Umfjöllun og viðtöl: Akureyri - Selfoss 25-23 | Norðanmenn komnir upp úr fallsæti Ólafur Haukur Tómasson á Akureyri skrifar 1. desember 2016 21:30 Kristján Orri Jóhannsson skoraði fimm mörk fyrir Akureyri. vísir/hanna Akureyri tókst að koma sér, í það minnsta í smá tíma, upp úr fallsæti eftir tveggja marka sigur, 25-23, á Selfossi í KA-heimilinu í 14.umferð Olís-deildar karla í handbolta í kvöld. Lið Akureyrar hefur verið á miklu flugi í undanförnum leikjum og ekki tapað í fimm leikjum í röð þegar Selfyssingar mættu í heimsókn í KA-heimilið. Akureyringar virtust ekkert á þeim buxunum að fara að tapa leik strax og ná að koma sér upp úr fallsæti og leikurinn því afar mikilvægur fyrir þá. Leikurinn var heilt yfir mjög jafn og byrjaði strax af miklum krafti. Heimamenn voru með undirtökin mest allan leikinn og voru að leiða strax snemma leiks. Vörn Akureyrar spilaði stóran þátt í því og var markvarslan hjá Tomasi Olasyni í marki Akureyrar stór hluti af því en hann varði níu skot í fyrri hálfleiknum. Þrátt fyrir að vera yfir þá tókst Akureyri ekki að ná að hrista af sér Selfyssingana sem voru í raun bara hársbreidd frá því að koma sér upp að hlið heimamanna í leiknum en heimamenn leiddu með tveimur mörkum inn í hálfleikinn, 11-9. Jafnt var með liðunum í seinni hálfleiknum og byrjaði Einar Sverrison, skytta Selfyssinga, seinni hálfleikinn af miklum krafti og skoraði fyrstu fjögur mörk Selfyssinga, það var svo Elvar Örn Jónsson sem tók við keflinu og réðu heimamenn ekki mikið við hann og skoraði hann sjö mörk það sem eftir lifði hálfleiks. Selfyssingar færðust alltaf nær og nær Akureyri og þegar þrjár mínútur voru eftir tókst þeim að jafna. Akureyringar fara í sókn en skot Andra Snæs Stefánssonar var ekki gott og Selfoss fékk tækifæri til að komast loks yfir þegar tvær mínútur voru eftir. Igor Kopyshynskyi, sem kom af miklum krafti inn í seinni hálfleikinn fyrir Akureyri, stal boltanum og keyrði upp völlinn og skoraði. Kom heimamönnum aftur yfir og lítið eftir. Guðni Ingvarsson, línumaður Selfyssinga fékk dauðafæri þegar mínúta var eftir en skaut langt yfir og það var svo Mindaugas Dumcius sem gulltryggði sigurinn með því að skora í blálokin. Tveggja marka sigur Akureyrar því staðreynd og tókst liðinu að lyfta sér, allavega tímabundið, úr fallsæti og kom sér upp í ellefu stig og eru nú búnir að leika sex leiki án þess að tapa sem þykir mjög gott þar sem byrjun liðsins var mjög slök og útlitið ekki bjart norðan heiða.Sverre: Nú erum við að vinna! „Á skalanum einn til tíu er maður að telja á hundruðum,“ sagði Sverre Jakobsson, þjálfari Akureyrar, þegar hann var spurður út í hve sáttur hann væri með sigur sinna manna á Selfyssingum í kvöld. „Ef þú „Google-ar“ stoltur þjálfari þá sérðu mynd af mér frá því í dag! Þeir eiga svo ótrúlega mikið hrós skilið. Ég er alveg í skýjunum og adrenalínið á fullu svo ég veit nú ekki alveg hvað ég er að segja hérna en ég er ótrúlega stoltur, þetta var þvílíkt liðsafrek,“ sagði Sverre. Baráttuandinn og sterk liðsheild hefur verið stór partur af framförum Akureyrar í vetur og segist Sverre vera hæst ánægður með það sem leikmannahópur hans er að sýna og gera. „Þetta var sannkölluð liðsheild. Þetta er lýsandi fyrir það sem er í gangi í klefanum hjá okkur og þegar maður er með svona pakka þá ertu með eitthvað sérstakt, við höfum það og það sást hér í kvöld,“ sagði Sverre. Meiðslalisti Akureyrar lengist og lengist en í síðasta leik misstu þeir enn eina skyttuna í meiðsli þegar Karolis Stropus sleit hásin og bætist hann á listann með þeim Brynjari Hólm, Bergvini Gíslasyni, Ingimund Ingimundarsonar og Sigþórs Árna Heimissonar en allir hafa verið að spila stór hlutverk hjá liðinu. Akureyri hefur því þurft að