Ferðaþjónustan sátt við uppbyggingu á fjárlög Svavar Hávarðsson skrifar 1. maí 2015 07:00 Á Þingvöllum Þjóðgarðurinn er títt nefnt dæmi um aðkallandi uppbyggingu. MYND/BERGLIND SIGMUNDSDÓTTIR Hugmyndir um að uppbygging ferðamannastaða verði sett á fjárlög og því ekki fjármögnuð með sérstakri gjaldtöku stjórnvalda á næstu misserum falla í góðan jarðveg hjá Samtökum ferðaþjónustunnar (SAF). Grímur Sæmundsen, formaður SAF, segir að þetta útspil stjórnvalda eigi samhljóm með tillögum samtakanna í umsögn við frumvarp um náttúrupassa, en eins og kunnugt er mætti málið mikilli andstöðu hagsmunaaðila jafnt sem stjórnarþingmanna og stjórnarandstöðu. Náttúrupassinn virðist því úr sögunni. „Ef það skref verður stigið núna að ríkið fjárfestir beint í innviðum en jafnframt að fyrirtækin geti haft tekjur af þjónustu á svæðunum þá sýnist mér þetta vera stórt skref í þá átt að leysa málið í breiðri sátt. Að okkar mati er þetta útspil stórt skref fram á við,“ segir Grímur. Ragnheiður Elín Árnadóttir, iðnaðar- og viðskiptaráðherra, viðraði þessar hugmyndir í viðtali við Fréttablaðið í gær og sagði að með nokkurri vissu þyrfti milljarð árlega á næstu árum. Með þá tölu væri unnið í fjórum ráðuneytum sem væru með nýja áætlun um uppbyggingu ferðamannastaða á teikniborðinu. Jafnframt að þá stæðu einkaaðilar og sveitarfélögin eftir fyrst heildarlausnin, náttúrupassinn, varð ekki ofan á og því yrðu allir að axla sína ábyrgð; ríkið, sveitarfélögin, einkaaðilar og ferðaþjónustan sjálf.Grímur Sæmundsen.Grímur telur engar hættur í þessu fólgnar og vísar aftur til hugmynda um að gera aðilum kleift að bjóða virðisaukandi þjónustu á grundvelli þeirra fjárfestinga sem ráðist hefur verið í á vegum ríkisins og þeirra innviða sem verða byggðir upp. Hann óttast heldur ekki að málaflokkurinn verði fjársveltur af Alþingi í samkeppni við önnur mikilvæg mál sem samfélagið þarf að sinna. Beinn fjárhagslegur ávinningur við uppbygginguna sé einfaldlega meiri en svo, og snerti ekki aðra mikilvæga málaflokka beint. Ragnheiður sagði jafnframt að ferðaþjónustan skilaði sífellt meiri tekjum sem séu rök fyrir því að fé renni beint úr ríkissjóði til að byggja upp og vernda þær náttúruperlur sem eru helsta aðdráttarafl sífellt fleiri ferðamanna sem hingað koma. Grímur segist fagna þessum orðum ráðherra og þeirri viðurkenningu sem í orðum hennar felst.Árni Páll Árnason.Vísir/GVA„Getuleysi ráðherra æpandi“ „Það er sorgleg afleiðing verkleysis ríkisstjórnarinnar að við séum að missa af tækifærum til að láta erlenda ferðamenn greiða kostnað af nauðsynlegri uppbyggingu,“ segir Árni Páll Árnason, formaður Samfylkingarinnar, um að setja uppbyggingu ferðamannastaða á fjárlög. „Íslenskur almenningur mun nú þurfa að kosta uppbyggingu fyrir þessa nýju lykilatvinnugrein, ferðaþjónustuna, algerlega að óþörfu. Það er enginn vandi að leggja gjöld á ferðamenn í góðri sátt og getuleysi ráðherra ferðamála er æpandi,“ segir Árni Páll. Katrín Jakobsdóttir.Vísir/GVALágt gistináttagjald má hækka „Mér finnst í raun sjálfsagt að uppbygging ferðamannastaða og vernd friðlýstra svæða sé á fjárlögum,“ segir Katrín Jakobsdóttir, formaður Vinstri grænna, um hugmyndir stjórnvalda um að taka fjármuni til uppbyggingar ferðamannastaða af fjárlögum og leggja af hugmyndir um samræmda gjaldtöku. Hún segir ferðaþjónustuna orðna risastóran atvinnuveg sem eðlilegt sé að stjórnvöld fjárfesti í. „Ég er hins vegar enn þeirrar skoðunar að