Hamskipti Haukanna í handboltanum Óskar Ófeigur Jónsson skrifar 1. desember 2016 06:30 Haukar fagna Íslandsmeistaratitlinum eftir sigur á Aftureldingu í oddaleik í vor. vísir/vilhelm Fyrir aðeins fimmtíu dögum sátu Haukarnir í fallsæti Olís-deildarinnar með aðeins fjögur stig í húsi af fjórtán mögulegum. Íslandsmeistararnir voru búnir að tapa fimm af sjö fyrstu leikjum sínum og höfðu fengið á sig 31 mark að meðaltali í leik. Það er því ekkert skrítið að þjálfarinn Gunnar Magnússon hafi sofið illa þessa daga í september og október þegar meistaraliðið var nánast óþekkjanlegt úti á gólfinu. Nú, sjö vikum síðar, hafa hans menn farið í gegnum algjör hamskipti og nú síðast unnið hvern stórsigurinn á fætur öðrum á efstu liðum deildarinnar. Hvernig fór hann að þessu?Framleikurinn vekjaraklukkan Gunnar segir að vekjaraklukkan hafi farið í gang eftir 41-37 tap á móti Fram á heimavelli í lok september. „Við héldum alltaf fram að því að þetta væri að koma og væri að koma. Eftir það tap, þar sem við fengum á okkur 41 mark, þá áttum við okkur á vandamálinu að við værum bara lélegir og þyrftum að spýta verulega í lófana,“ segir Gunnar. Það fór ekki fram hjá mörgum að varnarleikurinn var akkillesarhæll liðsins í upphafi móts. „Við vorum í miklum vandræðum með vörnina hjá okkur. Við vorum með nýja leikmenn í nýjum stöðum sem tók smá tíma,“ segir Gunnar og bendir á eina tölfræði sem sýnir vel muninn á varnarleiknum. „Við erum búnir að tvöfalda fjöldann hjá okkur í fríköstum frá þessum Framleik. Það sýnir líka baráttuna og hugarástandið. Fá meiri baráttu og fá fleiri fríköst. Við erum búnir að tvöfalda fjölda hraðaupphlaupa og tvöfalda fjölda fríkasta sem við höfum fengið á okkur með því að bæta þessa vörn. Um leið og vörnin hefur skánað hjá okkur þá hefur markvarslan líka verið betri,“ segir Gunnar. „Ég sagði það eftir þennan septembermánuð, þar sem við gátum ekki rassgat, að ég héldi að við kæmum bara sterkari út úr þessu. Í öllu þessu mótlæti, þegar við töpuðum fimm leikjum af sjö, þá var aldrei einhver örvænting og aldrei datt mórallinn niður. Við umturnuðum engu. Við vissum bara að við vorum lélegir og að við þyrftum að leggja harðar að okkur,“ segir Gunnar. Hann hugsaði þó um lítið annað en hvað hann gæti gert.grafík/fréttablaðiðSvaf ekki rólegur „Ég svaf ekkert rólegur á meðan liðið spilaði mjög illa. Mér stóð ekki á sama því ég fékk það til að virka sem við vorum að fara með inn í leikina. Ég lagði þá bara helmingi meira á mig eins og strákarnir. Ég vann bara myrkranna á milli til að finna lausnir og hvernig ég gæti snúið þessu við,“ sagði Gunnar og hann breytti nokkrum hlutum. Gunnar veltir einnig upp möguleikanum á að hans menn hafi verið saddir eftir velgengni síðustu ára. „Eitt af því sem ég skynjaði eftir þennan Framleik var að mér fannst við ekki ná því að gíra okkur inn í leikina. Mér fannst við vera í mjög góðu formi og það var því ekki vandamálið. Við náðum ekki að gíra okkur almennilega inn í þessa leiki,“ segir Gunnar og bætir við: „Margir í liðinu voru búnir að vinna tvö ár í röð og umræðan var síðan þannig að við værum langbestir og í undirmeðvitundinni héldu menn að þetta kæmi svolítið af sjálfu sér.