Haute Couture sýning Chanel fór fram í Grand Palais í París í morgun. Chanel er þekkt fyrir að hafa óvenjulega tískupalla sem líkjast meira leiksviði en hefðbundnum sýningarpalli.

Í þetta sinn var engin undantekning. Fyrirsæturnar birtust í stílhreinu, stóru húsi úr við og allt í kring um pallinn var gras sem gaf sviðinu kínverskan-botnic fíling.

Litapallettan einkenndist af jarðarlitum; beige, brúnum, rjómagulum og ljósbleikum í bland við dökkbláan, hvítan og svartan.

Margir kjólanna minntu á búninga úr Star Wars; skykkjur, mittisbönd og stórar ermar. Hárið á fyrirsætunum var í anda Leiu prinsessu og förðunin, sem var í höndum Tom Pecheux, einkenndist af svörtum grafískum eyeliner. 

Inn á milli mátti svo finna hina klassísku Chanel tweed dragt í mismunandi útfærslum.