Besti árangur í mörg ár

„Eimskip heldur áfram að skila góðum árangri og þetta er besti þriðji ársfjórðungur í rekstri félagsins frá árinu 2009 hvað varðar rekstrartekjur, EBITDA, EBIT og hagnað,“ segir Gylfi Sigfússon, forstjóri Eimskips. Uppgjör félagsins fyrir fyrstu níu mánuði ársins var birt í gær.

Rekstrartekjur fyrirtækisins námu 134,1 milljón evra, eða 16,2 milljörðum, á fyrstu níu mánuðum ársins og jukust um 4,3 milljónir evra (520 milljónir króna) á milli ára.

EBITDA nam 17,8 milljónum evra (2,2 milljörðum) og hækkaði um 1,4 milljónir evra (169 milljónir króna) eða 8,6%.

Fréttin birtist fyrst í Fréttablaðinu