Framarar völtuðu yfir KA/Þór | Úrslit kvöldsins

Þrír leikir fóru fram í kvöld í Olís-deild kvenna en þar ber helst að nefna auðveldan sigur Fram á KA/Þór, 27-14 en leikið var fyrir norðan.

Staðan í hálfleik var 12-9 fyrir Fram og gáfu þær bláu bara í í þeim síðari. Sigurbjörg Jónsdóttir skoraði fimm mörk fyrir Fram og Steinunn Björnsdóttir fjögur. Hjá KA/Þór var það Birta Fönn Sveinsdóttir sem var atkvæðamest með fjögur mörk.

Í Garðabæ mættust Stjarnan og ÍR og fór leikurinn 35-29 fyrir heimakonum. Stjarnan gerði í raun útum leikinn í fyrri hálfleiknum og var staðan 20-11 eftir 30 mínútna leik.

Þórhildur Gunnarsdóttir skoraði níu mörk fyrir Stjörnuna í kvöld og Hanna Guðrún Stefánsdóttir sjö. Hjá ÍR-ingum voru þær Silja Ísberg og Sigrún Ása Ásgrímsdóttir atkvæðamestar með sex mörk.

Þá vann Fylkir þægilegan sigur á Fjölni, 33-26, eftir að staðan í hálfleik hafði verið 16-11 fyrir heimamönnum í Fylki.

Haukar eru í efsta sæti deildarinnar með 40 stig, einu stigi á undan Gróttu sem er með 39 stig.

Hér að neðan má sjá tölfræðiupplýsingar úr leikjum kvöldsins:

Fylkir - Fjölnir 33-26 (16-11)



Mörk Fylkis: Ólöf Kristín Þorsteinsdóttir 6, Patricia Szölösi 6, Kristjana Björk Steinarsdóttir 5, Thea Imani Sturludóttir 4, Hildur Björnsdóttir 4, Hlidur Karen Jóhannsdóttir 3, Vera Pálsdóttir 2, Þuríður Guðjónsdóttir 2, Halldóra Björk Hauksdóttir 1.

Mörk Fjölnis: Díana Kristín Sigmarsdóttir 8, Berglind Benediktsdóttir 6, Guðrún Jenný Sigurðardóttir 3, Andrea Jacobsen 2, Tinna Laxdal Gautadóttir 2, Díana Ágústsdóttir 2, Fanney Ösp Finnsdóttir 1, Kristín Lísa Friðriksdóttir 1, Ylfa Dögg Ástþórsdóttir 1.

Stjarnan - ÍR 35-29 (20-11)

Mörk Stjörnunnar: Þórhildur Gunnarsdóttir 9, Hanna G. Stefánsdóttir 7, Helena Rut Örvarsdóttir 5, Sólveig Lára Kjærnested 4, Stefanía Theodórsdóttir 4, Esther Viktoría Ragnarsdóttir 2, Arna Dýrfjörð 2, Guðrún Erla Bjarnadóttir 1, Nataly Sæunn Valencia 1.

Mörk ÍR: Silja Ísberg 6, Sigrún Ása Ásgrímsdóttir 6, Karen Tinna Demian 4, Sólveig Lára Kristjánsdóttir 3, Hildur María Leifsdóttir 3, Brynhildur Bergmann Kjartansdóttir 3, Jóhanna Björk Viktorsdóttir 2, Stefanía Ósk Sigurjónsdóttir 1, Margrét Valdimarsdóttir 1.

KA/Þór - Fram 14-27 (9-12)

Mörk KA/Þórs: Birta Fönn Sveinsdóttir 4, Ásdís Guðmundsdóttir 3, Arna Kristín Einarsdóttir 3, Laufey Lára Höskuldsdóttir 2, Hulda Bryndís Tryggvadóttir 1, Sigríður Höskuldsdóttir 1.

Mörk Fram: Sigurbjörg Jóhannsdóttir 5, Steinunn Björnsdóttir 4, Hekla Rán Ámundadóttir 3, Ragnheiður Júlíusdóttir 3, Hulda Dagsdóttir 3, Ásta Birna Gunnarsdóttir 2, Arna Þyrí Ólafsdóttir 2, Elísabet Mjöll Guðjónsdóttir 1, Íris Kristín Smith 1, Elva Þóra Arnardóttir 1, Kristín Helgadóttir 1.