Björgólfur Thor kærir Reykjavíkurborg

Björgólfur Thor Björgólfsson hefur kært Reykjavíkurborg til úrskurðarnefndar umhverfis- og auðlindamála. Kæran er komin til vegna ákvörðunar byggingarfulltrúa Reykjavíkurborgar um að meina Björgólfi að fjarlægja stiga hússins að Fríkirkjuvegi 11.

Fréttastofa RÚV greinir frá málinu en Björgólfur telur að byggingarfulltrúi borgarinnar, Nikulás Úlfar Másson, hafi verið vanhæfur þegar hann bannaði að stiginn yrði fjarlægður. Telur hann að persónuleg sjónarmið Nikulásar hafi haft áhrif á meðferð málsins.

Í kærunni segir að Nikulás hafi tekið afstöðu gegn breytingum í sínu fyrra starfi en hann var forstöðumaður Húsafriðunarnefndar sem tók afstöðu til fyrirhugaðra framkvæmda Björgólfs Thors á Fríkirkjuvegi 11. Jafnframt hafi hann tekið afstöðu gegn breytingunum í eigin persónu á opinberan og afdráttarlausan hátt.

Björgólfur telur einnig að ágalli hafi verið á málsmeðferð, hann hafi ekki fengið færi á að koma sjónarmiðum sínum á framfæri áður en ákvörðun um að hafna því að fjarlæga mætti stigann var tekinn. Að mati Björgólfs eigi því að ógilda eigi því ákvörðum byggingarfulltrúans.

Fríkirkjuvegur 11 var friðaður árið 2012 en Björgólfur Thor hugðist fjarlæga aðalstiga hússins og setja lyftu svo auðvelda mætti aðgengi að veislusal sem útbúa átti á  2. hæð hússins.