Fyrsti sigur Hamars kom gegn Keflavík

Hamar vann óvæntan sigur á Keflavík í Dominos-deild kvenna, en þetta var fyrsti sigur Hamars í fyrstu átta leikjunum í deildinni.

Hamar byrjaði vel og heimastúlkur voru 23-19 eftir fyrsta leikhlutann. Keflavík vann leikhluta númer tvö 11-13 og staðan í hálfleik því 34-32, Hamar í vil.

Heimastúlkur, sem höfðu ekki unnið leik fyrir þennan leik, héldu forystunni eftir þriðja leikhluta og þegar síðasti leikhlutinn rann upp leiddi Hamar 52-49.

Þrátt fyrir mikla pressu frá Keflavík sigldi Hamar fyrsta sigrinum heim, en Suriya McGuire átti frábæran leik fyrir Hamar. Hún skoraði 23 stig, tók fimm fráköst, gaf fimm stoðsendingar og stal fimm boltum.

Hjá Keflavík var það Melissa Zorning sem var stigahæst. Hún gerði 29 stig og tók fjögur fráköst. Næst kom Sandra Lind Þrastardóttir með tíu stig.

Hamar: Suriya McGuire 23/5 fráköst/5 stoðsendingar/5 stolnir, Salbjörg Ragna Sævarsdóttir 15/5 fráköst/3 varin skot, Íris Ásgeirsdóttir 12/5 fráköst, Helga Vala Ingvarsdóttir 6, Heiða Björg Valdimarsdóttir 5, Nína Jenný Kristjánsdóttir 5/6 fráköst, Jenný Harðardóttir 2, Jóhanna Herdís Sævarsdóttir 2/4 fráköst, Hrafnhildur Magnúsdóttir 0/4 fráköst, Jóna Sigríður Ólafsdóttir 0, Margrét Hrund Arnarsdóttir 0, Karen Munda Jónsdóttir 0.

Keflavík: Melissa Zorning 29/4 fráköst, Sandra Lind Þrastardóttir 10/5 fráköst, Thelma Dís Ágústsdóttir 8/4 fráköst, Marín Laufey Davíðsdóttir 8/11 fráköst, Bríet Sif Hinriksdóttir 7/4 fráköst, Emelía Ósk Gunnarsdóttir 2/4 fráköst, Elfa Falsdottir 2, Irena Sól Jónsdóttir 2/6 fráköst, Guðlaug Björt Júlíusdóttir 1/5 fráköst/5 stoðsendingar, Tinna Björg Gunnarsdóttir 0, Katla Rún Garðarsdóttir 0, Kristrún Björgvinsdóttir 0.