það megi styrkja þennan málaflokk enn frekar, til dæmis með hækkun gistináttagjalds, sem er lágt á Íslandi miðað við önnur Evrópulönd og hefur hvergi annars staðar reynst ógerlegt í innheimtu eins og gefið hefur verið í skyn. Ég tel engan veginn að það sé fullreifað og sama má segja um aðrar leiðir,“ segir Katrín en hnykkir á því að mikilvægast sé þó að staðið verði af myndarskap að því mikilvæga verkefni að vernda náttúruna og tryggja að ferðamenn geti notið hennar án þess að hún láti á sjá. Alþingi Ferðamennska á Íslandi Fjárlagafrumvarp 2016 Tengdar fréttir Viðskiptaráð lýsir yfir vonbrigðum: Skattgreiðendur greiði nú uppbyggingu ferðamannastaða "Það er von Viðskiptaráðs að stjórnvöld endurskoði afstöðu sína og innleiði markaðsmiða lausn í stað beinna ríkisframlaga með tilheyrandi aukningu á almennri skattbyrði,“ segir í tilkynningu. 30. apríl 2015 16:41 Ferðamannastaðir verði settir á fjárlög Ragnheiður Elín Árnadóttir, ráðherra ferðamála, telur ekki að stjórnvöld taki upp samræmda gjaldtöku til uppbyggingar ferðamannastaða á næstu misserum. Ný áætlun um uppbyggingu er í smíðum. Miðað er við milljarð á ári til verkefna. 30. apríl 2015 07:00 Mest lesið Stefán og Lúkas dæmdir í 17 ára fangelsi Innlent Hringvegurinn í sundur vegna vatnavaxta Innlent „Ég hef aldrei séð svona mikið vatn í Jökulsá“ Innlent Telja dagana frá síðasta innbroti Innlent Gat ekki lengur lesið en sagði engum frá því Innlent Von á mesta vindinum í marga mánuði Veður Vímuefnaneysla talin meginorsök banaslyss við Hraunsnef Innlent „Ég má ekki heita Hrísey en ég má heita Rodriguez“ Innlent Grindavíkurgersemin Birna Óladóttir fallin frá Innlent Bandaríkjamenn sagðir vilja Tony Blair við stjórnvölinn á Gasa Erlent Fleiri fréttir Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Vímuefnaneysla talin meginorsök banaslyss við Hraunsnef Stefán og Lúkas dæmdir í 17 ára fangelsi Ekki búin að ákveða hvort þjóðaröryggisráð verði kallað saman „Ég hef aldrei séð svona mikið vatn í Jökulsá“ Grindavíkurgersemin Birna Óladóttir fallin frá Kristrún í pallborði með Starmer, Carney og Albanese Hringvegurinn í sundur vegna vatnavaxta Hugmyndir kynntar um „miðstöð jaðaríþrótta“ í Toppstöðinni Telja dagana frá síðasta innbroti Rannsaka líkamsárás og fjárkúgun Gat ekki lengur lesið en sagði engum frá því „Ég má ekki heita Hrísey en ég má heita Rodriguez“ Skvísur séu almennt frekar næringarsnauðar og börnin geti orðið matvönd „Þau eru að herja á börnin okkar“ Skipulagði bæjarferðir að vestan þannig að hann kæmist í Blóðbankann Lægð sem valdi meiri usla Minna fólk á að hafa vistir til þriggja daga á heimilinu Dæmigert hundaflaut að spyrja hvort kynin séu tvö Grafalvarleg staða í Danmörku, trampólínlægð og hundaflaut Viðvörunarstig hækkað: Auknar líkur á gosi Refsing fyrir að nauðga þroskaskertum manni milduð Breytingar í vændum á skrifstofu forseta Stærðarinnar grjót féll á fjölfarinn veg Bein útsending: Farið yfir það nýjasta í krabbameinsrannsóknum „Handagangur í öskjunni“ leiddi til þess að menntskælingar fengu áfengi Skæð fuglaflensa greindist á Norðurlandi Uppsagnir hjá Norðuráli í dag Sjá meira
