Atvinnuleysi 3,5% á 3. ársfjórðungi

Á þriðja ársfjórðungi 2015 mældist atvinnuleysi 3,5 prósent. Atvinnuþátttaka var 83,3 prósent og hlutfall starfandi nam 80,4 prósent. Þetta kemur fram í frétt á vef Hagstofunnar.

Á þriðja ársfjórðungi 2015 voru 192.800 manns á aldrinum 16–74 ára á vinnumarkaði. Af þeim voru 186.000 starfandi og 6.800 án vinnu og í atvinnuleit. Frá þriðja ársfjórðungi 2014 fjölgaði starfandi fólki um 3.200 og hlutfallið jókst um 1,3 prósentustig. Atvinnulausum fækkaði á sama tíma um 900 manns og hlutfallið sömuleiðis um 0,5 prósentustig.