Þrjár hætta hjá Nýsköpunarsjóði til að stofna eigin sjóð Sæunn Gísladóttir skrifar 15. desember 2016 09:44 Jenný Ruth, Helga og Hekla. Mynd/Aðsend Framundan eru töluverðar breytingar hjá Nýsköpunarsjóði atvinnulífsins því þær Helga Valfells, Hekla Arnardóttir og Jenný Ruth Hrafnsdóttir, hafa sagt störfum sínum lausum og eru í viðræðum við fjárfesta um stofnun nýs sjóðs, Crowberry Capital slhf. Crowberry Capital mun fjárfesta í ungum vaxtarfyrirtækjum og starfa í góðu samstarfi við Nýsköpunarsjóð sem og aðra fjárfesta. Hekla og Jenný Ruth hafa verið fjárfestingastjórar hjá NSA en Helga framkvæmdastjóri. Fram kemur í tilkynningu að undanfarin misseri hafi Nýsköpunarsjóður atvinnulífsins (NSA) og Atvinnuvega- og nýsköpunarráðuneyti haft til skoðunar breytingar á stefnu NSA með það að markmiði að auka fjármagn til ungra vaxtarfyrirtækja. NSA hefur ekki fengið fjárframlög til fjárfestingar frá ríkissjóði síðustu ár en hefur á síðustu 7 árum selt fyrirtæki úr eignasafni fyrir um það bil 3 milljarða sem nýtt hefur verið til fjárfestingar í ungum fyrirtækjum. Það er álit NSA að þörf sé á meira fjármagni á fyrstu stigum nýsköpunar. Fjárfestingarumhverfi nýsköpunar byggir á samstarfi um uppbyggingu þekkingarfyrirtækja framtíðarinnar. Atvinnuvega- og nýsköpunarráðuneytið hefur sett það á stefnuskrá að NSA leggi í meira mæli áherslu á fjárfestingu í framtakssjóðum sem leggja áherslu á nýsköpunar- og sprotafyrirtæki. Standa vonir til að þannig megi ná þátttöku annarra stofnanafjárfesta, eins og lífeyrissjóða, í þetta mikilvæga verkefni. Þekking íslenskra frumkvöðla hefur aukist mikið á síðustu árum og það eru mörg sprotafyrirtæki að verða til. Með aðkomu reyndra fjárfesta geta orðið til enn fleiri öflug og arðbær fyrirtæki. Samanlagt hafa þær Helga, Hekla og Jenný áratuga langa reynslu af fjárfestingum og stjórnarsetu í nýsköpunarfyrirtækjum. Til að gæta hagsmuna þeirra fyrirtækja þar sem Helga, Hekla og Jenný sitja í stjórn munu þær vinna að afmörkuðum verkefnum fyrir NSA á næstu mánuðum. Staða framkvæmdastjóra NSA verður auglýst á nýju ári og mun nýr framkvæmdastjóri fá það hlutverk að efla starf sjóðsins enn frekar og leiða hann inn í nýja tíma á grunni nýrrar stefnu. „Það er ávallt fagnaðarefni þegar fólk tekur það skref að stofna ný fyrirtæki, þó að vissulega sé það mikil blóðtaka fyrir sjóðinn að missa þessar öflugu konur. Ég lít svo á að það sé meðal hlutverka Nýsköpunarsjóðs atvinnulífsins að auka þekkingu á sérhæfðum fjárfestingum hér á landi og segja má að með því að þrír starfsmenn fari nú yfir í einkageirann þá höfum við komið til móts við það hlutverk. Ég óska Helgu, Heklu og Jennýju allra heilla í því verðuga verkefni að setja á fót fjárfestingarsjóð. Það hefur lengi verið eitt af baráttumálum hugverka- og tækniiðnaðarins á Íslandi að fá slíkan sjóð. NSA mun áfram gegna lykilhlutverki í fjárfestingum í nýsköpun á Íslandi og mun kappkosta að styðja vel hin öflugu fyrirtæki sem eru í eignasafni sjóðsins. Það er einnig áhugavert að sjóðurinn færi sig í auknum mæli yfir í fjárfestingar í sjóðum í samvinnu við fagfjárfesta. Þannig má auka enn frekar fjármagn til fjárfestinga í vaxtarfyrirtækjum á Íslandi,“ segir Almar Guðmundsson, formaður stjórnar NSA, í tilkynningu. Mest lesið Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent „Ég nenni ekki að standa í einhverju veseni“ Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Kann best við sig í háspennunni Samstarf Vinnur við að bjarga okkur frá því að drukkna í eigin kúk Samstarf Fleiri fréttir Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Sjá meira
