Leiguverð hækkað um 4,7 prósent

Vísitala leiguverðs á höfuðborgarsvæðinu var 145,9 stig í janúar 2016 (janúar 2011=100) og hefur hækkað um 4,7 prósent síðastliðna 12 mánuði. 

Vísitalan hefur lækkað um 2,1 prósent frá því í desembermánuði. Síðastliðna þrjá mánuði lækkaði vísitalan um 0,4 prósent. Vísitala leiguverðs á höfuðborgarsvæðinu sýnir breytingar á vegnu meðaltali fermetraverðs.

Íbúðarhúsnæði er skipt í flokka eftir herbergjafjölda og staðsetningu. Reiknað er meðalfermetraverð fyrir 6 flokka íbúðarhúsnæðis. Niðurstaðan er vegin með hlutdeild viðkomandi flokks í heildarverðmæti á markaði miðað við undangengna 12 mánuði.