kalla til fullt af ungum leikmönnum og er Sverre ánægður með þeirra framlag. „Við fáum nýjan strák inn í liðið í honum Daða og hann stóð sig frábærlega. Róbert kemur honum inn í þetta og stýrir þessu eins og kóngur í ríki sínu og allir gera það sem þeir þurftu að gera. Við vissum hvað við þyrftum að stöðva í þessum leik og við gerðum það. Þetta eru strákar sem eru tilbúnir í að setja hjartað á réttan stað og slá í takt við allt liðið. Þetta er ekki auðvelt, þetta er erfitt og ekkert smá af afföllumm á okkar leikmannahópi. Bestu fjórtán eru hérna inni og hinir nýtast okkur ekkert. Það er mitt hlutverk að búa til samkeppnishæft lið í hverjum leik og nú verðum við að gera það út desember,“ sagði Sverre. Akureyri komst eins og áður segir upp úr fallsæti með sigrinum í kvöld og finnst Sverre eins og þungu fargi sé létt af sér og sínum mönnum? „Biddu fyrir þér! Það er ótrúlega ljúft, ég ætla ekki að fara að ljúga en eins og ég hef oft sagt þá hef ég alltaf verið mjög ánægður með liðið mitt. Við höfum verið að spila okkur saman en tapað oft svona leikjum sem við erum núna að vinna, það er munurinn en viljinn og áreynslan hefur alltaf verið sú sama,“ sagði Sverre.Stefán: Áttum ekki skilið að vinna „Það var eitt og annað. Fyrir það fyrsta mættu Akureyringarnir sterkari í leikinn og voru miklu grimmari, ákveðnari og þeir stjórnuðu leiknum frá byrjun,“ sagði Stefán Árnason, þjálfari Selfyssinga, eftir leikinn í kvöld. „Þeir voru með yfirhöndina eiginlega allan tíman þar til það voru einhverjar tvær mínútur eftir og við gátum komist yfir. Við vorum að elta alltof lengi og það var ekki fyrr en eftir einhverjar fimmtán til tuttugu mínútur að við fórum að spila einhverja almennilega vörn. Það eru fullt af dauðafærum og vítaköstum í seinni hálfleik sem fara forgörðum og þrátt fyrir allt held ég að við hefðum átt að vinna þennan leik en miðað við spilamennskuna þá áttum við það ekki skilið,“ sagði Stefán. Stefán þekkir vel til á Akureyri og í KA-heimilinu en faðir hans, Árni Stefánsson, þjálfaði lið KA á sínum tíma og Stefán hefur sjálfur æft, spilað og þjálfað þar áður svo hann ætti að vera hverju horni kunnur þar en þetta er í fyrsta sinn sem hann stýrir útiliði meistaraflokks þar. „Það er fínt að koma og mér líður alltaf vel í KA-heimilinu því hér á ég góðar minningar og alltaf gaman að koma að spila hérna en ég hefði viljað að úrslitin hefðu verið önnur,“ sagði Stefán. Selfyssingar komu upp í Olís-deildina fyrir leiktíðina og hafa komið kannski smá á óvart og eru með fjórtán stig sem stendur. Er Stefán sáttur við frammistöðu síns liðs það sem af er liðið móts? „Sáttur við sumt og sumt ekki. Við hefðum átt að vera með fleiri stig, það eru leikir sem við hefðum átt að klára og tapa leikjum sem við hefðum átt að vinna. Við erum ekki nógu stöðugir ennþá eða mæta nógu klárir í suma leiki Við erum of seinir að byrja varnarleikinn, eins og í dag, og það vantar alltof mikið upp á stundum sem gerir þetta erfitt. Það er bjart og við höldum áfram að halda okkar vinnu áfram en við þurfum að gera betur en í dag ef við viljum að útlitið og framtíðin verði björt,“ sagði Stefán. Olís-deild karla Mest lesið Óbein yfirlýsing frá DeAndre Kane Körfubolti McIlroy sækir um skilnað nokkrum dögum fyrir PGA-meistaramótið Golf Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Jói Kalli hættir hjá landsliðinu og fer til Danmerkur Fótbolti Illa orðað samningsákvæði varð KA að falli Íslenski boltinn Rúnar Ingi skiptir um stól í Njarðvík Körfubolti Skaut á Taylor Swift og sagði konum að halda sig í eldhúsinu Sport Kjósa um hvort notkun VAR verði hætt Fótbolti Segja að Mbappé og forseti PSG hafi öskrað á hvor annan Fótbolti United íhugar að ráða stjóra Ipswich sem eftirmann Ten Hags Enski boltinn Fleiri fréttir Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Sjá meira
