Nýr sviðsstjóri á Skatta- og lögfræðisviði Deloitte

Páll Jóhannesson er nýr sviðsstjóri á Skatta- og lögfræðisviði Deloitte. Hann tók við stöðunni þann 1. febrúar af Völu Valtýsdóttur, sem hefur sinnt stöðu sviðsstjóra undanfarin 10 ár. Páll mun jafnframt verða einn af meðeigendum Deloitte.

Páll Jóhannesson hefur undanfarin 7 ár starfað hjá Nordik lögfræðiþjónustu en hann var einn af stofnendum lögmannsstofunnar. Hann hefur einnig sinnt stundakennslu við lagadeild Háskólans í Reykjavík. Á árunum 2002-2007 starfaði Páll hjá Deloitte, þar af sem forstöðumaður Skatta- og lögfræðisviðs frá árinu 2006.