Breytingar á sýningum frá ensku úrvalsdeildinni Eiríkur Stefán Ásgeirsson skrifar 21. júlí 2016 14:27 Að gefnu tilefni vil ég skýra frá því hvernig breytingar verða á sýningum frá leikjum ensku úrvalsdeildarinnar í knattspyrnu á Stöð 2 Sport í vetur. Eins og áður hefur komið fram var sýningarréttur á leikjum ensku úrvalsdeildarinnar endurnýjaður fyrr á þessu ári og tekur gildi í upphafi nýrrar leiktíðar sem hefst í næsta mánuði. Eftir útboðið varð ljóst að enski boltinn yrði áfram á Stöð 2 Sport en í þetta sinn með nýjum skilmálum. Það er ekki lengur heimilt að sýna nema einn leik í beinni útsendingu á laugardögum klukkan 15.00 en allir rétthafar í Evrópu verða að lúta sömu reglum ensku úrvalsdeildarinnar hvað þetta varðar. Er það hluti af baráttu deildarinnar gegn ólöglegu streymi frá leikjum úr enska boltanum. Þetta er nýtt fyrir áskrifendur stöðvarinnar en fyrirkomulagið er þekkt víða um heim. Ísland hefur verið eitt fárra landa sem hefur fengið undanþágu frá þessari reglu síðustu ár en nú reyndist ekki mögulegt að halda henni. Var það einhliða ákvörðun þeirra sem eiga sjónvarpsréttinn að ensku úrvalsdeildinni. Það er val okkar hvaða leikur verður sýndur klukkan 15.00 hverju sinni. Verður miðað við að hafa úrvalið sem fjölbreyttast fyrir áskrifendur okkar en við munum reyna eftir fremsta megni að sýna leiki þeirra liða sem vinsælust eru hér á landi. Þá viljum við einnig sýna sem mest af leikjum svokölluðu Íslendingaliðanna sem eru í dag Swansea og Burnley. Hafa ber þó í huga að það verður meiri dreifing á leikjum í hverri umferð en áður. Nú er sú nýjung að fjöldi leikja verður á dagskrá á föstudagskvöldum og oft verða einnig leikir á mánudagskvöldum. Sem fyrr eru þrír leiktímar á laugardögum (12.30, 15.00 og 17.30) og tveir á sunnudögum (13.30 og 16.00). Enska úrvalsdeildin reynir að raða niður leikjum „stóru liðanna“ þannig að það gerist sjaldan að þau spili á sama tíma, semsagt á laugardögum klukkan 15.00. Við ættum því að geta sýnt flesta leiki þessara liða í beinum útsendingum í vetur. Þeir leikir sem ekki eru í beinni útsendingu verða engu að síður sýndir á stöðvum okkar um leið og þess verður kostur. Slík dagskrá verður auglýst nánar síðar. Þá verða leikir sem fyrr gerðir upp í Messunni á Stöð 2 Sport, sem verður með nýju sniði í ár. Hún hefst með upphitun fyrir fyrsta leik á sunnudegi og lýkur með uppgjöri eftir síðasta leik sunnudags. Sunnudagarnir verða því þétt skipaðir í vetur. Útsendingarréttur á íþróttaviðburðum er dýr og hefur orðið dýrari með árunum. Það hefur óneitanlega áhrif á áskriftarverðið en við teljum að á Stöð 2 Sport séu áskrifendur okkar með aðgang að einu mesta úrvali íþróttaefnis sem hægt er að fá á einni sjónvarpsstöð. Áskrifendur að Stöð 2 Sport fá þar að auki aðgang að margvíslegu efni en vegleg umfjöllun er á stöðvum okkar um efstu deildir karla og kvenna í fótbolta (Pepsi-deildir karla og kvenna) og körfubolta (Domino's-deildir karla og kvenna). Þá sýnum við einnig leiki úr Meistaradeild Evrópu, Evrópudeild UEFA, spænsku úrvalsdeildinni, þýsku úrvalsdeildinni, Formúlu 1, Demantamótaröðinni í frjálsum, UFC, NFL, NBA og margt fleira. Síðastliðinn vetur var byrjað að bjóða staka leiki í sölu í gegnum sjónvarpsþjónustur og myndlykla og er það markmið okkar að þróa þetta enn frekar, svo að hver og einn geti fengið áskrift að afmörkuðu efni í ákveðinn tíma eftir því sem hentar