Akureyri tókst að koma sér, í það minnsta í smá tíma, upp úr fallsæti eftir tveggja marka sigur, 25-23, á Selfossi í KA-heimilinu í 14.umferð Olís-deildar karla í handbolta í kvöld. Lið Akureyrar hefur verið á miklu flugi í undanförnum leikjum og ekki tapað í fimm leikjum í röð þegar Selfyssingar mættu í heimsókn í KA-heimilið. Akureyringar virtust ekkert á þeim buxunum að fara að tapa leik strax og ná að koma sér upp úr fallsæti og leikurinn því afar mikilvægur fyrir þá. Leikurinn var heilt yfir mjög jafn og byrjaði strax af miklum krafti. Heimamenn voru með undirtökin mest allan leikinn og voru að leiða strax snemma leiks. Vörn Akureyrar spilaði stóran þátt í því og var markvarslan hjá Tomasi Olasyni í marki Akureyrar stór hluti af því en hann varði níu skot í fyrri hálfleiknum. Þrátt fyrir að vera yfir þá tókst Akureyri ekki að ná að hrista af sér Selfyssingana sem voru í raun bara hársbreidd frá því að koma sér upp að hlið heimamanna í leiknum en heimamenn leiddu með tveimur mörkum inn í hálfleikinn, 11-9. Jafnt var með liðunum í seinni hálfleiknum og byrjaði Einar Sverrison, skytta Selfyssinga, seinni hálfleikinn af miklum krafti og skoraði fyrstu fjögur mörk Selfyssinga, það var svo Elvar Örn Jónsson sem tók við keflinu og réðu heimamenn ekki mikið við hann og skoraði hann sjö mörk það sem eftir lifði hálfleiks. Selfyssingar færðust alltaf nær og nær Akureyri og þegar þrjár mínútur voru eftir tókst þeim að jafna. Akureyringar fara í sókn en skot Andra Snæs Stefánssonar var ekki gott og Selfoss fékk tækifæri til að komast loks yfir þegar tvær mínútur voru eftir. Igor Kopyshynskyi, sem kom af miklum krafti inn í seinni hálfleikinn fyrir Akureyri, stal boltanum og keyrði upp völlinn og skoraði. Kom heimamönnum aftur yfir og lítið eftir. Guðni Ingvarsson, línumaður Selfyssinga fékk dauðafæri þegar mínúta var eftir en skaut langt yfir og það var svo Mindaugas Dumcius sem gulltryggði sigurinn með því að skora í blálokin. Tveggja marka sigur Akureyrar því staðreynd og tókst liðinu að lyfta sér, allavega tímabundið, úr fallsæti og kom sér upp í ellefu stig og eru nú búnir að leika sex leiki án þess að tapa sem þykir mjög gott þar sem byrjun liðsins var mjög slök og útlitið ekki bjart norðan heiða.Sverre: Nú erum við að vinna! „Á skalanum einn til tíu er maður að telja á hundruðum,“ sagði Sverre Jakobsson, þjálfari Akureyrar, þegar hann var spurður út í hve sáttur hann væri með sigur sinna manna á Selfyssingum í kvöld. „Ef þú „Google-ar“ stoltur þjálfari þá sérðu mynd af mér frá því í dag! Þeir eiga svo ótrúlega mikið hrós skilið. Ég er alveg í skýjunum og adrenalínið á fullu svo ég veit nú ekki alveg hvað ég er að segja hérna en ég er ótrúlega stoltur, þetta var þvílíkt liðsafrek,“ sagði Sverre. Baráttuandinn og sterk liðsheild hefur verið stór partur af framförum Akureyrar í vetur og segist Sverre vera hæst ánægður með það sem leikmannahópur hans er að sýna og gera. „Þetta var sannkölluð liðsheild. Þetta er lýsandi fyrir það sem er í gangi í klefanum hjá okkur og þegar maður er með svona pakka þá ertu með eitthvað sérstakt, við höfum það og það sást hér í kvöld,“ sagði Sverre. Meiðslalisti Akureyrar lengist og lengist en í síðasta leik misstu þeir enn eina skyttuna í meiðsli þegar Karolis Stropus sleit hásin og bætist hann á listann með þeim Brynjari Hólm, Bergvini Gíslasyni, Ingimund Ingimundarsonar og Sigþórs Árna Heimissonar en allir hafa verið að spila stór hlutverk hjá liðinu. Akureyri hefur því þurft að kalla til fullt af ungum leikmönnum og er Sverre ánægður með þeirra framlag. „Við fáum nýjan strák inn í liðið