Umfjöllun, viðtöl og myndir: Haukar - Valur 23-22 | Haukar styrktu stöðu sína á toppnum Guðmundur Marinó Ingvarsson í Schenker-höllinni skrifar 29. mars 2016 13:30 Haukar lögðu Val 23-22 í þriðju síðustu umferð Olís deildar kvenna á heimavelli í kvöld. Haukar voru 11-9 yfir í hálfleik.Ernir Eyjólfsson, ljósmyndari Vísis og Fréttablaðsins, var á leiknum og tók þessar myndir hér fyrir ofan. Leikurinn var jafn, spennandi og sveiflukenndur allt frá byrjun til loka. Liðin skiptust á að leiða og eiga góða kafla þó leikurinn fari ekki sögubækurnar yfir bestu leiki vetrarins. Gríðarlega mikið var undir og var þetta leikur sem bæði lið þurftu að vinna og það útskýrir kannski hve hægur hann var á köflum og að varnir liðanna hafi verið í aðalhlutverki. Haukar byrjuðu betur og náðu þriggja marka forystu snemma leiks en Valur náði frumkvæðinu um miðbik fyrir hálfleiks sem Haukar hirtu til baka og voru tveimur mörkum yfir í hálfleik. Haukar náðu snemma fjögurra marka forystu í seinni hálfleik sem var mesti munurinn á liðunum en aftur vann Valur það fljótt upp skiptust liðin á frumkvæðinu allt þar til í lokin. Valur fékk kjörið tækifæri til að jafna metin í lokasókninni. Fyrst varði Elín Jóna Þorsteinsdóttir en Valur náði frákastinu og fékk réttilega dæmt víti. Reynsluboltinn Kristín Guðmundsdóttir sem hafði nýtt bæði vítin sín fyrr í leiknum skaut framhjá úr vítakastinu og fyrir vikið fögnuðu Haukar sigri. Kristín hefur oft leikið betur en í kvöld og átti hún í miklum vandræðum með skotin sín í leiknum. Bryndís Elín Wöhler, Sigurlaug Rúnarsdóttir og Morgan Marie Þorkelsdóttir stigu allar upp sóknarlega fyrir Val en vörn liðsins var mjög góð í leiknum þar sem liðið breytti reglulega til. Valur tók oft einn úr umferð, fór svo í að taka tvo á milli þess sem liðið féll til baka í 6-0 vörn. Þetta riðlaði oft sóknarleik Hauka en varnarleikur liðsins var lengst af mjög góður. Maria Ines átti þó frábæran leik fyrir Hauka og Ramune Pekarskyte skilaði sínu að vanda. Með sigrinum eru Haukar enn í bílstjórasætinu í baráttunni um deildarmeistaratitilinn. Liðið er nú með 42 stig en næsti leikur liðsins er í Vestmannaeyjum. Vinni liðið tvo síðustu leiki sína verður liðið deildarmeistari. Valur er með 36 stig og í miðri fjögurra liða baráttu um sæti þrjú til sex þar sem allt getur gerst. Karen: Megum ekki tapa leik „Þetta gat ekki verið tæpara en var ógeðslega sætt,“ sagði Karen Helga Díönudóttir leikstjórnandi Hauka eftir sigurinn á Val í kvöld. Valur fékk vítakast sem dæmt var á Karenu þegar leiktíminn rann út og viðurkenndi Karen að dómararnir dæmdu rétt. „Ég fékk vítið á mig. Ég var að koma út úr teignum. Þetta var hárrétt. „Mér fannst við vera með leikinn allan tímann en við klúðrum þessu á smá tímapunkti.“ Karen vildi ekki meina að Haukar hafi gert sig seka um værukærð þegar liðið náði fjögurra marka forystu í seinni hálfleik, forystu sem liðið missti fljótt niður. „Valur er topplið og með mikla reynslu. Við gáfum kannski smá eftir en þær gefast aldrei upp. „Stigin voru gríðarlega mikilvæg. Við megum ekki tapa leik ef við ætlum að klára þetta,“ sagði Karen en Haukar mæta ÍBV í Eyjum í næstu umferð. „Við ætlum ekki að hafa þetta eins í Eyjum. Ef við spilum toppleik þar eigum við að klára það.