Hugmyndir um að uppbygging ferðamannastaða verði sett á fjárlög og því ekki fjármögnuð með sérstakri gjaldtöku stjórnvalda á næstu misserum falla í góðan jarðveg hjá Samtökum ferðaþjónustunnar (SAF). Grímur Sæmundsen, formaður SAF, segir að þetta útspil stjórnvalda eigi samhljóm með tillögum samtakanna í umsögn við frumvarp um náttúrupassa, en eins og kunnugt er mætti málið mikilli andstöðu hagsmunaaðila jafnt sem stjórnarþingmanna og stjórnarandstöðu. Náttúrupassinn virðist því úr sögunni. „Ef það skref verður stigið núna að ríkið fjárfestir beint í innviðum en jafnframt að fyrirtækin geti haft tekjur af þjónustu á svæðunum þá sýnist mér þetta vera stórt skref í þá átt að leysa málið í breiðri sátt. Að okkar mati er þetta útspil stórt skref fram á við,“ segir Grímur. Ragnheiður Elín Árnadóttir, iðnaðar- og viðskiptaráðherra, viðraði þessar hugmyndir í viðtali við Fréttablaðið í gær og sagði að með nokkurri vissu þyrfti milljarð árlega á næstu árum. Með þá tölu væri unnið í fjórum ráðuneytum sem væru með nýja áætlun um uppbyggingu ferðamannastaða á teikniborðinu. Jafnframt að þá stæðu einkaaðilar og sveitarfélögin eftir fyrst heildarlausnin, náttúrupassinn, varð ekki ofan á og því yrðu allir að axla sína ábyrgð; ríkið, sveitarfélögin, einkaaðilar og ferðaþjónustan sjálf.Grímur Sæmundsen.Grímur telur engar hættur í þessu fólgnar og vísar aftur til hugmynda um að gera aðilum kleift að bjóða virðisaukandi þjónustu á grundvelli þeirra fjárfestinga sem ráðist hefur verið í á vegum ríkisins og þeirra innviða sem verða byggðir upp. Hann óttast heldur ekki að málaflokkurinn verði fjársveltur af Alþingi í samkeppni við önnur mikilvæg mál sem samfélagið þarf að sinna. Beinn fjárhagslegur ávinningur við uppbygginguna sé einfaldlega meiri en svo, og snerti ekki aðra mikilvæga málaflokka beint. Ragnheiður sagði jafnframt að ferðaþjónustan skilaði sífellt meiri tekjum sem séu rök fyrir því að fé renni beint úr ríkissjóði til að byggja upp og vernda þær náttúruperlur sem eru helsta aðdráttarafl sífellt fleiri ferðamanna sem hingað koma. Grímur segist fagna þessum orðum ráðherra og þeirri viðurkenningu sem í orðum hennar felst.Árni Páll Árnason.Vísir/GVA„Getuleysi ráðherra æpandi“ „Það er sorgleg afleiðing verkleysis ríkisstjórnarinnar að við séum að missa af tækifærum til að láta erlenda ferðamenn greiða kostnað af nauðsynlegri uppbyggingu,“ segir Árni Páll Árnason, formaður Samfylkingarinnar, um að setja uppbyggingu ferðamannastaða á fjárlög. „Íslenskur almenningur mun nú þurfa að kosta uppbyggingu fyrir þessa nýju lykilatvinnugrein, ferðaþjónustuna, algerlega að óþörfu. Það er enginn vandi að leggja gjöld á ferðamenn í góðri sátt og getuleysi ráðherra ferðamála er æpandi,“ segir Árni Páll. Katrín Jakobsdóttir.Vísir/GVALágt gistináttagjald má hækka „Mér finnst í raun sjálfsagt að uppbygging ferðamannastaða og vernd friðlýstra svæða sé á fjárlögum,“ segir Katrín Jakobsdóttir, formaður Vinstri grænna, um hugmyndir stjórnvalda um að taka fjármuni til uppbyggingar ferðamannastaða af fjárlögum og leggja af hugmyndir um samræmda gjaldtöku. Hún segir ferðaþjónustuna orðna risastóran atvinnuveg sem eðlilegt sé að stjórnvöld fjárfesti í. „Ég er hins vegar enn þeirrar skoðunar að það megi styrkja þennan málaflokk enn frekar, til dæmis með hækkun gistináttagjalds, sem er lágt á Íslandi miðað við önnur Evrópulönd og hefur hvergi annars staðar reynst ógerlegt í innheimtu eins og gefið hefur verið í skyn. Ég tel engan veginn að það sé fullreifað og sama má segja um aðrar leiðir,“ segir Katrín en hnykkir á því að mikilvægast sé þó að staðið verði af myndarskap að því mikilvæga verkefni að vernda náttúruna og tryggja að ferðamenn geti notið hennar án þess að hún láti á sjá.
