Bush feðgar halda sig frá kosningabaráttunni

Feðgarnir George Bush og Georg W. Bush yngri ætla ekki að taka þátt í kosningabráttu Repúblikanaflokksins fyrir forsetakosningar í Bandaríkjunum í nóvember. Feðgarnir eru einu fyrrverandi forsetar Repúblikana sem enn eru á lífi. The Guardian greinir frá þessu en í yfirlýsingum sem bárust frá talsmönnum þeirra í gærkvöld segir að Bush eldri sé orðinn níutíu og eins árs og að hann hafi sagt skilið við stjórnmálin. Feðgarnir voru áberandi í baráttu Jeb Bush, yngri bróður George Bush yngri, fyrir útnefningu Repúblikanaflokksins.

Það að tveir fyrrverandi forsetar Repúblikana vilji ekki lýsa yfir stuðningi við forsetaefni flokksins þykir sæta nokkrum tíðindum en hinn umdeildi Donald Trump er væntanlegt forsetaefni flokksins.