Leicester staðfestir kaupin á Slimani

Englandsmeistarar Leicester City hafa staðfest kaupin á alsírska framherjanum Islam Slimani frá Sporting Lissabon.

Talið er að Slimani hafa kostað um 30 milljónir punda sem gera hann að dýrasta leikmanni í sögu félagsins. Hann skrifaði undir fimm ára samning við Leicester.

Hjá Leicester hittir Slimani fyrir landa sinn, Riyad Mahrez, sem var valinn besti leikmaður ensku úrvalsdeildarinnar á síðasta tímabili.

Slimani, sem er 28 ára, var þrjú ár í herbúðum í Sporting og skoraði 57 mörk í 109 leikjum fyrir félagið.

DONE DEAL! Algeria striker @slimaniislam completes a #DeadlineDay move to Leicester City. #WelcomeSlimani pic.twitter.com/uA9reEVsjd

— Leicester City (@LCFC) August 31, 2016