Glamour

Konur á barmi taugaáfalls

Ritstjórn skrifar
Glamour

Íslenski fatahönnuðurinn Anita Hirlekar sendi frá sér nýtt myndband í gær, sem sýnir vor og sumarlínu hennar fyrir árið 2016. Anita útskrifaðist í fyrra frá London Collage of Fashion í London, og var meðal annars valin í „Ones to watch“ af Fashion Scouts London, og sýndi meðal annars á tískuvikunni þar í fyrra.

Innblásturinn að myndbandinum er kominn frá kvikmynd Pedro Almodóvar´Women on the Edge of a nervous breakdown'.

Listræn stjórnun og leikstjórn í höndum Auðar Ómarsdóttur og um myndatöku og klippingu sá Anni Ólafsdóttir, báðar hjá Algera studio. 

Í myndbandinu sjást dansararnir Heba Eir Kjeld og Anna Kolfinna Kuran, ásamt fyrirsætunum Matthildi Matthíasdóttur og Kolfinnu Kristófersdóttur ganga og dansa um í fatnaði frá Anitu.

Tónlistina í myndbandinu gerði Siggi Sigtryggs, sem er einnig kærasti Anitu og um hár og förðun sá Beauty Director Glamour, Adda Soffía Ingvarsdóttir. Á meðan tökunum stóð myndaði Saga Sig lookbook fyrir línuna. 

Myndbandið má sjá hér fyrir neðan.


Tengdar fréttir

Með sína eigin tískusýningu á London Fashion Week

Aníta Hirlekar útskrifaðist í fyrra úr virtasta tískuháskóla í heimi með mastersgráðu í fatahönnun. Hún fékk styrk til þess að setja upp sína eigin tískusýningu sem fer fram næsta föstudag í London.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.