Ásta Birna meiddist á öxl í leiknum gegn Gróttu

Ásta Birna Gunnarsdóttir, hornamaður og fyrirliði Fram í handbolta, meiddist á öxl í leik liðsins gegn Gróttu í dag. Líkur eru á að hún verði eitthvað frá keppni stutt er í að úrslitakeppnin hefjist í Olís-deild kvenna.

Stefán Arnarson, þjálfari Fram, sagði í viðtölum eftir leikinn í dag að erfitt væri að segja á þessari stundu hve alvarleg meiðslin væru.

Fram er í þriðja sæti deildarinnar þegar ein umferð er eftir en liðið mæti Valsstúlkum í lokaleiknum. Fram má illa við að missa reynslubolta eins og Ástu Birnu á þessum tímapunkti en það styttist óðum í að úrslitakeppnin hefjist í Olís-deild kvenna.