“Alfreð: Heilt yfir mjög ánægður með leikinn „Við vorum í góðum stöðum í seinni hálfleik og það var ekki endilega bara þetta víti sem fór með þetta,“ sagði Alfreð Örn Finnsson þjálfari Vals. „Mér fannst við spila þennan leik mjög vel. Það sem við lögðum upp með gekk ágætlega. Við ákváðum að breyta varnarleiknum. Taka eina, taka tvær og þetta og hitt. Við unnum stundum þrjá bolta í röð og svo er ljóst að þær eru með gríðarlega sterk vopn. „Það eru ótrúlega grátleg augnablik í leiknum þar sem vantaði herslumuninn. Sóknarlega fannst mér við um miðbik seinni hálfleik spila frábærlega. Heilt yfir er ég mjög ánægður með leikinn. „Það var ekki mikið af mörkum skoruð í leiknum. Þetta var mikill varnarleikur. Haukarnir fannst mér skynsamari. Þær spiluðu lengri sóknir og voru þolinmóðari og komust upp með það. Það skilur að fannst mér strax eftir leikinn,“ sagði Alfreð. Valur má ekki misstíga sig í tveimur síðustu umferðunum, annars gæti liðið fallið alla leið niður í sjötta sætið úr því þriðja. „Eftir góðan vetur getum við enn endað í sjötta sæti. Það hefði verið frábært að taka stig eða tvö hér í kvöld en við erum núna í þeirri stöðu að við verðum að klára þessa tvo leiki sem eftir eru áður en úrslitakeppnin kemur. Við þurfum að koma okkur í kjörstöðu fyrir það,“ sagði Alfreð. Alfreð hefur ekki áhyggjur af Kristínu Guðmundsdóttur sem klúðraði vítinu í lokin á leiknum. „Kristín er reyndasti leikmaður deildarinnar. Hún hefur bæði skorað og klikkað úr þúsund svona skotum áður. Hún er karakter sem tekur ábyrgð fyrir okkur bæði í mótlæti og meðbyr.“Haukakonan María Karlsdóttir brýst í gegnum Valsvörnina í kvöld. Vísir/ErnirAlfreð Örn Finnsson.Vísir/ErnirKaren Helga Díönudóttir leikstjórnandi Hauka.Vísir/Ernir Olís-deild kvenna Mest lesið Aðalsteinsdóttir nafnið á nýrri æfingu Sport Reiður Einar hellti sér yfir eftirlitsdómarana Handbolti Metamfetamín fannst í báðum sýnum markmannsins Handbolti Kalla eftir því að brjóstahaldararnir séu teknir alvarlega Sport Fékk hrós frá Klopp: Vingjarnlegasti maður sem ég hef hitt Enski boltinn Di María ákveðinn að snúa ekki aftur heim eftir morðhótanir Fótbolti „Of mörg tilfelli sem hafa komið upp“ Körfubolti „Eru að gefa fólki pening sem á þegar pening“ Sport Rúnar Már fann neistann Íslenski boltinn Mikil spenna fyrir Bakgarðshlaupinu um helgina Sport Fleiri fréttir Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Sjá meira
Haukar lögðu Val 23-22 í þriðju síðustu umferð Olís deildar kvenna á heimavelli í kvöld. Haukar voru 11-9 yfir í hálfleik.Ernir Eyjólfsson, ljósmyndari Vísis og Fréttablaðsins, var á leiknum og tók þessar myndir hér fyrir ofan. Leikurinn var jafn, spennandi og sveiflukenndur allt frá byrjun til loka. Liðin skiptust á að leiða og eiga góða kafla þó leikurinn fari ekki sögubækurnar yfir bestu leiki vetrarins. Gríðarlega mikið var undir og var þetta leikur sem bæði lið þurftu að vinna og það útskýrir kannski hve hægur hann var á köflum og að varnir liðanna hafi verið í aðalhlutverki. Haukar byrjuðu betur og náðu þriggja marka forystu snemma leiks en Valur náði frumkvæðinu um miðbik fyrir hálfleiks sem Haukar hirtu til baka og voru tveimur mörkum yfir í hálfleik. Haukar náðu snemma fjögurra marka forystu í seinni hálfleik sem var mesti munurinn á liðunum en aftur vann Valur það fljótt upp skiptust liðin á frumkvæðinu allt þar til í lokin. Valur fékk kjörið tækifæri til að jafna metin í lokasókninni. Fyrst varði Elín Jóna Þorsteinsdóttir en Valur náði frákastinu og fékk réttilega dæmt víti. Reynsluboltinn Kristín Guðmundsdóttir sem hafði nýtt bæði vítin sín fyrr í leiknum skaut framhjá úr vítakastinu og fyrir vikið fögnuðu Haukar sigri. Kristín hefur oft leikið betur en í kvöld og átti hún í miklum vandræðum með skotin sín í leiknum. Bryndís Elín Wöhler, Sigurlaug Rúnarsdóttir og Morgan Marie Þorkelsdóttir stigu allar upp sóknarlega fyrir Val en vörn liðsins var mjög góð í leiknum þar sem liðið breytti reglulega til. Valur tók oft einn úr umferð, fór svo í að taka tvo á milli þess sem liðið féll til baka í 6-0 vörn. Þetta riðlaði oft sóknarleik Hauka en varnarleikur liðsins var lengst af mjög góður. Maria Ines átti þó frábæran leik fyrir