Hafnarfjörður endursemur við Nýherja

Hafnarfjörður hefur endursamið við Nýherja um Rent A Prent prentþjónustu, sem tryggir aukið öryggi og yfirsýn á meðferð gagna og kemur í veg fyrir að útprentuð gögn liggi á glámbekk. Þá dregur auðkenni á prentverki verulega úr sóun á pappír og prentun.

Almennt er talið að 15 prósent af útprentuðum pappír endi í ruslatunnunni. Hafnarfjörður hefur notað Rent A Prent um árabil og á þátt í þróun lausnarinnar með Nýherja samkvæmt tilkynningu.

„Rent A Prent hefur sannað sig sem lausn sem skilar sér í lægri prentkostnaði og er í takt við margar aðrar lausnir Nýherja, sem eiga það sammerkt að efla öryggi, draga úr kostnaði og auka ánægju notenda,“ segir Finnur Oddsson forstjóri hjá Nýherja.