Blómahellir Dior í París stal senunni

Það er óhætt að segja að tískuhúsið Dior hafi tjaldað öllu til þegar það hélt tískusýningu á sumarlínu sinni á tískuvikunni í París fyrir helgi.

Það tók þá 3 mánuði, 400 þúsund blóm og 100 starfsmenn að búa til einskonar helli úr blómum fyrir frama Louvre safnið í París en inn í hellinum fór sýningin fram. Franska Glamour tók saman um 30 sek myndband af herlegheitunum, sem sýnir hvernig vinnan við uppsetninguna fór fram, auðvitað spilað hratt. Neðst í fréttinni má sjá myndbandið. 

Sýning sjálf var flott, létt efni, pasteltónar og ekki síst áberandi hálsskraut einkenndu línuna.  Það er óhætt að segja að staðsetningin hafi samt stolið senunni að þessu sinni hjá Dior. 

Timelapse décor défilé Dior by GlamourParis