Emil og félagar með góðan sigur

Átta leikir fóru fram í ítölsku seríu A-deildinni í knattspyrnu í dag og ber þar helst að nefna 2-2 jafntefli sem Roma og Cagliari gerðu.

Perotti og Strootman gerðu sitt markið hvor fyrir Roma og í upphafi síðari hálfleiksins var staðan orðin 2-0 fyrir gestina. Leikmenn Cagliari neituðu að gefast upp og Borriello minnkaði muninn fyrir heimamenn á 56. mínútu.

Það var síðan Sau sem skoraði jöfnunarmarkið tveim mínútum fyrir leikslok. Inter og Palermo gerðu 1-1 jafntefli fyrr í dag. Udinese vann flottan sigur á Empoli, 2-0, á heimavelli og lék Emil Hallfreðsson allan leikinn fyrir Udinese.

Hér að neðan má sjá úrslit dagsins:

Inter 1 - 1 Palermo

Crotone 1 - 3 Genoa

Sampdoria 2 - 1 Atalanta

Udinese 2 - 0 Empoli

Cagliari 2 - 2 Roma

Fiorentina 1 - 0 ChievoVerona

Sassuolo 2 - 1 Pescara

Torino 5 - 1 Bologna