Táknmyndir fyrir þjáningar milljóna barna Una Sighvatsdóttir skrifar 26. ágúst 2016 20:00 Tvær og hálf milljón sýrlenskra barna eru nú á flótta. Alþjóðasamfélagið hefur brugðist Sýrlendingum, að mati Sameinuðu þjóðanna. Ástandið hefur aldrei verið verra, síðan stríðið braust þar út. Í dag var byrjað að rýma bæinn Daraya í nágrenni Damaskus, eftir að samkomulag náðist um að binda endi á umsátursástand sem þar hefur ríkt í fjögur ár. Þúsundir íbúa verða fluttir þaðan í flóttamannabúðir. Á sama tíma heldur hryllingurinn áfram í Aleppo. Utanríkisráðherrar Bandaríkjanna og Rússlands funduðu í Genf í dag um hvernig sætta megi stríðandi fylkingar, en slíkar tilraunir hafa hingað til verið til lítils.Fyrst Aylan, svo Omran Ekki fyrir endann á stríðinu í Sýrlandi og nú þegar það hefur staðið í rúm fimm ár virðist umheimurinn orðinn nánast ónæmur. Fréttir af hörmungum renna saman, athygli fjölmiðla fer annað og samkenndin dofnar. Síðan koma augnablik, eins og í síðustu viku þegar myndin af Omran, litla drengnum í Aleppo, kemst í dreifingu og fangar athygli heimsins. En hverju skilar það? Í fyrra sást síðasta táknmynd fyrir þjáningar sýrlenskra barna, þegar lík Aylan Kurdi skolaði á land í Tyrklandi. Allur heimurinn syrgði Aylan Kurdi, en síðan er liðið tæpt ár og á þeim tíma hefur líf sýrlenskra barna bara versnað.Meira en 8 milljónir sýrlenskra barna þurfa á neyðaraðstoð að halda.Fjöldi barna á flótta margfaldast Fjöldi sýrlenskra flóttabarna hefur margfaldast frá því að vera hálf milljón árið 2013, tvær milljónir í fyrra og í dag eru tvær og hálf milljón sýrlenskra barna á flótta. En það segir ekki alla söguna, því án þess að vera endilega á flótta eru rúmlega 8 milljónir sýrlenskra barna sem þurfa á neyðaraðstoð að halda. Þetta er hópur sem hefur margfaldast ár frá ári, því fjórfalt fleiri börn þurfa á neyðaraðstoð að halda í dag miðað við fyrir fjórum árum. Staðan virðist því aðeins fara versnandi og það er auðvelt að missa von um að þetta leysist nokkurn tíma. En þó má ekki gleyma því að það er verið að vinna ótrúlegar hetjudáðir með hjálparstarfi í stríðsástandinu miðju. Bergsteinn Jónsson framkvæmdastjóri UNICEF á Íslandi segir að ofurmannlegt álag sé á samstarfsfólki hans í Sýrlandi en þar eru hetjudáðir unnar á degi hverjum.Mikil barátta og sigrar á degi hverjum Að sögn Bersteins Jónssonar framkvæmdastjóra UNICEF á Íslandi hefur verra mannúðarástand varla sést frá stofnun samtakanna við loka síðari heimsstyrjaldar. UNICEF veitir hjálp inn á flest svæði landsins. „Meira að segja inn á svæði sem er undir stjórn Ísis, því þar búa líka börn. Þannig að það eru sigrar og mikil barátta á hverjum degi sem fer fram í þessu landi og það er ótrúlega mikilvægt að þrátt fyrir allar þessar áskoranir þá megum við aldrei gleyma börnunum í Sýrlandi. Við verðum að halda áfram þar til þetta mannanna stríð er til lykta leitt og friður ríkir," segir Bergsteinn.Mannanna verk sem hægt er að enda Aðspurður hvort einhver von sé um að ástandið batni ítrekar Bergsteinn að stríðið sé mannanna verk og það sem mennirnir hefji, það geti þeir líka bundið endi á. „Auðvitað er það flókið úrlausnarefni. En við verðum að trúa því að við getum byggt upp jafnvel og við getum brotið niður." Hægt er að styrkja neyðarsöfnun UNICEF með því að senda sms-ið STOPP í númerið 1900 og gefa 1.900 krónur. Mest lesið Lögregla rannsakar andlát í Bolungarvík Innlent Vill kvittanir frá framboði Höllu Innlent Börnin eru