í honum Daða og hann stóð sig frábærlega. Róbert kemur honum inn í þetta og stýrir þessu eins og kóngur í ríki sínu og allir gera það sem þeir þurftu að gera. Við vissum hvað við þyrftum að stöðva í þessum leik og við gerðum það. Þetta eru strákar sem eru tilbúnir í að setja hjartað á réttan stað og slá í takt við allt liðið. Þetta er ekki auðvelt, þetta er erfitt og ekkert smá af afföllumm á okkar leikmannahópi. Bestu fjórtán eru hérna inni og hinir nýtast okkur ekkert. Það er mitt hlutverk að búa til samkeppnishæft lið í hverjum leik og nú verðum við að gera það út desember,“ sagði Sverre. Akureyri komst eins og áður segir upp úr fallsæti með sigrinum í kvöld og finnst Sverre eins og þungu fargi sé létt af sér og sínum mönnum? „Biddu fyrir þér! Það er ótrúlega ljúft, ég ætla ekki að fara að ljúga en eins og ég hef oft sagt þá hef ég alltaf verið mjög ánægður með liðið mitt. Við höfum verið að spila okkur saman en tapað oft svona leikjum sem við erum núna að vinna, það er munurinn en viljinn og áreynslan hefur alltaf verið sú sama,“ sagði Sverre.Stefán: Áttum ekki skilið að vinna „Það var eitt og annað. Fyrir það fyrsta mættu Akureyringarnir sterkari í leikinn og voru miklu grimmari, ákveðnari og þeir stjórnuðu leiknum frá byrjun,“ sagði Stefán Árnason, þjálfari Selfyssinga, eftir leikinn í kvöld. „Þeir voru með yfirhöndina eiginlega allan tíman þar til það voru einhverjar tvær mínútur eftir og við gátum komist yfir. Við vorum að elta alltof lengi og það var ekki fyrr en eftir einhverjar fimmtán til tuttugu mínútur að við fórum að spila einhverja almennilega vörn. Það eru fullt af dauðafærum og vítaköstum í seinni hálfleik sem fara forgörðum og þrátt fyrir allt held ég að við hefðum átt að vinna þennan leik en miðað við spilamennskuna þá áttum við það ekki skilið,“ sagði Stefán. Stefán þekkir vel til á Akureyri og í KA-heimilinu en faðir hans, Árni Stefánsson, þjálfaði lið KA á sínum tíma og Stefán hefur sjálfur æft, spilað og þjálfað þar áður svo hann ætti að vera hverju horni kunnur þar en þetta er í fyrsta sinn sem hann stýrir útiliði meistaraflokks þar. „Það er fínt að koma og mér líður alltaf vel í KA-heimilinu því hér á ég góðar minningar og alltaf gaman að koma að spila hérna en ég hefði viljað að úrslitin hefðu verið önnur,“ sagði Stefán. Selfyssingar komu upp í Olís-deildina fyrir leiktíðina og hafa komið kannski smá á óvart og eru með fjórtán stig sem stendur. Er Stefán sáttur við frammistöðu síns liðs það sem af er liðið móts? „Sáttur við sumt og sumt ekki. Við hefðum átt að vera með fleiri stig, það eru leikir sem við hefðum átt að klára og tapa leikjum sem við hefðum átt að vinna. Við erum ekki nógu stöðugir ennþá eða mæta nógu klárir í suma leiki Við erum of seinir að byrja varnarleikinn, eins og í dag, og það vantar alltof mikið upp á stundum sem gerir þetta erfitt. Það er bjart og við höldum áfram að halda okkar vinnu áfram en við þurfum að gera betur en í dag ef við viljum að útlitið og framtíðin verði björt,“ sagði Stefán.
Olís-deild karla Mest lesið Óbein yfirlýsing frá DeAndre Kane Körfubolti McIlroy sækir um skilnað nokkrum dögum fyrir PGA-meistaramótið Golf Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Jói Kalli hættir hjá landsliðinu og fer til Danmerkur Fótbolti Illa orðað samningsákvæði varð KA að falli Íslenski boltinn Rúnar Ingi skiptir um stól í Njarðvík Körfubolti Skaut á Taylor Swift og sagði konum að halda sig í eldhúsinu Sport Kjósa um hvort notkun VAR verði hætt Fótbolti Segja að Mbappé og forseti PSG hafi öskrað á hvor annan Fótbolti United íhugar að ráða stjóra Ipswich sem eftirmann Ten Hags Enski boltinn Fleiri fréttir Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Sjá meira