Svanhildur Nanna býður sig fram í stjórn Icelandair Group

Öll núverandi stjórn Icelandair Group býður sig fram til áframhaldandi setu í stjórn félagsins auk Svanhildar Nönnu Vigfúsdóttur, athafnakonu.

Í stjórn Icelandair Group sitja nú Sigurður Helgason, stjórnarformaður, Úlfar Steindórsson, Ásthildur Margrét Otharsdóttir, Katrín Olga Jóhannesdóttir og Magnús Magnússon.

Aðalfundur félagsins fer fram á Nordica-hótelinu þann 10. mars næstkomandi klukkan 16.30 og er nú ljóst að kjósa þarf á milli þessara sex sem boðið hafa sig fram í stjórnina en hana skipa fimm manns.