hverjum og einum best. Ég vona að þetta svari spurningum sem áskrifendur okkar og áhugafólk um enska boltann hafa vegna þeirra breytinga sem eru fram undan. Ég óska öllum góðrar skemmtunar í besta sætinu í vetur. Viltu birta grein á Vísi? Sendu okkur póst. Senda grein Mest lesið Halldór 18.05.2024 Halldór Halla Hrund eða Katrín? Reynir Böðvarsson Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun Er klassískt frjálslyndi orðið að jaðarskoðun? Kári Allansson Skoðun Góð gildi og staðfesta Höllu Hrundar Margrét Reynisdóttir Skoðun Kynhluthlaust mál, máltilfinning og forsetaframboð Höskuldur Þráinsson Skoðun Forseti Íslands veifaði mér Fjóla Einarsdóttir Skoðun Til áréttingar Kári Stefánsson Skoðun Ákall til framtíðar: Nám í félagsráðgjöf! Steinunn Bergmann Skoðun Formaður húsfélagsins Guðmundur Andri Thorsson Skoðun Skoðun Skoðun Í framhaldi af viðtali við Helgu Þórisdóttur Kári Stefánsson skrifar Skoðun Góð gildi og staðfesta Höllu Hrundar Margrét Reynisdóttir skrifar Skoðun Halla Hrund eða Katrín? Reynir Böðvarsson skrifar Skoðun Til áréttingar Kári Stefánsson skrifar Skoðun Kynhluthlaust mál, máltilfinning og forsetaframboð Höskuldur Þráinsson skrifar Skoðun Er klassískt frjálslyndi orðið að jaðarskoðun? Kári Allansson skrifar Skoðun Forseti Íslands veifaði mér Fjóla Einarsdóttir skrifar Skoðun Ákall til framtíðar: Nám í félagsráðgjöf! Steinunn Bergmann skrifar Skoðun Lexía lærð á hálfum degi Stefanía Arnardóttir skrifar Skoðun Ég kýs Helgu Þórisdóttur Gerður Rún Guðlaugsdóttir skrifar Skoðun Yfirborðskenndur stríðsáróður og McCarthýismi hjá háskólaprófessor Tjörvi Schiöth skrifar Skoðun Formaður húsfélagsins Guðmundur Andri Thorsson skrifar Skoðun Opið bréf til landsliðsmanna Íslands í blaki Guðbergur Egill Eyjólfsson skrifar Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt skrifar Skoðun Kosningum frestað Ása Berglind Hjálmarsdóttir,Hrönn Guðmundsdóttir skrifar Skoðun Mesti stjórnmálamaðurinn? Hjörtur J. Guðmundsson skrifar Skoðun Birni Bjarnasyni svarað Arnar Þór Jónsson skrifar Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar Skoðun Baldur Þórhallsson er vitur og vís Bryndís Friðgeirsdóttir skrifar Skoðun Kjósum Katrínu Kjartan Ragnarsson skrifar Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar Skoðun Nýtt sveitarfélag Halla Signý Kristjánsdóttir skrifar Skoðun Stafrænn ójöfnuður á upplýsingaöld Stella Samúelsdóttir,Alma Ýr Ingólfsdóttir skrifar Skoðun Varfærnisleg fagnaðarlæti Berglind Sunna Bragadóttir skrifar Skoðun „Ég skal baka fyrir Gunnar en ég kýs Kristján“ Páll Magnússon skrifar Skoðun Daðrað við sölu Björn Sævar Einarsson skrifar Skoðun Rannsóknir á söfnum skapa dýrmæta þekkingu Arndís Bergsdóttr skrifar Skoðun Sagan sem verður að segja Drífa Snædal skrifar Skoðun Nýsköpun innviða Jóhanna Ýr Jóhannsdóttir skrifar Skoðun Fjöldi fyrirtækja hætta með Rapyd Oddný Björg Rafnsdóttir skrifar Sjá meira