fundin Innlent Tafir á Miklubraut í sumar vegna framkvæmda Innlent Baráttan um Bessastaði gæti orðið gífurlega spennandi Innlent Meðhöndlarinn farinn að nudda á Kvíabryggju Innlent Huldumaður bað um skóflu, límband, hanska og kúbein Innlent Gæti haft gríðarlega þýðingu fyrir Ísafjörð Innlent Brosandi þótt aftur sé ekið á flugvél Verzlinga Innlent Dúxaði í Verzló með tíu í einkunn og ári á undan í skóla Innlent Fleiri fréttir Lögregla rannsakar andlát í Bolungarvík Vill kvittanir frá framboði Höllu Baráttan um Bessastaði gæti orðið gífurlega spennandi Háspennubilun í Breiðholti Gæti haft gríðarlega þýðingu fyrir Ísafjörð Tafir á Miklubraut í sumar vegna framkvæmda Huldumaður bað um skóflu, límband, hanska og kúbein Soffía er nýr skólameistari FSu Forsetakosningar, kjaradeilur og hundrað kílómetra ganga Tveir bílar skullu saman í Kolgrafarfirði Ungmenni kveiktu í skólabókum Einn til viðbótar í gæsluvarðhald en öðrum sleppt Börnin eru fundin Heilablóðfall sjaldgæfur fylgikvilli eftir ósæðarlokuskipti Efling vísar deilu við borgina til sáttasemjara Stefnir í að losunarskuldbindingar náist Andrea Kristín enn dæmd í fangelsi Lending í Nauthólsvík lengi ferðina um korter til tuttugu mínútur Brosandi þótt aftur sé ekið á flugvél Verzlinga Aðalmeðferð í Bátavogsmálinu fer fram í sumar Ástþór eyðir langmestu Kosningaúrslit yfirleitt nálægt niðurstöðum kannana „Þetta er bara eins og að finna gull“ Þyrlulæknar ósáttir og Ísfirðingar fagna heitavatnsfundi Dúxaði í Verzló með tíu í einkunn og ári á undan í skóla Taldir hafa sviðsett árekstur í Hafnarfirði Myndi ekki syrgja brotthvarf neftóbaksins Fluttur með þyrlu vegna vinnuslyss á bóndabæ Flugferð aflýst eftir að þjónustubíll rakst í flugvél Meðhöndlarinn farinn að nudda á Kvíabryggju Sjá meira
Tvær og hálf milljón sýrlenskra barna eru nú á flótta. Alþjóðasamfélagið hefur brugðist Sýrlendingum, að mati Sameinuðu þjóðanna. Ástandið hefur aldrei verið verra, síðan stríðið braust þar út. Í dag var byrjað að rýma bæinn Daraya í nágrenni Damaskus, eftir að samkomulag náðist um að binda endi á umsátursástand sem þar hefur ríkt í fjögur ár. Þúsundir íbúa verða fluttir þaðan í flóttamannabúðir. Á sama tíma heldur hryllingurinn áfram í Aleppo. Utanríkisráðherrar Bandaríkjanna og Rússlands funduðu í Genf í dag um hvernig sætta megi stríðandi fylkingar, en slíkar tilraunir hafa hingað til verið til lítils.Fyrst Aylan, svo Omran Ekki fyrir endann á stríðinu í Sýrlandi og nú þegar það hefur staðið í rúm fimm ár virðist umheimurinn orðinn nánast ónæmur. Fréttir af hörmungum renna saman, athygli fjölmiðla fer annað og samkenndin dofnar. Síðan koma augnablik, eins og í síðustu viku þegar myndin af Omran, litla drengnum í Aleppo, kemst í dreifingu og fangar athygli heimsins. En hverju skilar það? Í fyrra sást síðasta táknmynd fyrir þjáningar sýrlenskra barna, þegar lík Aylan Kurdi skolaði á land í Tyrklandi. Allur heimurinn syrgði Aylan Kurdi, en síðan er liðið tæpt ár og á þeim tíma hefur líf sýrlenskra barna bara versnað.Meira en 8 milljónir sýrlenskra barna þurfa á neyðaraðstoð að halda.Fjöldi barna á flótta margfaldast Fjöldi sýrlenskra flóttabarna hefur margfaldast frá því að vera hálf milljón árið 2013, tvær milljónir í fyrra og í dag eru tvær og hálf milljón sýrlenskra barna á flótta. En það segir ekki alla söguna, því án þess að vera endilega á flótta eru rúmlega 8 milljónir sýrlenskra barna sem þurfa á neyðaraðstoð að halda. Þetta er hópur