Fimm ára drengir á leið frá Dóminíska lýðveldinu óvart settir í rangar flugvélar

Mistök flugfélagsins JetBlue leiddu til þess að farið var með tvo fimm ára drengi í rangar flugvélar á flugvelli í Dóminíska lýðveldinu í síðasta mánuði. Þeir voru báðir einir á ferð en í fylgd með flugvallarstarfsmanni.

Annar drengurinn var á leið til New York og hinn til Boston. Svo virðist sem þeir hafi skipst á vegabréfum með fyrrgreindum afleiðingum.

Ekki komst upp um misskilninginn fyrr en á flugvellinum í New York þegar á móti móður annars drengsins tók allt annað barn en hennar eigið.  Nokkrar klukkustundir tók að hafa uppi á syni hennar og foreldrum hins drengsins.

Í samtali við New York‘s Daily News segist móðirin hafa haldið að syni hennar hefði verið rænt. „Ég hélt ég myndi aldrei sjá hann aftur,“ segir hún.

Flugfélagið hefur beðist afsökunar á atvikinu og segist nú rannsaka hvernig þessi misskilningur orsakaðist. Konan fékk fargjald sonar síns endurgreitt ásamt því sem hún fékk 250 þúsund króna gjafabréf hjá flugfélaginu.

Drengirnir eru báðir heilir á húfi og komnir til fjölskyldna sinna. Ekki kemur fram erlendum fréttum hversu gamall hinn drengurinn, sem upphaflega átti að fara til Dóminíska lýðveldisins, er.

Frétt uppfærð kl. 22.40.