Alþingi Ferðamennska á Íslandi Fjárlagafrumvarp 2016 Tengdar fréttir Viðskiptaráð lýsir yfir vonbrigðum: Skattgreiðendur greiði nú uppbyggingu ferðamannastaða "Það er von Viðskiptaráðs að stjórnvöld endurskoði afstöðu sína og innleiði markaðsmiða lausn í stað beinna ríkisframlaga með tilheyrandi aukningu á almennri skattbyrði,“ segir í tilkynningu. 30. apríl 2015 16:41 Ferðamannastaðir verði settir á fjárlög Ragnheiður Elín Árnadóttir, ráðherra ferðamála, telur ekki að stjórnvöld taki upp samræmda gjaldtöku til uppbyggingar ferðamannastaða á næstu misserum. Ný áætlun um uppbyggingu er í smíðum. Miðað er við milljarð á ári til verkefna. 30. apríl 2015 07:00 Mest lesið Stefán og Lúkas dæmdir í 17 ára fangelsi Innlent Hringvegurinn í sundur vegna vatnavaxta Innlent „Ég hef aldrei séð svona mikið vatn í Jökulsá“ Innlent Telja dagana frá síðasta innbroti Innlent Gat ekki lengur lesið en sagði engum frá því Innlent Von á mesta vindinum í marga mánuði Veður Vímuefnaneysla talin meginorsök banaslyss við Hraunsnef Innlent „Ég má ekki heita Hrísey en ég má heita Rodriguez“ Innlent Grindavíkurgersemin Birna Óladóttir fallin frá Innlent Bandaríkjamenn sagðir vilja Tony Blair við stjórnvölinn á Gasa Erlent Fleiri fréttir Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Vímuefnaneysla talin meginorsök banaslyss við Hraunsnef Stefán og Lúkas dæmdir í 17 ára fangelsi Ekki búin að ákveða hvort þjóðaröryggisráð verði kallað saman „Ég hef aldrei séð svona mikið vatn í Jökulsá“ Grindavíkurgersemin Birna Óladóttir fallin frá Kristrún í pallborði með Starmer, Carney og Albanese Hringvegurinn í sundur vegna vatnavaxta Hugmyndir kynntar um „miðstöð jaðaríþrótta“ í Toppstöðinni Telja dagana frá síðasta innbroti Rannsaka líkamsárás og fjárkúgun Gat ekki lengur lesið en sagði engum frá því „Ég má ekki heita Hrísey en ég má heita Rodriguez“ Skvísur séu almennt frekar næringarsnauðar og börnin geti orðið matvönd „Þau eru að herja á börnin okkar“ Skipulagði bæjarferðir að vestan þannig að hann kæmist í Blóðbankann Lægð sem valdi meiri usla Minna fólk á að hafa vistir til þriggja daga á heimilinu Dæmigert hundaflaut að spyrja hvort kynin séu tvö Grafalvarleg staða í Danmörku, trampólínlægð og hundaflaut Viðvörunarstig hækkað: Auknar líkur á gosi Refsing fyrir að nauðga þroskaskertum manni milduð Breytingar í vændum á skrifstofu forseta Stærðarinnar grjót féll á fjölfarinn veg Bein útsending: Farið yfir það nýjasta í krabbameinsrannsóknum „Handagangur í öskjunni“ leiddi til þess að menntskælingar fengu áfengi Skæð fuglaflensa greindist á Norðurlandi Uppsagnir hjá Norðuráli í dag Sjá meira
Viðskiptaráð lýsir yfir vonbrigðum: Skattgreiðendur greiði nú uppbyggingu ferðamannastaða "Það er von Viðskiptaráðs að stjórnvöld endurskoði afstöðu sína og innleiði markaðsmiða lausn í stað beinna ríkisframlaga með tilheyrandi aukningu á almennri skattbyrði,“ segir í tilkynningu. 30. apríl 2015 16:41
Ferðamannastaðir verði settir á fjárlög Ragnheiður Elín Árnadóttir, ráðherra ferðamála, telur ekki að stjórnvöld taki upp samræmda gjaldtöku til uppbyggingar ferðamannastaða á næstu misserum. Ný áætlun um uppbyggingu er í smíðum. Miðað er við milljarð á ári til verkefna. 30. apríl 2015 07:00