Veiði

Líf á Bíldsfelli

Karl Lúðvíksson skrifar
Emil með fallegan lax úr Soginu Bíldsfelli
Emil með fallegan lax úr Soginu Bíldsfelli Mynd: SVFR FB

Það hafa ekki borist margar fréttir úr Soginu í sumar en það er þó eitthvað að glæðast veiðin þar sem er ekkert skrítið því síðsumars veiðin getur oft verið góð.

Fyrir nokkrum dögum voru Emil Gústafsson og félagi að veiða við Bíldsfell og saman fengu þeir sex laxa og misstu þrjá á einum degi sem verður að teljast mjög gott á svona stuttu stoppi. Stærsti laxinn var 84 sm. Það sem vekur athygli er að fimm af þessum löxum veiddust á Neðsta Horni sem hefur nú ekki alltaf verið talin sérstakur hauststaður, þar hafa frekar Sakkarhólmi, Útfall og Neðri Garður verið sterkir en lax hefur þó sést víða.

Sogið hefur ekki verið mikið stundað í sumar og veiðitölur því eftir því en það fór óvenjulega seint í gang. Fyrstu dagana komu aðeins þrír laxar á land en síðan hefur ekki mikið heyrst af veiði. Það er því gaman að fá góðar fréttir úr þessari mögnuðu á sem á sér þrátt fyrir brokkgengt gengi síðustu ár stórann hóp aðdáenda.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.