“ Það var magnað að fylgjast með Haukalestinni á fullri ferð fyrr í þessum mánuðum þegar liðið vann fjögur topplið í deildinni með meira en 40 mörkum samanlagt.Koma sterkari út úr þessu „Við erum búnir að bæta okkar leik meira með því að fara í alla þessa vinnu innan og utan vallar. Við komum sterkari út úr þessu af því að við tókum á vandamálunum. Við vorum bara lélegir og hin liðin voru bara betri en við í byrjun október,“ segir Gunnar. Næsti leikur er einmitt á móti Fram í kvöld. Mótherjar kvöldsins voru vekjaraklukka Haukaliðsins fyrir tveimur mánuðum en hvernig verður framhaldið nú þegar allt er komið í lag? „Við erum ekkert komnir á þann stað sem við viljum vera á í deildinni. Við erum alls ekkert sáttir við stöðuna enn, því okkur langar að sjálfsögðu að komast á toppinn. Þangað stefnum við og við erum ekkert sáttir þangað til,“ segir Gunnar. Hann sér hungrið og leikgleðina aftur í sínum mönnum.Sér það í augunum á þeim „Inni í klefa, þegar við erum að fara í leikina, þá sér maður bara í augunum á mönnum hvort þeir eru tilbúnir. Maður þarf ekkert að öskra þá í gang lengur því maður sér það bara að þeir eru tilbúnir. Það er allt annað að horfa á liðið í dag,“ segir Gunnar. Olís-deild karla Mest lesið Íslandsmeistarinn Ægir Þór: „Þetta er bara algjör þvæla“ Körfubolti „Í dag unnum við þetta eins og fjölskylda“ Íslenski boltinn „Skil ekki af hverju við erum alltaf að koma fólki á óvart“ Íslenski boltinn McTominay og Lukaku tryggðu Napoli titilinn Fótbolti „Ertu galinn? Þetta var frábær fótboltaleikur“ Íslenski boltinn „Við þurfum hjálp frá Guði“ Handbolti „Er til eitthvað sem heitir sjöundi gír?“ Handbolti Uppgjörið: KR - Fram 2-3 | Byström sökkti KR-ingum sem hafa tapað þremur í röð Íslenski boltinn „Við erum með gríðarlega sterka liðsheild“ Handbolti Reka 200 manns eftir tapið fyrir Tottenham Enski boltinn Fleiri fréttir „Við þurfum hjálp frá Guði“ „Við erum með gríðarlega sterka liðsheild“ „Er til eitthvað sem heitir sjöundi gír?“ Uppgjörið: Haukar - Valur 22-29 (0-2) | Skellt í lás í seinni Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ „Þjáning í marga daga“ Uppgjörið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sjá meira
Fyrir aðeins fimmtíu dögum sátu Haukarnir í fallsæti Olís-deildarinnar með aðeins fjögur stig í húsi af fjórtán mögulegum. Íslandsmeistararnir voru búnir að tapa fimm af sjö fyrstu leikjum sínum og höfðu fengið á sig 31 mark að meðaltali í leik. Það er því ekkert skrítið að þjálfarinn Gunnar Magnússon hafi sofið illa þessa daga í september og október þegar meistaraliðið var nánast óþekkjanlegt úti á gólfinu. Nú, sjö vikum síðar, hafa hans menn farið í gegnum algjör hamskipti og nú síðast unnið hvern stórsigurinn á fætur öðrum á efstu liðum deildarinnar. Hvernig fór hann að þessu?Framleikurinn vekjaraklukkan Gunnar segir að vekjaraklukkan hafi farið í gang eftir 41-37 tap á móti Fram á heimavelli í lok september. „Við héldum alltaf fram að því að þetta væri að koma og væri að koma. Eftir það tap, þar sem við fengum á okkur 41 mark, þá áttum við okkur á vandamálinu að við værum bara lélegir og þyrftum að spýta verulega í lófana,“ segir Gunnar. Það fór ekki fram hjá mörgum að varnarleikurinn var akkillesarhæll liðsins í upphafi móts. „Við vorum í miklum vandræðum með vörnina hjá okkur. Við vorum með nýja leikmenn í nýjum stöðum sem tók smá tíma,“ segir Gunnar og bendir á eina tölfræði sem sýnir vel muninn á varnarleiknum. „Við erum búnir að tvöfalda fjöldann hjá okkur í fríköstum frá þessum Framleik. Það sýnir líka baráttuna og hugarástandið. Fá meiri baráttu og fá fleiri fríköst. Við erum búnir að tvöfalda fjölda hraðaupphlaupa og tvöfalda fjölda fríkasta sem við höfum fengið á okkur með því að bæta þessa vörn. Um leið og vörnin hefur skánað hjá okkur þá hefur markvarslan líka verið betri,“ segir Gunnar. „Ég sagði það eftir þennan