Hauka og Ramune Pekarskyte skilaði sínu að vanda. Með sigrinum eru Haukar enn í bílstjórasætinu í baráttunni um deildarmeistaratitilinn. Liðið er nú með 42 stig en næsti leikur liðsins er í Vestmannaeyjum. Vinni liðið tvo síðustu leiki sína verður liðið deildarmeistari. Valur er með 36 stig og í miðri fjögurra liða baráttu um sæti þrjú til sex þar sem allt getur gerst. Karen: Megum ekki tapa leik „Þetta gat ekki verið tæpara en var ógeðslega sætt,“ sagði Karen Helga Díönudóttir leikstjórnandi Hauka eftir sigurinn á Val í kvöld. Valur fékk vítakast sem dæmt var á Karenu þegar leiktíminn rann út og viðurkenndi Karen að dómararnir dæmdu rétt. „Ég fékk vítið á mig. Ég var að koma út úr teignum. Þetta var hárrétt. „Mér fannst við vera með leikinn allan tímann en við klúðrum þessu á smá tímapunkti.“ Karen vildi ekki meina að Haukar hafi gert sig seka um værukærð þegar liðið náði fjögurra marka forystu í seinni hálfleik, forystu sem liðið missti fljótt niður. „Valur er topplið og með mikla reynslu. Við gáfum kannski smá eftir en þær gefast aldrei upp. „Stigin voru gríðarlega mikilvæg. Við megum ekki tapa leik ef við ætlum að klára þetta,“ sagði Karen en Haukar mæta ÍBV í Eyjum í næstu umferð. „Við ætlum ekki að hafa þetta eins í Eyjum. Ef við spilum toppleik þar eigum við að klára það.“Alfreð: Heilt yfir mjög ánægður með leikinn „Við vorum í góðum stöðum í seinni hálfleik og það var ekki endilega bara þetta víti sem fór með þetta,“ sagði Alfreð Örn Finnsson þjálfari Vals. „Mér fannst við spila þennan leik mjög vel. Það sem við lögðum upp með gekk ágætlega. Við ákváðum að breyta varnarleiknum. Taka eina, taka tvær og þetta og hitt. Við unnum stundum þrjá bolta í röð og svo er ljóst að þær eru með gríðarlega sterk vopn. „Það eru ótrúlega grátleg augnablik í leiknum þar sem vantaði herslumuninn. Sóknarlega fannst mér við um miðbik seinni hálfleik spila frábærlega. Heilt yfir er ég mjög ánægður með leikinn. „Það var ekki mikið af mörkum skoruð í leiknum. Þetta var mikill varnarleikur. Haukarnir fannst mér skynsamari. Þær spiluðu lengri sóknir og voru þolinmóðari og komust upp með það. Það skilur að fannst mér strax eftir leikinn,“ sagði Alfreð. Valur má ekki misstíga sig í tveimur síðustu umferðunum, annars gæti liðið fallið alla leið niður í sjötta sætið úr því þriðja. „Eftir góðan vetur getum við enn endað í sjötta sæti. Það hefði verið frábært að taka stig eða tvö hér í kvöld en við erum núna í þeirri stöðu að við verðum að klára þessa tvo leiki sem eftir eru áður en úrslitakeppnin kemur. Við þurfum að koma okkur í kjörstöðu fyrir það,“ sagði Alfreð. Alfreð hefur ekki áhyggjur af Kristínu Guðmundsdóttur sem klúðraði vítinu í lokin á leiknum. „Kristín er reyndasti leikmaður deildarinnar. Hún hefur bæði skorað og klikkað úr þúsund svona skotum áður. Hún er karakter sem tekur ábyrgð fyrir okkur bæði í mótlæti og meðbyr.“Haukakonan María Karlsdóttir brýst í gegnum Valsvörnina í kvöld. Vísir/ErnirAlfreð Örn Finnsson.Vísir/ErnirKaren Helga Díönudóttir leikstjórnandi Hauka.Vísir/Ernir
Olís-deild kvenna Mest lesið Aðalsteinsdóttir nafnið á nýrri æfingu Sport Reiður Einar hellti sér yfir eftirlitsdómarana Handbolti Metamfetamín fannst í báðum sýnum markmannsins Handbolti Kalla eftir því að brjóstahaldararnir séu teknir alvarlega Sport Fékk hrós frá Klopp: Vingjarnlegasti maður sem ég hef hitt Enski boltinn Di María ákveðinn að snúa ekki aftur heim eftir morðhótanir Fótbolti „Of mörg tilfelli sem hafa komið upp“ Körfubolti „Eru að gefa fólki pening sem á þegar pening“ Sport Rúnar Már fann neistann Íslenski boltinn Mikil spenna fyrir Bakgarðshlaupinu um helgina Sport Fleiri fréttir Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Sjá meira