Að gefnu tilefni vil ég skýra frá því hvernig breytingar verða á sýningum frá leikjum ensku úrvalsdeildarinnar í knattspyrnu á Stöð 2 Sport í vetur. Eins og áður hefur komið fram var sýningarréttur á leikjum ensku úrvalsdeildarinnar endurnýjaður fyrr á þessu ári og tekur gildi í upphafi nýrrar leiktíðar sem hefst í næsta mánuði. Eftir útboðið varð ljóst að enski boltinn yrði áfram á Stöð 2 Sport en í þetta sinn með nýjum skilmálum. Það er ekki lengur heimilt að sýna nema einn leik í beinni útsendingu á laugardögum klukkan 15.00 en allir rétthafar í Evrópu verða að lúta sömu reglum ensku úrvalsdeildarinnar hvað þetta varðar. Er það hluti af baráttu deildarinnar gegn ólöglegu streymi frá leikjum úr enska boltanum. Þetta er nýtt fyrir áskrifendur stöðvarinnar en fyrirkomulagið er þekkt víða um heim. Ísland hefur verið eitt fárra landa sem hefur fengið undanþágu frá þessari reglu síðustu ár en nú reyndist ekki mögulegt að halda henni. Var það einhliða ákvörðun þeirra sem eiga sjónvarpsréttinn að ensku úrvalsdeildinni. Það er val okkar hvaða leikur verður sýndur klukkan 15.00 hverju sinni. Verður miðað við að hafa úrvalið sem fjölbreyttast fyrir áskrifendur okkar en við munum reyna eftir fremsta megni að sýna leiki þeirra liða sem vinsælust eru hér á landi. Þá viljum við einnig sýna sem mest af leikjum svokölluðu Íslendingaliðanna sem eru í dag Swansea og Burnley. Hafa ber þó í huga að það verður meiri dreifing á leikjum í hverri umferð en áður. Nú er sú nýjung að fjöldi leikja verður á dagskrá á föstudagskvöldum og oft verða einnig leikir á mánudagskvöldum. Sem fyrr eru þrír leiktímar á laugardögum (12.30, 15.00 og 17.30) og tveir á sunnudögum (13.30 og 16.00). Enska úrvalsdeildin reynir að raða niður leikjum „stóru liðanna“ þannig að það gerist sjaldan að þau spili á sama tíma, semsagt á laugardögum klukkan 15.00. Við ættum því að geta sýnt flesta leiki þessara liða í beinum útsendingum í vetur. Þeir leikir sem ekki eru í beinni útsendingu verða engu að síður sýndir á stöðvum okkar um leið og þess verður kostur. Slík dagskrá verður auglýst nánar síðar. Þá verða leikir sem fyrr gerðir upp í Messunni á Stöð 2 Sport, sem verður með nýju sniði í ár. Hún hefst með upphitun fyrir fyrsta leik á sunnudegi og lýkur með uppgjöri eftir síðasta leik sunnudags. Sunnudagarnir verða því þétt skipaðir í vetur. Útsendingarréttur á íþróttaviðburðum er dýr og hefur orðið dýrari með árunum. Það hefur óneitanlega áhrif á áskriftarverðið en við teljum að á Stöð 2 Sport séu áskrifendur okkar með aðgang að einu mesta úrvali íþróttaefnis sem hægt er að fá á einni sjónvarpsstöð. Áskrifendur að Stöð 2 Sport fá þar að auki aðgang að margvíslegu efni en vegleg umfjöllun er á stöðvum okkar um efstu deildir karla og kvenna í fótbolta (Pepsi-deildir karla og kvenna) og körfubolta (Domino's-deildir karla og kvenna). Þá sýnum við einnig leiki úr Meistaradeild Evrópu, Evrópudeild UEFA, spænsku úrvalsdeildinni, þýsku úrvalsdeildinni, Formúlu 1, Demantamótaröðinni í frjálsum, UFC, NFL, NBA og margt fleira. Síðastliðinn vetur var byrjað að bjóða staka leiki í sölu í gegnum sjónvarpsþjónustur og myndlykla og er það markmið okkar að þróa þetta enn frekar, svo að hver og einn geti fengið áskrift að afmörkuðu efni í ákveðinn tíma eftir því sem hentar hverjum og einum best. Ég vona að þetta svari spurningum sem áskrifendur okkar og áhugafólk um enska boltann hafa vegna þeirra breytinga sem eru fram undan. Ég óska öllum góðrar skemmtunar í besta sætinu í vetur.
Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun
Skoðun Yfirborðskenndur stríðsáróður og McCarthýismi hjá háskólaprófessor Tjörvi Schiöth skrifar
Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt skrifar
Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar
Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar
Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun