Umfjöllun, viðtöl og myndir: Haukar - Snæfell 59-67 | Snæfell meistari þriðja árið í röð Stefán Árni Pálsson í Schenker-höllinni skrifar 26. apríl 2016 22:00 Íslandsmeistarar Snæfells. vísir/ernir Snæfell varð í kvöld Íslandsmeistari þriðja árið í röð eftir átta stiga sigur, 67-59, á Haukum í oddaleik á Ásvöllum í kvöld.Ernir Eyjólfsson, ljósmyndari Fréttablaðsins og Vísis, var á vellinum og tók meðfylgjandi myndir. Það var rafmögnuð stemning í húsinu þegar leikurinn hófst og mætingin alveg hreint frábær. Leikmenn liðanna voru greinilega mjög stressaðir en eftir um þriggja mínútna leik var staðan 1-0 fyrir Snæfell og hvert skotið á fætur öðru farið forgörðum. Stuttu eftir það fóru skotin að detta og jafnt var á öllum tölum næstu mínútur. Þegar fyrsta leikhluta var lokið var staðan 18-15 fyrir Snæfell og Haiden Denise Palmer með tíu stig í liði gestanna. Það var mikið stress í leikmönnum beggja liða í fyrri hálfleiknum og mátti sjá mörg mistök inni á vellinum. Snæfellingar voru aftur á móti að spila frábæra vörn og Haukar voru oft á tíðum í vandræðum sóknarlega. Þegar fimm mínútur voru eftir af fyrri hálfleiknum var staðan 22-17 fyrir Snæfell. Þegar leið á annan leikhluta fór Bryndís Guðmundsdóttir í mikinn ham og setti niður átta stig í röð fyrir gestina úr Hólminum og breytti stöðunni í 27-19. Góður varnarleikur og mikil áræðni skilaði Snæfellingum tíu stiga forystu í hálfleik, 31-21. Haukar brenndu af sjö þriggja stiga skotum í röð á tímapunkti í fyrri hálfleiknum og var liðið einfaldlega ekki að finna sig. Haukarnir byrjuðu frábærlega í síðari hálfleiknum og gerðu fyrstu fimm stig hálfleiksins og breyttu strax stöðunni í 31-26. Snæfellingar voru ekki á þeim buxunum að hleypa þeim inn í leikinn og héldu heimamönnum alltaf þægilega langt frá sér í í þriðja leikhlutanum. Frábær varnarleikur liðsins hélt áfram og var staðan 41-31 fyrir Snæfell. Snæfell var betra liðið til að byrja með í fjórða leikhlutanum og héldu Haukastúlkum enn þægilega frá sér. Þegar sjö mínútur voru eftir af leiknum var staðan 47-39 og Helena Sverrisdóttir, leikmaður Hauka, hafði þá gert níu stig. Þegar 90 sekúndur voru eftir af leiknum munaði aðeins fimm stigum, 57-52. Snæfellingar voru einfaldlega mikið mun sterkari í þessum leik og vildu titilinn mun meira. Þegar útlitið var orðið svart fyrir Hauka kláraðist leikurinn á vítalínunni og Snæfellingar stóðu sig vel þar. Leiknum lauk með sigri Snæfells, 67-59, og eru þær Íslandsmeistarar árið 2016 eftir 3-2 sigur í einvígi liðanna.Haukar-Snæfell 59-67 (15-18, 6-13, 12-10, 26-26)Haukar: Helena Sverrisdóttir 26/17 fráköst, Jóhanna Björk Sveinsdóttir 10/7 fráköst/3 varin skot, Sylvía Rún Hálfdanardóttir 8/5 fráköst/3 varin skot, Pálína María Gunnlaugsdóttir 5/8 fráköst, Auður Íris Ólafsdóttir 5, Sólrún Inga Gísladóttir 3, Dýrfinna Arnardóttir 2, Shanna Dacanay 0, Hanna Þráinsdóttir 0, María Lind Sigurðardóttir 0/4 fráköst, Þóra Kristín Jónsdóttir 0, Rósa Björk Pétursdóttir 0.Snæfell: Haiden Denise Palmer 21/12 fráköst, Gunnhildur Gunnarsdóttir 14/9 fráköst, Bryndís Guðmundsdóttir 12, Berglind Gunnarsdóttir 11/4 fráköst, Alda Leif Jónsdóttir 3/3 varin skot, Andrea Björt Ólafsdóttir 2, María Björnsdóttir 2, Hugrún Eva Valdimarsdóttir 2, Erna Hákonardóttir 0, Helga Hjördís Björgvinsdóttir 0, Rebekka Rán Karlsdóttir 0, Sara Diljá Sigurðardóttir 0/5 fráköst.Pálína: Allt saman fullorðið fólk sem ætti í raun að skammast sín „Þær mættu bara tilbúnar og við höfðum enginn svör við þeirra varnarleik og þær voru betur undirbúnar,“ segir Pálína Gunnlaugsdóttir, leikmaður Hauka, eftir leikinn. „Það var mikið stress í byrjun og það má búast við því í svona stórleik. Við vorum alltof lengi í gang en náðum smá áhlaupi í fjórða leikhlutanum.“ Pálína segir að Snæfellingar eigi þennan sigur skilið og Ingi Þór sé frábær þjálfari. Það var aftur á móti eitt sem fór mjög í taugarnar á Pálínu. „Stúkan hjá Snæfellingum er mjög dónaleg og manni finnst leiðinlegt að hlusta á þá. Þetta er fullorðið fólk og það lætur út úr sér mjög dónaleg orð. Ég er með sex ára dóttur mína með mér hér og það er ekki gaman fyrir hana að heyra svona hluti um mömmu sína. Þetta er bara asnalegt og allt saman fullorðið fólk sem ætti í raun að skammast sín.“Ingvar: Þetta var allt stöngin út hjá okkur „Mér fannst við bara vera dálítið stöngin út,“ segir Ingvar Þór Guðjónsson, þjálfari Hauka, eftir tapið í kvöld. „Það voru bara stórar körfur að detta fyrir þær undir lokin. Við erum búnar að hitta illa í þessari seríu og kann ekki almennilega skýringu á því.“ Ingvar segir að tímabilið sé kannski ekki vonbrigði en liðið hafi vissulega ætlað sér að vinna alla þá titla sem í boði voru. „Stelpurnar eiga eftir að læra af þessu og koma enn sterkari til baka á næsta tímabili.“Berglind: Elska að spila fyrir þennan klúbb „Þetta er svo góð tilfinning að það er ekki hægt að lýsa því,“ segir Berglind Gunnarsdóttir, sem gerði 11 stig í kvöld. „Þriðja árið í röð gerir þetta enn sætara. Það sést bara að við erum að vinna fáránlega gott starf heima í Hólmi og sérstaklega kvennamegin. „Okkur hefur gengið mjög vel undanfarin ár og það sést bara á því að allir Hólmarar eru mættir í stúkuna. Það skiptir svo miklu máli og ég elska að spila fyrir þennan klúbb.“Alda Leif með tárin í augnum: Við gerðum þetta bara saman „Ég veit eiginlega ekki hvernig ég á að vera,“ segir Alda Leif Jónsdóttir, reynsluboltinn í liði Snæfells. „Ég ætlaði að hætta í fyrra en álpaðist inn á æfingar aftur og bara byrjaði aftur og sé ekki eftir því núna.“ Alda segir að áhorfendurnir frá Stykkishólmi séu bestu áhorfendur á Íslandi. „Okkur langaði bara að vinna þennan leik og spiluðu frábæra vörn og bara gerðum þetta saman.“vísir/stefánGunnhildur: Allur Hólmurinn stendur við bakið á okkur „Mér líður alveg rosalega vel, þetta er bara geggjuð tilfinning og við vitum vel hvernig er að vera Íslandsmeistarar ,“ segir Gunnhildur Gunnarsdóttir, leikmaður Snæfells. „Við erum bikarmeistarar líka og tvöfalt í ár er bara frábært. Við höfðum bara alltaf trú á verkefnið allt tímabilið og svo erum við með gott fólk í kringum okkur.“ Gunnhildur segir að stuðningsmennirnir hafi verið magnaðir í allan vetur. „Þeir sem eru ekki hér, eru heima að horfa og það eru allir í Hólminum á bakvið okkur.“Tweets by @Visirkarfa1 vísir/ernirPálína sækir að körfu Snæfells.vísir/ernirBerglind skoraði 11 stig í kvöld.vísir/ernirGunnhildur átti fínan leik í kvöld.vísir/ernirIngvar ræðir við sína leikmenn.vísir/ernir Dominos-deild kvenna Mest lesið Bönnuðu henni að eiga kærasta Sport KA-menn kölluðu eftir hjálp sálfræðings Íslenski boltinn Nýkominn til baka eftir sjö mánaða bann en er samt í EM-æfingahóp Fótbolti „Þeir bara börðu okkur út úr þessu“ Körfubolti Uppgjör og viðtöl: Valur - Grindavík 80-62 | Sannfærandi sigur Valsmanna Körfubolti „Ég bara spila minn leik og tek því sem vörnin gefur mér“ Körfubolti Littler vann úrvalsdeildina í pílu í kvöld Sport Jökull nýr framkæmdastjóri Rafíþróttasambands Íslands Rafíþróttir Utan vallar: Landsliðsþjálfarinn sem nennir ekki að koma til Íslands Fótbolti Ísak og félagar með annan fótinn í deild þeirra bestu Fótbolti Fleiri fréttir „Þeir bara börðu okkur út úr þessu“ „Ég bara spila minn leik og tek því sem vörnin gefur mér“ Kunnuglegir kappar í liði ársins í NBA og gott fyrir budduna hjá sumum Íslenskur körfubolti áfram á Stöð 2 Sport næstu árin Uppgjör og viðtöl: Valur - Grindavík 80-62 | Sannfærandi sigur Valsmanna Geks áfram með Stólunum: Frábær skotmaður og frábær náungi Óhræddur við Kane: „Ég er ekki mikið fyrir að tala yfir mig“ Heimildarmynd um Tryggva Hlinason sýnd á Stöð 2 Sport 2 í kvöld „Langaði að klára þetta og svo ákveða hvað ég geri næst“ Skilur ekki fullorðið fólk sem rífur Caitlin Clark niður Dallas leiðir eftir stórleik Luka og Kyrie LaMelo kærður fyrir að keyra á ungan dreng Íslandsmeistarinn Sverrir Þór hættur með Keflavík Myndasyrpa: Keflavík Íslandsmeistari 2024 „Geggjað að vera komin aftur og ná að taka þetta“ „Þá fóru að læðast inn hugsanir sem ég var að reyna að halda í burtu“ Uppgjör, viðtöl og myndir: Keflavík-Njarðvík 72-56 | Keflavík Íslandsmeistari 2024 Titill undir og spennan mikil Celtics unnu fyrsta leik í framlengingu Hlaðvarpsvinur LeBron líklegastur til að taka við Lakers Jamil mun stýra Val í Subway-deild kvenna á næstu leiktíð Martin og félagar tóku sópinn með sér Kane aðeins fjórum stigum frá mögnuðu meti Rondey Robinson Meiðsli settu strik í reikninginn og biðin eftir fyrsta sigrinum lengist Wembanyama fylgir í fótspor goðsagna „Mér finnst ég vera besti leikmaðurinn á Íslandi“ „Eins og Svali segir: Móðir allra íþrótta“ „Spilum eins og það sé enginn morgundagur“ Uppgjör, viðtöl og myndir: Grindavík-Valur 93-89 | Gulir jöfnuðu metin Spilaði á móti Caitlin Clark og Paige Bueckers í háskóla Sjá meira
Snæfell varð í kvöld Íslandsmeistari þriðja árið í röð eftir átta stiga sigur, 67-59, á Haukum í oddaleik á Ásvöllum í kvöld.Ernir Eyjólfsson, ljósmyndari Fréttablaðsins og Vísis, var á vellinum og tók meðfylgjandi myndir. Það var rafmögnuð stemning í húsinu þegar leikurinn hófst og mætingin alveg hreint frábær. Leikmenn liðanna voru greinilega mjög stressaðir en eftir um þriggja mínútna leik var staðan 1-0 fyrir Snæfell og hvert skotið á fætur öðru farið forgörðum. Stuttu eftir það fóru skotin að detta og jafnt var á öllum tölum næstu mínútur. Þegar fyrsta leikhluta var lokið var staðan 18-15 fyrir Snæfell og Haiden Denise Palmer með tíu stig í liði gestanna. Það var mikið stress í leikmönnum beggja liða í fyrri hálfleiknum og mátti sjá mörg mistök inni á vellinum. Snæfellingar voru aftur á móti að spila frábæra vörn og Haukar voru oft á tíðum í vandræðum sóknarlega. Þegar fimm mínútur voru eftir af fyrri hálfleiknum var staðan 22-17 fyrir Snæfell. Þegar leið á annan leikhluta fór Bryndís Guðmundsdóttir í mikinn ham og setti niður átta stig í röð fyrir gestina úr Hólminum og breytti stöðunni í 27-19. Góður varnarleikur og mikil áræðni skilaði Snæfellingum tíu stiga forystu í hálfleik, 31-21. Haukar brenndu af sjö þriggja stiga skotum í röð á tímapunkti í fyrri hálfleiknum og var liðið einfaldlega ekki að finna sig. Haukarnir byrjuðu frábærlega í síðari hálfleiknum og gerðu fyrstu fimm stig hálfleiksins og breyttu strax stöðunni í 31-26. Snæfellingar voru ekki á þeim buxunum að hleypa þeim inn í leikinn og héldu heimamönnum alltaf þægilega langt frá sér í í þriðja leikhlutanum. Frábær varnarleikur liðsins hélt áfram og var staðan 41-31 fyrir Snæfell. Snæfell var betra liðið til að byrja með í fjórða leikhlutanum og héldu Haukastúlkum enn þægilega frá sér. Þegar sjö mínútur voru eftir af leiknum var staðan 47-39 og Helena Sverrisdóttir, leikmaður Hauka, hafði þá gert níu stig. Þegar 90 sekúndur voru eftir af leiknum munaði aðeins fimm stigum, 57-52. Snæfellingar voru einfaldlega mikið mun sterkari í þessum leik og vildu titilinn mun meira. Þegar útlitið var orðið svart fyrir Hauka kláraðist leikurinn á vítalínunni og Snæfellingar stóðu sig vel þar. Leiknum lauk með sigri Snæfells, 67-59, og eru þær Íslandsmeistarar árið 2016 eftir 3-2 sigur í einvígi liðanna.Haukar-Snæfell 59-67 (15-18, 6-13, 12-10, 26-26)Haukar: Helena Sverrisdóttir 26/17 fráköst, Jóhanna Björk Sveinsdóttir 10/7 fráköst/3 varin skot, Sylvía Rún Hálfdanardóttir 8/5 fráköst/3 varin skot, Pálína María Gunnlaugsdóttir 5/8 fráköst, Auður Íris Ólafsdóttir 5, Sólrún Inga Gísladóttir 3, Dýrfinna Arnardóttir 2, Shanna Dacanay 0, Hanna Þráinsdóttir 0, María Lind Sigurðardóttir 0/4 fráköst, Þóra Kristín Jónsdóttir 0, Rósa Björk Pétursdóttir 0.Snæfell: Haiden Denise Palmer 21/12 fráköst, Gunnhildur Gunnarsdóttir 14/9 fráköst, Bryndís Guðmundsdóttir 12, Berglind Gunnarsdóttir 11/4 fráköst, Alda Leif Jónsdóttir 3/3 varin skot, Andrea Björt Ólafsdóttir 2, María Björnsdóttir 2, Hugrún Eva Valdimarsdóttir 2, Erna Hákonardóttir 0, Helga Hjördís Björgvinsdóttir 0, Rebekka Rán Karlsdóttir 0, Sara Diljá Sigurðardóttir 0/5 fráköst.Pálína: Allt saman fullorðið fólk sem ætti í raun að skammast sín „Þær mættu bara tilbúnar og við höfðum enginn svör við þeirra varnarleik og þær voru betur undirbúnar,“ segir Pálína Gunnlaugsdóttir, leikmaður Hauka, eftir leikinn. „Það var mikið stress í byrjun og það má búast við því í svona stórleik. Við vorum alltof lengi í gang en náðum smá áhlaupi í fjórða leikhlutanum.“ Pálína segir að Snæfellingar eigi þennan sigur skilið og Ingi Þór sé frábær þjálfari. Það var aftur á móti eitt sem fór mjög í taugarnar á Pálínu. „Stúkan hjá Snæfellingum er mjög dónaleg og manni finnst leiðinlegt að hlusta á þá. Þetta er fullorðið fólk og það lætur út úr sér mjög dónaleg orð. Ég er með sex ára dóttur mína með mér hér og það er ekki gaman fyrir hana að heyra svona hluti um mömmu sína. Þetta er bara asnalegt og allt saman fullorðið fólk sem ætti í raun að skammast sín.“Ingvar: Þetta var allt stöngin út hjá okkur „Mér fannst við bara vera dálítið stöngin út,“ segir Ingvar Þór Guðjónsson, þjálfari Hauka, eftir tapið í kvöld. „Það voru bara stórar körfur að detta fyrir þær undir lokin. Við erum búnar að hitta illa í þessari seríu og kann ekki almennilega skýringu á því.“ Ingvar segir að tímabilið sé kannski ekki vonbrigði en liðið hafi vissulega ætlað sér að vinna alla þá titla sem í boði voru. „Stelpurnar eiga eftir að læra af þessu og koma enn sterkari til baka á næsta tímabili.“Berglind: Elska að spila fyrir þennan klúbb „Þetta er svo góð tilfinning að það er ekki hægt að lýsa því,“ segir Berglind Gunnarsdóttir, sem gerði 11 stig í kvöld. „Þriðja árið í röð gerir þetta enn sætara. Það sést bara að við erum að vinna fáránlega gott starf heima í Hólmi og sérstaklega kvennamegin. „Okkur hefur gengið mjög vel undanfarin ár og það sést bara á því að allir Hólmarar eru mættir í stúkuna. Það skiptir svo miklu máli og ég elska að spila fyrir þennan klúbb.“Alda Leif með tárin í augnum: Við gerðum þetta bara saman „Ég veit eiginlega ekki hvernig ég á að vera,“ segir Alda Leif Jónsdóttir, reynsluboltinn í liði Snæfells. „Ég ætlaði að hætta í fyrra en álpaðist inn á æfingar aftur og bara byrjaði aftur og sé ekki eftir því núna.“ Alda segir að áhorfendurnir frá Stykkishólmi séu bestu áhorfendur á Íslandi. „Okkur langaði bara að vinna þennan leik og spiluðu frábæra vörn og bara gerðum þetta saman.“vísir/stefánGunnhildur: Allur Hólmurinn stendur við bakið á okkur „Mér líður alveg rosalega vel, þetta er bara geggjuð tilfinning og við vitum vel hvernig er að vera Íslandsmeistarar ,“ segir Gunnhildur Gunnarsdóttir, leikmaður Snæfells. „Við erum bikarmeistarar líka og tvöfalt í ár er bara frábært. Við höfðum bara alltaf trú á verkefnið allt tímabilið og svo erum við með gott fólk í kringum okkur.