Leiðinleg veðurspá fyrstu veiðihelgina í rjúpu

Fyrsta veiðihelgin þar sem gengið er til rjúpna er um næstu helgi frá föstudegi til laugardags og næstu þrjár helgar þar á eftir.

Það verður þó að segjast að veðurspáin er heldur leiðinleg en það er þó spáð ágætu veðri á föstudeginum nokkuð víða en á vef Veðurstofunnar er spáin eftirfarandi.  Á föstudag: Suðvestan kaldi með éljum, en hægari og léttskýjað austanlands. Hiti 0 til 5 stig.  Á laugardag: Líklega allhvöss sunnanátt austanlands með rigningu, en norðaustanátt um landið vestanvert og fer yfir í slyddu eða snjókomu norðvestanlands. Á sunnudag: Útlit fyrir nokkuð hvassa norðvestanátt og snjókomu eða slyddu um landið norðanvert, en úrkomulítið sunnantil.  Veiðimenn eru hvattir til að fylgjast vel með veðurspá.  Það er annars góður hugur í þeim rjúpnaskyttum sem Veiðivísir hefur heyrt frá með þessa rjúpnavertíð en menn fullyrða að það sé mun meira af rjúpu en talningar gáfu til kynna.