Framundan eru töluverðar breytingar hjá Nýsköpunarsjóði atvinnulífsins því þær Helga Valfells, Hekla Arnardóttir og Jenný Ruth Hrafnsdóttir, hafa sagt störfum sínum lausum og eru í viðræðum við fjárfesta um stofnun nýs sjóðs, Crowberry Capital slhf. Crowberry Capital mun fjárfesta í ungum vaxtarfyrirtækjum og starfa í góðu samstarfi við Nýsköpunarsjóð sem og aðra fjárfesta. Hekla og Jenný Ruth hafa verið fjárfestingastjórar hjá NSA en Helga framkvæmdastjóri. Fram kemur í tilkynningu að undanfarin misseri hafi Nýsköpunarsjóður atvinnulífsins (NSA) og Atvinnuvega- og nýsköpunarráðuneyti haft til skoðunar breytingar á stefnu NSA með það að markmiði að auka fjármagn til ungra vaxtarfyrirtækja. NSA hefur ekki fengið fjárframlög til fjárfestingar frá ríkissjóði síðustu ár en hefur á síðustu 7 árum selt fyrirtæki úr eignasafni fyrir um það bil 3 milljarða sem nýtt hefur verið til fjárfestingar í ungum fyrirtækjum. Það er álit NSA að þörf sé á meira fjármagni á fyrstu stigum nýsköpunar. Fjárfestingarumhverfi nýsköpunar byggir á samstarfi um uppbyggingu þekkingarfyrirtækja framtíðarinnar. Atvinnuvega- og nýsköpunarráðuneytið hefur sett það á stefnuskrá að NSA leggi í meira mæli áherslu á fjárfestingu í framtakssjóðum sem leggja áherslu á nýsköpunar- og sprotafyrirtæki. Standa vonir til að þannig megi ná þátttöku annarra stofnanafjárfesta, eins og lífeyrissjóða, í þetta mikilvæga verkefni. Þekking íslenskra frumkvöðla hefur aukist mikið á síðustu árum og það eru mörg sprotafyrirtæki að verða til. Með aðkomu reyndra fjárfesta geta orðið til enn fleiri öflug og arðbær fyrirtæki. Samanlagt hafa þær Helga, Hekla og Jenný áratuga langa reynslu af fjárfestingum og stjórnarsetu í nýsköpunarfyrirtækjum. Til að gæta hagsmuna þeirra fyrirtækja þar sem Helga, Hekla og Jenný sitja í stjórn munu þær vinna að afmörkuðum verkefnum fyrir NSA á næstu mánuðum. Staða framkvæmdastjóra NSA verður auglýst á nýju ári og mun nýr framkvæmdastjóri fá það hlutverk að efla starf sjóðsins enn frekar og leiða hann inn í nýja tíma á grunni nýrrar stefnu. „Það er ávallt fagnaðarefni þegar fólk tekur það skref að stofna ný fyrirtæki, þó að vissulega sé það mikil blóðtaka fyrir sjóðinn að missa þessar öflugu konur. Ég lít svo á að það sé meðal hlutverka Nýsköpunarsjóðs atvinnulífsins að auka þekkingu á sérhæfðum fjárfestingum hér á landi og segja má að með því að þrír starfsmenn fari nú yfir í einkageirann þá höfum við komið til móts við það hlutverk. Ég óska Helgu, Heklu og Jennýju allra heilla í því verðuga verkefni að setja á fót fjárfestingarsjóð. Það hefur lengi verið eitt af baráttumálum hugverka- og tækniiðnaðarins á Íslandi að fá slíkan sjóð. NSA mun áfram gegna lykilhlutverki í fjárfestingum í nýsköpun á Íslandi og mun kappkosta að styðja vel hin öflugu fyrirtæki sem eru í eignasafni sjóðsins. Það er einnig áhugavert að sjóðurinn færi sig í auknum mæli yfir í fjárfestingar í sjóðum í samvinnu við fagfjárfesta. Þannig má auka enn frekar fjármagn til fjárfestinga í vaxtarfyrirtækjum á Íslandi,“ segir Almar Guðmundsson, formaður stjórnar NSA, í tilkynningu.
Mest lesið Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent „Ég nenni ekki að standa í einhverju veseni“ Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Kann best við sig í háspennunni Samstarf Vinnur við að bjarga okkur frá því að drukkna í eigin kúk Samstarf Fleiri fréttir Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Sjá meira