“ Gunnhildur segir að stuðningsmennirnir hafi verið magnaðir í allan vetur. „Þeir sem eru ekki hér, eru heima að horfa og það eru allir í Hólminum á bakvið okkur.“Tweets by @Visirkarfa1 vísir/ernirPálína sækir að körfu Snæfells.vísir/ernirBerglind skoraði 11 stig í kvöld.vísir/ernirGunnhildur átti fínan leik í kvöld.vísir/ernirIngvar ræðir við sína leikmenn.vísir/ernir
Dominos-deild kvenna Mest lesið Bönnuðu henni að eiga kærasta Sport KA-menn kölluðu eftir hjálp sálfræðings Íslenski boltinn Nýkominn til baka eftir sjö mánaða bann en er samt í EM-æfingahóp Fótbolti „Þeir bara börðu okkur út úr þessu“ Körfubolti Uppgjör og viðtöl: Valur - Grindavík 80-62 | Sannfærandi sigur Valsmanna Körfubolti „Ég bara spila minn leik og tek því sem vörnin gefur mér“ Körfubolti Littler vann úrvalsdeildina í pílu í kvöld Sport Jökull nýr framkæmdastjóri Rafíþróttasambands Íslands Rafíþróttir Utan vallar: Landsliðsþjálfarinn sem nennir ekki að koma til Íslands Fótbolti Ísak og félagar með annan fótinn í deild þeirra bestu Fótbolti Fleiri fréttir „Þeir bara börðu okkur út úr þessu“ „Ég bara spila minn leik og tek því sem vörnin gefur mér“ Kunnuglegir kappar í liði ársins í NBA og gott fyrir budduna hjá sumum Íslenskur körfubolti áfram á Stöð 2 Sport næstu árin Uppgjör og viðtöl: Valur - Grindavík 80-62 | Sannfærandi sigur Valsmanna Geks áfram með Stólunum: Frábær skotmaður og frábær náungi Óhræddur við Kane: „Ég er ekki mikið fyrir að tala yfir mig“ Heimildarmynd um Tryggva Hlinason sýnd á Stöð 2 Sport 2 í kvöld „Langaði að klára þetta og svo ákveða hvað ég geri næst“ Skilur ekki fullorðið fólk sem rífur Caitlin Clark niður Dallas leiðir eftir stórleik Luka og Kyrie LaMelo kærður fyrir að keyra á ungan dreng Íslandsmeistarinn Sverrir Þór hættur með Keflavík Myndasyrpa: Keflavík Íslandsmeistari 2024 „Geggjað að vera komin aftur og ná að taka þetta“ „Þá fóru að læðast inn hugsanir sem ég var að reyna að halda í burtu“ Uppgjör, viðtöl og myndir: Keflavík-Njarðvík 72-56 | Keflavík Íslandsmeistari 2024 Titill undir og spennan mikil Celtics unnu fyrsta leik í framlengingu Hlaðvarpsvinur LeBron líklegastur til að taka við Lakers Jamil mun stýra Val í Subway-deild kvenna á næstu leiktíð Martin og félagar tóku sópinn með sér Kane aðeins fjórum stigum frá mögnuðu meti Rondey Robinson Meiðsli settu strik í reikninginn og biðin eftir fyrsta sigrinum lengist Wembanyama fylgir í fótspor goðsagna „Mér finnst ég vera besti leikmaðurinn á Íslandi“ „Eins og Svali segir: Móðir allra íþrótta“ „Spilum eins og það sé enginn morgundagur“ Uppgjör, viðtöl og myndir: Grindavík-Valur 93-89 | Gulir jöfnuðu metin Spilaði á móti Caitlin Clark og Paige Bueckers í háskóla Sjá meira