Átta-liða úrslitum Coca-Cola bikars kvenna í handbolta lauk í gær þegar Grótta bar sigurorð af Selfossi á útivelli, 22-26.
Gróttukonur eiga því enn möguleika á að verja bikarmeistaratitilinn sem liðið vann í fyrsta sinn í fyrra.
Grótta er einnig komið í undanúrslitin karlamegin en Seltirningar tryggðu sér sæti í Höllinni með öruggum sigri á Fjölni á mánudaginn, 18-29.
Grótta er þó ekki eina félagið sem á bæði karla- og kvennalið í undanúrslitum bikarkeppninnar í ár því Haukar og Stjarnan eiga einnig lið báðum megin.
Haukar eru nú að ná þeim frábæra árangri að vera með bæði karla- og kvennalið sitt á bikarúrslitahelginni þriðja árið í röð.
Það verður því nóg að gera hjá stuðningsmönnum þessara félaga 25. og 26. þessa mánaðar þegar undanúrslitin fara fram í Laugardalshöll. Úrslitaleikirnir eru svo 27. febrúar.
Þessi lið eru komin í undanúrslit kvennamegin:
Grótta
Stjarnan
Haukar
Fylkir
Þessi lið eru komin í undanúrslit karlamegin:
Haukar
Valur
Grótta
Stjarnan
Félög með bæði karla og kvennalið á bikarúrslitahelgi í Laugardalshöllinni
(Frá því að undanúrslitin fóru fyrst í Höllina árið 2013)
2016 - 3 (Haukar, Stjarnan, Grótta)
2015 - 3 (Valur, ÍBV, Haukar)
2014 - 1 (Haukar)
2013 - 0 (-)
Þrjú félög eiga bæði karla- og kvennalið í Höllinni
Ingvi Þór Sæmundsson skrifar

Mest lesið

Sjáðu slagsmálin eftir jöfnunarmark Blika
Íslenski boltinn




Halldór: Sundur spiluðum Fram
Fótbolti



Uppgjörið: Valur-KR 6-1 | Valsmenn rassskelltu KR-inga
Íslenski boltinn


Uppgjörið: Breiðablik - Fram 1-1 | Dramatík í Kópavogi
Íslenski boltinn