Landsbréf fjármagnað nýjan 12 milljarða framtakssjóð

Landsbréf, dótturfélag Landsbankans hefur lokið fjármögnun á nýjum 12 milljarða framtakssjóði, sem ber nafnið Horn III. Hluthafar eru rúmlega 30 talsins og samanstanda af lífeyrissjóðum, fjármálafyrirtækjum og öðrum fagfjárfestum samkvæmt tilkynningu frá Landsbréfum.

Horn mun III fjárfesta í óskráðum íslenskum fyrirtækjum þar sem leggja á áherslu á fyrirtæki með trausta og góða rekstrarsögu að því er segir á vef Landsbréfa. „Í krafti stærðar sinnar hefur Horn III alla burði til að vera öflugur fjárfestir á sviði framtaksfjárfestinga hér á landi á næstu árum,“ segir á vefnum.

Framkvæmdastjórar Horns III eru Hermann Már Þórisson og Steinar Helgason en þeir eru jafnframt framkvæmdastjórar Horns II sem einnig er framtakssjóður í stýringu Landsbréfa hf. Horn II á meðal annars stóran hlut í Bláa lóninu og Fáfni Offshore.

Eignir í stýringu Landsbréfa voru um síðustu áramót 129 milljarðar og eru um 13 þúsund einstaklingar og lögaðilar með fjármuni í stýringu Landsbréfa.