ám landsins á löxum yfir 70 sm og er það álit sérfræðinga að þessir stóru laxar geti af sér afkvæmi sem hafi sömu hvöt að taka tvö ár í sjó og komi því til baka sem tveggja ára lax. Það hlýtur því að vera hvetjandi fyrir alla veiðimenn að sleppa laxi yfir 70 sm til að eiga séns á stórlaxi seinna meir.
Mest lesið 25 urriðar veiddust opnunardaginn í Laxárdal Veiði Köld en ágæt byrjun í Veiðivötnum Veiði Fínn morgun við opnun Stóru Laxár 1-2 Veiði Sniðug jólagjöf fyrir veiðimenn, göngufólk og golfara Veiði Ellefu laxar á fyrri vaktinni í Norðurá Veiði 99 laxar á einum degi í Miðfjarðará Veiði Góður gangur í Þverá/Kjarrá Veiði Helgarspáin vond fyrir rjúpnaskyttur Veiði Helgarviðtalið: Landaði laxinum með hægri og bóndanum með vinstri Veiði Besti tíminn fyrir sjóbirting framundan Veiði