Biðja Google að fjarlægja síðu á eigin vegum

Kvikmyndaverið Warner Brothers hefur lagt fram beiðni til Google að vefsíður á þeirra eigin vegum verði fjarlægðar af leitarvélinni. Þeir segja að þær brjóti höfundarréttarlög. Þá hefur Warner Brothers einnig beðið um að vefsíðurnar Amazon og Sky verði fjarlægðar, ásamt kvikmyndagagnagrunninum IMDB. Þetta kemur fram á vef BBC.

Fyrirtækið Vobile lagði beiðnina fram fyrir hönd Warner Brothers, en fyrirtækið leggur fram þúsundir slíkra beiðna í hverjum mánuði. Í einni beiðninni var Google beðið að fjarlægja opinberar vefsíður kvikmynda sem verið hefur framleitt líkt og The Matrix og Batman: The Dark Knight. Leyfilegar efnisveitur líkt og Amazon og Sky Cinema voru einnig tilkynnt fyrir höfundarréttarbrot.

Ernesto van der Sar frá síðunni Torrent Freak segir að kvikmyndaverið sé óviljandi að vinna gegn eigin hagsmunum með því að gera neytendum erfitt að finna efni á lögmætum veitum.

Fyrirtæki líkt og Vobile vinna yfirleitt fyrir stór kvikmyndaver og tilkynna ólöglegt niðurhal af kvikmyndum og sjónvarpsþáttum. Samkvæmt gagnsæisskýrslu Google hefur Vobile lagt fram yfir þrettán milljónir fjarlægingarbeiðnir.

Van der Sar segir að slík eftirlitsfyrirtæki noti yfirleitt sjálfvirk kerfi til að leita að síðum sem brjóta á höfundarréttarlögum og að líklega sé um villu í slíku kerfi að ræða. Eftir að hafa farið gaumgæfilega yfir skýrslu Warner Brothers hefur Google ákveðið að fjarlægja ekki Amazon, IMDB og Sky Cinema úr leitarvélinni.