septembermánuð, þar sem við gátum ekki rassgat, að ég héldi að við kæmum bara sterkari út úr þessu. Í öllu þessu mótlæti, þegar við töpuðum fimm leikjum af sjö, þá var aldrei einhver örvænting og aldrei datt mórallinn niður. Við umturnuðum engu. Við vissum bara að við vorum lélegir og að við þyrftum að leggja harðar að okkur,“ segir Gunnar. Hann hugsaði þó um lítið annað en hvað hann gæti gert.grafík/fréttablaðiðSvaf ekki rólegur „Ég svaf ekkert rólegur á meðan liðið spilaði mjög illa. Mér stóð ekki á sama því ég fékk það til að virka sem við vorum að fara með inn í leikina. Ég lagði þá bara helmingi meira á mig eins og strákarnir. Ég vann bara myrkranna á milli til að finna lausnir og hvernig ég gæti snúið þessu við,“ sagði Gunnar og hann breytti nokkrum hlutum. Gunnar veltir einnig upp möguleikanum á að hans menn hafi verið saddir eftir velgengni síðustu ára. „Eitt af því sem ég skynjaði eftir þennan Framleik var að mér fannst við ekki ná því að gíra okkur inn í leikina. Mér fannst við vera í mjög góðu formi og það var því ekki vandamálið. Við náðum ekki að gíra okkur almennilega inn í þessa leiki,“ segir Gunnar og bætir við: „Margir í liðinu voru búnir að vinna tvö ár í röð og umræðan var síðan þannig að við værum langbestir og í undirmeðvitundinni héldu menn að þetta kæmi svolítið af sjálfu sér.“ Það var magnað að fylgjast með Haukalestinni á fullri ferð fyrr í þessum mánuðum þegar liðið vann fjögur topplið í deildinni með meira en 40 mörkum samanlagt.Koma sterkari út úr þessu „Við erum búnir að bæta okkar leik meira með því að fara í alla þessa vinnu innan og utan vallar. Við komum sterkari út úr þessu af því að við tókum á vandamálunum. Við vorum bara lélegir og hin liðin voru bara betri en við í byrjun október,“ segir Gunnar. Næsti leikur er einmitt á móti Fram í kvöld. Mótherjar kvöldsins voru vekjaraklukka Haukaliðsins fyrir tveimur mánuðum en hvernig verður framhaldið nú þegar allt er komið í lag? „Við erum ekkert komnir á þann stað sem við viljum vera á í deildinni. Við erum alls ekkert sáttir við stöðuna enn, því okkur langar að sjálfsögðu að komast á toppinn. Þangað stefnum við og við erum ekkert sáttir þangað til,“ segir Gunnar. Hann sér hungrið og leikgleðina aftur í sínum mönnum.Sér það í augunum á þeim „Inni í klefa, þegar við erum að fara í leikina, þá sér maður bara í augunum á mönnum hvort þeir eru tilbúnir. Maður þarf ekkert að öskra þá í gang lengur því maður sér það bara að þeir eru tilbúnir. Það er allt annað að horfa á liðið í dag,“ segir Gunnar.
Olís-deild karla Mest lesið Íslandsmeistarinn Ægir Þór: „Þetta er bara algjör þvæla“ Körfubolti „Í dag unnum við þetta eins og fjölskylda“ Íslenski boltinn „Skil ekki af hverju við erum alltaf að koma fólki á óvart“ Íslenski boltinn McTominay og Lukaku tryggðu Napoli titilinn Fótbolti „Ertu galinn? Þetta var frábær fótboltaleikur“ Íslenski boltinn „Við þurfum hjálp frá Guði“ Handbolti „Er til eitthvað sem heitir sjöundi gír?“ Handbolti Uppgjörið: KR - Fram 2-3 | Byström sökkti KR-ingum sem hafa tapað þremur í röð Íslenski boltinn „Við erum með gríðarlega sterka liðsheild“ Handbolti Reka 200 manns eftir tapið fyrir Tottenham Enski boltinn Fleiri fréttir „Við þurfum hjálp frá Guði“ „Við erum með gríðarlega sterka liðsheild“ „Er til eitthvað sem heitir sjöundi gír?“ Uppgjörið: Haukar - Valur 22-29 (0-2) | Skellt í lás í seinni Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ „Þjáning í marga daga“ Uppgjörið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sjá meira