sem hefur margfaldast ár frá ári, því fjórfalt fleiri börn þurfa á neyðaraðstoð að halda í dag miðað við fyrir fjórum árum. Staðan virðist því aðeins fara versnandi og það er auðvelt að missa von um að þetta leysist nokkurn tíma. En þó má ekki gleyma því að það er verið að vinna ótrúlegar hetjudáðir með hjálparstarfi í stríðsástandinu miðju. Bergsteinn Jónsson framkvæmdastjóri UNICEF á Íslandi segir að ofurmannlegt álag sé á samstarfsfólki hans í Sýrlandi en þar eru hetjudáðir unnar á degi hverjum.Mikil barátta og sigrar á degi hverjum Að sögn Bersteins Jónssonar framkvæmdastjóra UNICEF á Íslandi hefur verra mannúðarástand varla sést frá stofnun samtakanna við loka síðari heimsstyrjaldar. UNICEF veitir hjálp inn á flest svæði landsins. „Meira að segja inn á svæði sem er undir stjórn Ísis, því þar búa líka börn. Þannig að það eru sigrar og mikil barátta á hverjum degi sem fer fram í þessu landi og það er ótrúlega mikilvægt að þrátt fyrir allar þessar áskoranir þá megum við aldrei gleyma börnunum í Sýrlandi. Við verðum að halda áfram þar til þetta mannanna stríð er til lykta leitt og friður ríkir," segir Bergsteinn.Mannanna verk sem hægt er að enda Aðspurður hvort einhver von sé um að ástandið batni ítrekar Bergsteinn að stríðið sé mannanna verk og það sem mennirnir hefji, það geti þeir líka bundið endi á. „Auðvitað er það flókið úrlausnarefni. En við verðum að trúa því að við getum byggt upp jafnvel og við getum brotið niður." Hægt er að styrkja neyðarsöfnun UNICEF með því að senda sms-ið STOPP í númerið 1900 og gefa 1.900 krónur.
Mest lesið Lögregla rannsakar andlát í Bolungarvík Innlent Vill kvittanir frá framboði Höllu Innlent Börnin eru fundin Innlent Tafir á Miklubraut í sumar vegna framkvæmda Innlent Baráttan um Bessastaði gæti orðið gífurlega spennandi Innlent Meðhöndlarinn farinn að nudda á Kvíabryggju Innlent Huldumaður bað um skóflu, límband, hanska og kúbein Innlent Gæti haft gríðarlega þýðingu fyrir Ísafjörð Innlent Brosandi þótt aftur sé ekið á flugvél Verzlinga Innlent Dúxaði í Verzló með tíu í einkunn og ári á undan í skóla Innlent Fleiri fréttir Lögregla rannsakar andlát í Bolungarvík Vill kvittanir frá framboði Höllu Baráttan um Bessastaði gæti orðið gífurlega spennandi Háspennubilun í Breiðholti Gæti haft gríðarlega þýðingu fyrir Ísafjörð Tafir á Miklubraut í sumar vegna framkvæmda Huldumaður bað um skóflu, límband, hanska og kúbein Soffía er nýr skólameistari FSu Forsetakosningar, kjaradeilur og hundrað kílómetra ganga Tveir bílar skullu saman í Kolgrafarfirði Ungmenni kveiktu í skólabókum Einn til viðbótar í gæsluvarðhald en öðrum sleppt Börnin eru fundin Heilablóðfall sjaldgæfur fylgikvilli eftir ósæðarlokuskipti Efling vísar deilu við borgina til sáttasemjara Stefnir í að losunarskuldbindingar náist Andrea Kristín enn dæmd í fangelsi Lending í Nauthólsvík lengi ferðina um korter til tuttugu mínútur Brosandi þótt aftur sé ekið á flugvél Verzlinga Aðalmeðferð í Bátavogsmálinu fer fram í sumar Ástþór eyðir langmestu Kosningaúrslit yfirleitt nálægt niðurstöðum kannana „Þetta er bara eins og að finna gull“ Þyrlulæknar ósáttir og Ísfirðingar fagna heitavatnsfundi Dúxaði í Verzló með tíu í einkunn og ári á undan í skóla Taldir hafa sviðsett árekstur í Hafnarfirði Myndi ekki syrgja brotthvarf neftóbaksins Fluttur með þyrlu vegna vinnuslyss á bóndabæ Flugferð aflýst eftir að þjónustubíll rakst í flugvél Meðhöndlarinn farinn að nudda á Kvíabryggju Sjá meira