Þrír sækjast eftir embætti sóknarprests í Laugarnesprestakalli

Þrír sækjast eftir embætti sóknarprests í Laugarnesprestakalli Reykjavíkurprófastsdæmi vestra, en embættið veitist frá 15. september næstkomandi.

Á vef Þjóðkirkjunnar segir að umsækjendurnir séu séra Davíð Þór Jónsson, cand.theol. Inga Harðardóttir og séra Stefán Már Gunnlaugsson.

„Frestur til að sækja um embættið rann út 8. ágúst sl. Kjörnefnd prestakallsins er skipuð þrettán einstaklingum og leiðir prófastur störf nefndarinnar. Biskup Íslands skipar í embættið í samræmi við niðurstöðu kosningar kjörnefndarinnar,“ segir í fréttinni.

Séra Kristín Þórunn Tómasdóttir hefur gegnt embætti sóknarprests prestakallsins að undanförnu.