Hagstofan hækkar hagvaxtaspá sína

Hagstofan spáir því að hagvöxtur verði 4,3 prósent á þessu ári og 3,5 prósent árið 2017. Því hefur stofnun hækkað hagvaxtaspá sína um 0,3 prósentustig frá síðustu spá sem kom út í lok febrúar en þá spáði Hagstofan 4 prósenta hagvexti í ár og 3,2 prósenta hagvexti að ári.

Samkvæmt nýju spánni verðu hagvöxtur árin 2018 til 2021 nærri 3 prósent árlega. Innlend eftirspurn, fyrst og fremst einkaneysla og fjárfesting eru að baki hagvextinum fyrstu árin að mati Hagstofunnar en árið 2016 er spáð 6,6% aukningu þjóðarútgjalda.

Einkaneysla er talin aukast um 6% árið 2016, 4,8% 2017, 3,6% árið 2018 og nærri 3% á ári eftir það. Þvíí hefur spá um einkaneyslu verið hækkuð um 0,8 prósentustig milli spá á þessu ári, og 0,6 prósentustig árið 2017.

Fjárfesting eykst um 16% árið 2016 samkvæmt spánni en var 13,2 prósent í síðustu spá. Þá er spáð 6,4% vexti fjárfestingar árið 2017 en var 7,7 prósent í síðustu spá en það ár verður stóriðjufjárfesting í hámarki.

Búist er við að samneysla aukist hægt í samræmi við áframhaldandi aðhald í opinberum útgjöldum.

„Afgangur verður af utanríkisviðskiptum allan spátímann, lítið eitt minnkandi í fyrstu þegar mestur kraftur er í einkaneyslu og fjárfestingu, en stöðugur eftir það,“ segir í spánni.

Verðbólga hækki

Búist er við að verðbólga hækki á seinni hluta þessa árs og verði 3,9 prósent að meðaltali á næsta ári og 3,5 prósent árið 2018 og hjaðni svo áfram í kjölfarið.