Kvöldfréttir Stöðvar 2 í beinni

Í kvöldfréttum Stöðvar 2 verður fjallað um titring innan Framsóknarflokksins eftir að upplýst var um viðskipta framkvæmdastjóra flokksins í gegnum aflandsfélög í skattaskjólum. Forsætisráðherra vill ekki svara því hvort hann telji rétt að framkvæmdastjórinn láti af störfum. Í fréttatímanum verðum við með frekari viðbrögð frá þingmönnum. Þá verður rætt við formann Öryrkjabandalagsins sem telur að greiðsluþátttaka öryrkja í heilbrigðiskerfinu verði of mikil samkvæmt frumvarpi heilbrigðisráðherra.

Einnig verður fjallað um djúpborun á Reykjanesi, vafasamar mengunarvarnir dísilbíla og kjarnorkuslysið hræðilega í Tsjernobyl sem átti sér stað á þessum degi fyrir þremur áratugum. Þetta og meira til í kvöldfréttum Stöðvar 2, klukkan 18:30 á samtengdum rásum Stöðvar 2 og Bylgjunnar og í beinni útsendingu á fréttavefnum Vísi.