Atvinnuleysi 3,8 prósent í mars

Atvinnuleysi mældist 3,8 prósent í mars síðastliðnum samkvæmt Vinnumarkaðsrannsókn Hagstofu Íslands. Samanburður mælinga fyrir mars 2015 og 2016 sýnir að atvinnuþátttaka minnkaði lítillega eða um 0,2 prósentustig.

Samkvæmt Vinnumarkaðsrannsókninni voru að jafnaði 191.000 manns á aldrinum 16-74 ára á vinnumarkaði í mars síðastliðnum en það jafngildir 81,8 prósent atvinnuþátttöku. Af þeim voru 188.8000 starfandi og 7.200 án vinnu og í atvinnuleit.

Hlutfall starfandi af mannfjölda var þannig 78,7% og hlutfall atvinnulausra af vinnuafli var eins og áður segir 3,8%. Fjöldi starfa jókst um 1.400 en hlutfallið af mannfjölda stóð hins vegar í stað. Atvinnulausum fækkaði þannig um 500 manns og hlutfall þeirra af vinnuaflinu lækkaði um 0,3 stig.

Nánar má lesa um þetta á vef Hagstofunnar.